Fréttablaðið - 21.05.2007, Blaðsíða 34

„ÞAÐ ELSKA ALLAR KONUR HEIMSFRÆGA MENN“
GRETTIR
Miðasala 568 8000
www.borgarleikhús.is
grettir.blog. is
À la carte postulín
Nú fæst nýja Alizée-stellið frá Pillivuyt líka á Íslandi
R
V
62
35
Rekstrarvörur
1982–200725ára
Halldór Sigdórsson
Þjónn, aðstoðarverslunarstjóri hjá RV
Óhefðbundin hönnun
Skemmtilegt í framreiðslu
Nýi pillenium-leirinn gefur
postulíninu aukið högg- og hitaþol
Opnar nýjar víddir
í veitingaþjónustu.
Dýrðarsöngur í Háteigskirkju12.00
Nýtt ljósmyndagallerí hefur verið
opnað að Skólavörðustíg 4a í Reykja-
vík. Þar eru til sölu myndir í takmörk-
uðu upplagi eftir rúmlega tuttugu ljós-
myndara sem og gamlar og nýjar ís-
lenskar ljósmyndabækur.
Að galleríinu standa Ari Sigvaldason,
Stígur Steinþórsson, Stefán Einarsson
og Sigvaldi Arason.
Galleríið er opið frá 12.00 til 16.00 alla
virka daga og nú stendur þar yfir einka-
sýning Ragnars Axelssonar sem ber
heitið Kuldi.
Tónleikar Gorans Bregovic
og stórsveitar hans bundu
enda á frábært Vorblót á
laugardagskvöld. Trausti
Júlíusson var meðal gesta í
Höllinni.
Það var tilkomumikil sjón að
virða fyrir sér stórhljómsveit-
ina hans Gorans Bregovic á svið-
inu í Laugardalshöll á laugardags-
kvöldið. Strengjasveitin var í
tveimur hlutum, hvor sínum
megin til hliðanna, búlgörsku
söngkonurnar tvær í þjóðbúning-
um lengst til vinstri, aftast var
karlakórinn dimmraddaði, fyrir
miðju sviðinu sígaunalúðrasveit-
in og fremst á sviðinu slagverk-
sleikarinn og söngvarinn Alen
Ademovic og Goran sjálfur, hvít-
klæddur með rafmagnsgítarinn
og kjöltutölvuna …
Hin ólíku áhrif sem bland-
ast í tónlist Gorans verða aug-
ljósari þegar maður sér fulltrúa
þeirra svona skipulega raðað upp.
Laugardalshöllin var fullsetin
þegar tónleikarnir hófust rúm-
lega níu og þeim lauk ekki fyrr en
rúmlega tveimur og hálfum tíma
síðar. Dagskráin var samsett að
stærstum hluta úr lögum af Tales
& Songs From Weddings & Funer-
als og kvikmyndaplötum Gorans,
sérstaklega Underground, en mér
telst til að a.m.k. sjö lög hafi verið
flutt af henni.
Það var greinilegt að þetta var
kirfilega skipulögð sýning. Það
var byrjað á rólegri og dramat-
ískari lögunum en eftir því sem
leið á dagskrána magnaðist fjörið.
Þegar lagið Hop hop hop af Tales
& Songs … hófst brutust út tölu-
verð fagnaðarlæti og ekki minnk-
aði stuðið þegar Ya Ya Ringe
Ringe Raja tók við, en það er út-
gáfa af Ya-Ya smelli Lee Dorsey
frá 1961 og er gríðarlega stuðvekj-
andi í meðferð Gorans. Flestir tón-
leikagestir í Höllinni höfðu setið
prúðir í sætum sínum fram að
þessu, en allnokkrir stóðu upp til
að dansa og þeim fjölgaði þegar
á leið. Í lokin voru allir komnir á
fætur. Fyrri hluti tónleikanna end-
aði með röð af smellum: Death úr
La reine Margot, In the Death Car
úr Arizona Dream, hið almagnaða
Ederlezi úr Le Temps des Gitanes
og Mjesecina úr Underground.
Eftir hraustlegt uppklapp voru
tekin nokkur lög í viðbót, m.a.
drykkjuvísa sem Goran syngur að
eigin sögn alltaf þegar hann fær
sér neðan í því og hið bráðsmellna
Kalasjnikov úr Underground en í
því fékk Goran tónleikagesti til að
hrópa „Árás!“ á réttum stöðum. Í
lokin róaði Goran þetta svo niður
með hreint út sagt magnaðri út-
gáfu af laginu The Belly Button of
the World, einnig úr Underground.
Á heildina litið voru þetta mjög
vel heppnaðir stórtónleikar. Það
var gaman að fylgjast með Goran
á sviðinu. Hann sleppti aldrei
hendinni af rafmagnsgítarnum og
stjórnaði hljómsveitinni næstum
eins og kæruleysislega með ann-
arri hendinni. Eitt af mikilvæg-
ustu hlutverkum Listahátíðar er að
opna augu okkar fyrir nýjum hlut-
um. Því hlutverki var sinnt með
glæsibrag á laugardagskvöldið.