Fréttablaðið - 21.05.2007, Blaðsíða 42

Framarar geta nagað sig
í handarbökin fyrir að hafa ekki
nýtt nokkur afgerandi marktæki-
færi í leiknum gegn Víkingum í
gær. Með réttu hefðu Framar-
ar átt að skora 3-4 mörk í leikn-
um í gær en voru klaufar uppi við
mark andstæðingsins.
Gestirnir úr Víkingi þökkuðu
heimamönnum fyrir klaufaskap-
inn á besta mögulega hátt, með
því að skora tvö lagleg mörk í síð-
ari hálfleik. Fyrst skoraði Egill
Atlason eftir flotta skyndisókn,
en þær eru klárlega helsta vopn
Víkinga. Sinisa Kekic gulltryggði
síðan sigurinn á 86. mínútu með
marki af stuttu færi. Grétar Sig-
finnur Sigurðsson brenndi af
vítaspyrnu í fyrri hálfleik en það
kom ekki að sök.
Framarar pressuðu nokkuð
eftir mark Egils en eins og áður
segir var þeim fyrirmunað að
koma boltanum framhjá Bjarni
Þórði Halldórssyni í marki Vík-
ings, sem varði nokkrum sinnum
frábærlega í síðari hálfleik. Liðið
spilaði engu að síður ágætlega á
köflum, sérstaklega í fyrri hálf-
leik.
Víkingar virðast vel meðvitað-
ir um eigin getu og spila eftir því.
Leikmenn liðsins berjast eins
og ljón, eru fastir fyrir í vörn-
inni og beita svo skyndisóknum.
Sinisa Kekic er sem fyrr algjör
lykilmaður og sá sem sér um að
byggja upp sóknarspilið.
Víkingar nýttu færin en Framarar ekki„Við erum með eldfljóta
menn frammi og það væri ein-
faldlega vitleysa að nýta það
ekki,“ sagði Egill Atlason eftir
Víkings og Fram í gær. Hann
skoraði fyrra mark Víkings í 2-0
sigri á Fram.
„Okkur líkar við að spila
hraðar sóknir en þær voru miklu
betri í dag en í fyrsta leiknum. Þá
vorum við meira að þruma fram
og vona það besta en í dag náðum
við að byggja upp virkilega góðar
sóknir,“ bætti hann við.
Byggðum upp
góðar sóknir
KR og Breiðablik sætt-
ust á jafnan hlut í Vesturbænum
í gærkvöldi. Heimamenn komust
yfir snemma leiks eftir að hafa
sótt hart að marki Blika frá upp-
hafsmínútunni. Sigmundur Kristj-
ánsson gerði þá harða atlögu að
Guðmanni Þórissyni, sem hreins-
aði boltann nánast í Sigmund og
inn. Slysalegt mark en KR komið
yfir.
Eftir markið duttu leikmenn
KR neðarlega á völlinn og beittu
óskynsamlegri aðferð í að senda
boltann langt fram völlinn. Í raun
óskiljanlegt þar sem þeir spiluðu
á móti vindi og boltinn lét að von
illa að stjórn í háloftunum. Þegar
liðið spilaði boltanum með jörð-
inni gengu atlögur þess að Blika-
markinu betur enda sóknarmenn
liðsins hrifnari af því að fá bolt-
ann í fæturna. KR er með marga
leikmenn sem eru góðir á boltan-
um og með ólíkindum að liðið spili
boltanum ekki betur á milli sín.
Blikar spiluðu vel í síðari hálf-
leiknum og uppskáru verðskuldað
jöfnunarmark þegar Magnús Páll
Gunnarsson nýtti sér hik í vörn
KR. Hvorugt liðið náði að bæta við
mörkum en spilamennska KR hélt
áfram að vera á þann veg að senda
langa bolta fram völlinn á meðan
Blikar spiluðu betur sín á milli.
„Þetta var sorglegt. Í fyrri hálf-
leik erum við miklu betri en svo
byrjum við að kýla boltann fram
og höldum því út leikinn. Við
eigum að halda boltanum betur
meðfram jörðinni og eitt stig eftir
tvo leiki er alls ekki ásættanlegt,“
sagði Sigmundur Kristjánsson,
markaskorari KR í leiknum.
Arnar Grétarsson átti frábær-
an leik inni á miðjunni hjá Blik-
um og hann var sáttur með stig-
ið. „Ég held að þetta sé ásættan-
legt eftir að hafa verið hræðilega
lélegir fyrstu tíu mínúturnar.
Við spiluðum glimrandi vel í síð-
ari hálfleik og hefðum kannski
getað uppskorið meira miðað við
hvernig leikurinn þróaðist. Ég
er þó mjög sáttur með hvernig
liðið er að spila, við erum að spila
flottan bolta og ef við höldum
þessu áfram munum við hala inn
mörg stig í sumar,“ sagði Arnar,
sem eins og fleirum kom spila-
mennska KR á óvart.
„Við erum með gott fótboltalið
og spilamennska KR í þessum leik
kom mér á óvart. Þeir eru með
hörku mannskap en þessir löngu
boltar skiluðu þeim ekki miklu.
Þetta er kannski ekki mitt vanda-
mál en kom engu að síður á óvart.
Það hefði verið gaman að taka þrjú
stig en við reynum að hirða þau í
næsta leik,“ sagði Arnar.
„Þessi spilamennska er ekki ásættanleg“