Fréttablaðið - 21.05.2007, Blaðsíða 8

Hvar sitja forystumenn Sjálf-
stæðisflokks og Samfylkingar
að myndun ríkisstjórnar?
Hvað hét höfundur Tinna-
bókanna og hvaða ár var hann
fæddur?
Hvaða leikmaður tryggði
sigur á Wembley um helgina og
fyrir hvaða lið spilar hann?
Maður um tvítugt hefur
verið dæmdur í fimm mánaða
fangelsi, skilorðsbundið til þriggja
ára, fyrir að hafa ekið ölvaður og á
miklum hraða í gegnum slysavett-
vang í trássi við fyrirmæli lög-
reglumanna.
Lögregla lokaði aðrein frá
Lönguhlíð inn á Miklubraut tíma-
bundið vegna umferðarslyss í
september í fyrra. Maðurinn kom
þá aðvífandi á of miklum hraða,
sinnti ekki stöðvunarmerkjum
lögreglu, ók í gegnum slysavett-
vanginn og stofnaði lífi þriggja
lögreglumanna, slökkviliðsmanns
og borgarstarfsmanns sem þar
voru að störfum í mikla hættu, en
þeir gátu með naumindum forðað
sér frá bíl hans.
Maðurinn var handtekinn fjór-
um tímum síðar í heimahúsi. Hann
játaði brotið, en sagðist hafa
drukkið áfengi eftir aksturinn,
ekki fyrir. Það stenst ekki, að því
er fram kemur í dómnum.
Maðurinn rauf með brotinu skil-
orð sem hann hlaut vegna þjófnað-
ar árið 2005 og er sú refsing því
tekin upp. Í ljósi greiðrar játningar
og breyttrar hegðunar undanfarna
mánuði þótti dómnum rétt að skil-
orðsbinda refsinguna. Hann var
jafnframt sviptur ökuréttindum í
átján mánuði og dæmdur til að
greiða 150 þúsund króna sekt.
Dómurinn var kveðinn upp í Hér-
aðsdómi Reykjavíkur í gær.
Ók ölvaður um slysavettvang
Karlmaður á sextugs-
aldri hefur verið dæmdur í fjög-
urra mánaða óskilorðsbundið fang-
elsi fyrir hrottalega árás á
sambýliskonu sína í júní í fyrra.
Maðurinn kom ölvaður heim til
sín á laugardagskvöldi og reiddist
mjög þegar hann sá að lykilorði að
netbanka þeirra hafði verið breytt.
Hann krafði sambýliskonu sína um
nýja lykilorðið og hófust átök upp
frá því. Konan kastaði í hann
heimasímanum, og rak sig í spegil
með þeim afleiðingum að hann
brotnaði. Hún greip þá glerbrot úr
speglinum sér til varnar. Maðurinn
réðst þá á hana, sló hana ítrekuðum
hnefahöggum í höfuð og andlit,
með þeim afleiðingum að konan
hlaut 2,5 sentimetra skurð á höfði,
eins sentimetra skurð fyrir ofan
efri vör og missti fimm tennur.
Áður en maðurinn kom heim
hafði konan sent vinkonu sinni sím-
skilaboð með textanum „Ég get
ekki meir, get ekki, viltu hjálpa
mér að komast í Byrgið m. krakk-
ana“. Vinkonan kom síðan til kon-
unnar seinna um nóttina, og lýsir
hún aðkomunni sem hrikalegri.
Blóð hafi verið um alla íbúð.
Við ákvörðun refsingarinnar var
litið til þess sérstaklega að maður-
inn réðst á sambýliskonu sína á
heimili þeirra þar sem börn þeirra
sváfu. Hann var einnig dæmdur til
að greiða konunni rúmlega 450
þúsund krónur í miskabætur.
Tíu veitingastaðir í
miðborginni taka þátt í fiskiveisl-
unni á Hátíð hafsins í ár og bjóða
þriggja til fjögurra rétta fiskmat-
seðil á tilboðsverði sjómanna-
dagshelgina 1. til 3. júní.
„Þótt innblástur réttanna komi
hvaðanæva að úr heiminum eiga
þeir þó allir það sameiginlegt að
vera unnir úr íslensku gæðahrá-
efni,“ segir í tilkynningu um
hátíðina.
Tíu veitingahús
með fiskiveislu
Landhelgis-
gæsla Íslands hefur undanfarin ár
gert tilraunir með notkun
gervitunglamynda við skipulagn-
ingu hefðbundins eftirlits á hafinu
umhverfis Ísland. Fyrr á þessu ári
gerði Landhelgisgæslan samning
við erlenda aðila um kerfisbundna
töku gervitunglamynda sem
nýttar verða til að skipuleggja
eftirlit með varðskipum og
loftförum.
Gervitunglamyndirnar nýtast
við eftirlit innan efnahagslögsög-
unnar og á úthafsveiðisvæðum. Þá
er fyrirhugað samstarf við
Norðaustur-Atlantshafsfiskveiði-
ráðið við úrvinnslu myndanna.
Gervitungl nýtt
til eftirlitsstarfa
Alberto Gonzales,
dómsmálaráðherra Bandaríkj-
anna, á líklega yfir höfði sér að
vantrauststillaga verði lögð fram í
öldungadeild Bandaríkjaþings
undir lok vikunnar. Búast má við
því að hann segi af sér áður en
atkvæði verða greidd um tillög-
una.
Arlen Specter, leiðtogi repúblik-
ana í dómsmálanefnd öldunga-
deildarinnar, segir að allmargir
repúblikanar muni ganga til liðs
við demókrata í þessu máli og
greiða atkvæði með vantrauststil-
lögunni. Dómsmálanefndin rann-
sakar nú hvort dómsmálaráðherr-
ann hafi gerst brotlegur þegar
hann rak hóp saksóknara víðs
vegar um Bandaríkin.
Mitch McConnell, leiðtogi rep-
úblikana í öldungadeildinni, segir
hins vegar að demókratar geti enn
gripið til ýmissa ráða til að koma í
veg fyrir að vantrauststillagan
verði borin undir atkvæði.
Gonzales dómsmálaráðherra
hefur sætt harðri gagnrýni síð-
ustu vikur, og þá ekki aðeins fyrir
brottrekstur saksóknaranna. Í síð-
ustu viku birtu meðal annars fyrr-
verandi skólabræður Gonzales,
alls 56 lögfræðingar sem útskrif-
uðust sama ár og hann, árið 1982,
opið bréf í dagblaðinu Washington
Post þar sem þeir segjast ekki
lengur geta orða bundist yfir því
hvernig hann hafi beitt sér í emb-
ætti.
Búist við afsögn
Sturla Böðvarsson,
samgönguráðherra og þingmaður
Norðvesturkjördæmis, hefur
ákveðið að kalla þingmenn kjör-
dæmisins til fundar eins fljótt og
auðið er, að sögn Jóns Bjarnason-
ar, þingmanns Vinstri grænna.
Jón kallaði sjálfur eftir fundin-
um en hann vill að farið verði yfir
þá alvarlegu stöðu sem komin er
upp á Flateyri eftir að veiðiheim-
ildir voru seldar úr þorpinu og
fiskvinnslufyrirtækinu Kambi
lokað. Um 120 manns missa vinn-
una en á Flateyri búa um það bil
300 manns.
„Þetta er grafalvarlegt mál ekki
síst vegna þess að þarna liggur
ábyrgðin hjá stjórnmálamönnum.
Það er alveg ljóst að stefna stjórn-
valda í sjávarútvegsmálum og
ruðningsáhrif stóriðjustefnunnar
eru stærsta ástæða þess að svona
fór,“ segir Jón. Hann segir marga
þá sem enn halda úti fiskvinnslu
berjast í bökkum. Starfseminni sé
haldið út af tryggð við byggðar-
lög. Telur hann hann aðeins tíma-
spursmál hvenær allsherjar hrun
verði.
Guðjón Arnar Kristjánsson, for-
maður Frjálslynda flokksins, segir
lokun Kambs á Flateyri sönnun
þess að ekki sé hægt að starfa
innan kvótakerfisins. Hann segir
kerfið á góðri leið með að leggja
byggðir landsins í rúst. Sjávar-
útvegsráðherra segir Flateyringa
hafa notið góðs af kerfinu fram til
þessa.
Telur algert
hrun vera
tímaspursmál
Sturla Böðvarsson hefur ákveðið að kalla þingmenn
Norðvesturkjördæmis saman eins fljótt og auðið er
til að fara yfir stöðuna sem komin er upp á Flateyri.