Fréttablaðið - 08.06.2007, Qupperneq 26

Stjórnmálaumræða síðustu daga hefur
markast mjög af fyrstu
skrefum nýrrar ríkis-
stjórnar, sem ýmsum
þykir að hefðu að ósekju
mátt vera yfirvegaðri
og í meiri samhljómi
við Þingvallayfirlýsing-
una. Í henni er gefið fyrirheit um
gott samstarf við alla flokka á
Alþingi, en á fyrstu starfsdögum
stjórnarinnar er öllu slíku kastað
fyrir róða og ráðherrarnir ganga
fram af stærilæti. Kannski má
kenna óöryggi og stressi Sam-
fylkingarinnar um gangtruflan-
irnar á fyrstu metrunum, en lík-
legra að orsakanna sé að leita í
vinnubrögðum sem fyrri ríkis-
stjórnir Sjálfstæðisflokks hafa
mótað og Samfylkingin megnar
ekki að standa gegn, hvað sem
síðar kann að verða.
Stefnuyfirlýsing hinnar nýju rík-
isstjórnar hefur verið til sérstakr-
ar skoðunar í fjölmiðlum síðustu
daga og þó almennt sé talið að
lítilla breytinga sé að vænta á
stjórnarstefnunni þá hafa atriði
eins og afstaðan til stríðsátaka í
Írak og stefnan í stóriðjumálum
verið til nokkurrar umfjöllunar.
Það er forvitnilegt að rýna í yfir-
lýsinguna með grænum gleraug-
um til að sjá hvernig sjónarmið-
um umhverfis- og náttúruvernd-
ar er þar fyrirkomið. Fyrst ber
að nefna vonbrigðin yfir því að
sjálfbærrar þróunar skuli í engu
getið í hinu ríflega fimm síðna
plaggi og hlýtur sú staðreynd að
orsaka nokkra fyrirvara varð-
andi innihaldið hjá
þeim sem einhvers
höfðu vænst í þessum
efnum.
Margt af því sem fram
kemur í umhverfis-
verndarkaflanum er
góðra gjalda vert og
sjálfsagt að gefa ríkis-
stjórninni tækifæri til
að móta stefnu um ein-
stök atriði eins og bar-
áttuna gegn mengun og sóun nátt-
úruauðlinda, náttúruvernd og
samdrátt í losun gróðurhúsaloft-
tegunda. Á hinn bóginn er rétt að
benda á atriði er valda vonbrigð-
um. Þar nefni ég fyrst að stór-
framkvæmdum skuli ekki sleg-
ið á frest eins og Samfylkingin
lofaði kjósendum sínum, heldur
skuli þær einungis tímasettar í
ljósi hagstjórnarmarkmiða. For-
sætisráðherra lagði m.a.s. lykkju
á leið sína á blaðamannafundin-
um á Þingvöllum til að eyða mis-
skilningi um að samið hefði verið
um stóriðjustopp.
Þegar náttúruverndaráform-
in eru skoðuð vekur athygli að
einungis skuli talin fá af þeim
níu svæðum sem „Fagra Ís-
land“ Samfylkingarinnar gaf
fyrirheit um að yrðu vernduð.
Þannig vantar á listann Brenni-
steinsfjöll, Grændal, jökulárn-
ar í Skagafirði og Skjálfanda-
fljót. En í þeirra stað eru komin
svæði sem hafa verið friðlýst í
áratugi eins og Askja og Hvera-
vellir. Þá má geta þess að Alþingi
samþykkti í tengslum við Vatna-
jökulsþjóðgarð að vatnasvið Jök-
ulsár á Fjöllum kæmi til með að
heyra undir þjóðgarðinn, svo
varla hefði verið þörf á að geta
þess sérstaklega. Og varðandi
Þjórsárver þá bar forystumönn-
um hinnar nýju ríkisstjórnar
ekki saman um hvað átt væri við
með því sem segir í yfirlýsing-
unni um þau. Forsætisráðherra
lítur ekki svo á að hætt hafi verið
við Norðlingaölduveitu og víst er
að Landsvirkjun vinnur hörðum
höndum að undirbúningi hennar
ásamt virkjununum í neðri hluta
Þjórsár.
Vinnu við rammaáætlun um nýt-
ingu vatnsafls og jarðvarma
verði lokið fyrir árslok 2009. Af
umfjöllun hefur mátt ráða að
verið sé að hraða því ferli, en hið
rétta er að áætlanir verkefnis-
stjórnar hafa alltaf gert ráð fyrir
að hún verði tilbúin 2009. Um það
má lesa í skýrslu auðlindanefnd-
ar iðnaðarráðherra frá í okt.
2006. Hinu er rétt að fagna að
samkomulag skuli hafa náðst um
að rammaáætlunin þurfi stað-
festingu Alþingis áður en hún
tekur gildi. Engu að síður veld-
ur það vonbrigðum hversu veik-
ar skorður eru reistar við því
að orkufyrirtækin haldi áfram
rannsóknum og orkuvinnslu á
viðkvæmum háhitasvæðum. Þar
eru á ferð alvarlegir váboðar,
sem sjást best á glóðvolgri und-
irritun samnings um orkusölu til
álvers í Helguvík.
Hlálega atriðið í stjórnarsátt-
málanum varðar bindingu kol-
efnis og afhjúpar textinn van-
þekkingu á lögmálum náttúrunn-
ar þar sem segir að ríkisstjórnin
hyggist efla skógrækt og land-
græðslu í þeim tilgangi að binda
kolefni í andrúmsloftinu. Sam-
kvæmt orðanna hljóðan er engu
líkara en menn ætli andrúms-
loftinu að binda kolefni, þó hvert
mannsbarn viti að það eru gróður
og jarðvegur sem búnir eru slík-
um eiginleikum. Sárlega vant-
ar haldbær markmið um sam-
drátt í losun gróðurhúsaloftteg-
unda og hæpið að ætla að nýta
landgræðslu og skógrækt sem
flóttaleið í þeim efnum. Vitað er
að skrifstofu loftslagssamnings
Sameinuðu þjóðanna gengur illa
að koma saman reglum um hvers
konar skógrækt og landgræðsla
verða gjaldgengar í losunarbók-
haldi Kyótó-bókunarinnar.
Þegar allt kemur til alls þá skort-
ir stefnuyfirlýsingu ríkisstjórn-
arinnar sárlega hugmyndafræði-
legan bakgrunn. Ómarkviss
framsetning sýnir hversu mjög
forystumenn stjórnarflokkanna
skortir skilning á mikilvægi
sjálfbærrar þróunar við pólit-
íska stefnumörkun. Segja má að
yfirlýsingin kveiki fleiri spurn-
ingar af umhverfislegum toga en
hún svarar. Og sú spurning sem
verður hvað áleitnust að loknum
lestri er þessi: Hvaða þýðingu
hefur það að Samfylkingin skuli
hafa horfið frá fyrri yfirlýsing-
um um að afnema beri vatnalög-
in hin nýju?
Þingmaður Vinstrihreyfingar-
innar – græns framboðs.
Með grænum gleraugum
Núna um helgina 8.-10. júní verð-ur Menningarhátíð Seltjarnar-
ness haldin í þriðja skipti.
Hátíðin er afrakstur sameinaðs
átaks fjölmargra Seltirninga sem
lagst hafa á eitt við að efla menn-
ingu bæjarins og skapa hátíðar-
stemningu.
Leiðarstefið að þessu sinni er
„fortíð mætir framtíð“ en meðal
þess sem boðið er upp á er sýning
á Bókasafni bæjarins sem nefn-
ist „Systir með sjóhatt“. Þar verða
sýndar valdar ljósmyndir úr safni
bræðranna Ólafs og Sigurðar Pét-
urssona sem ólust upp í Hrólfskála.
Myndirnar eru ómetanleg heimild
um daglegt líf á fyrri hluta síðustu
aldar. Þá sýna einnig eldri Seltirn-
ingar handverk sín á bókasafninu.
Þar getur að líta bæði nútímalega
og fjölbreytta listmuni í ýmsum
listformum. Á safninu getur líka
að líta hluti úr eigu Alberts, síðasta
vitavarðarins í Gróttu.
Framtíðin fær einnig sitt rými
á hátíðinni því seltirnsk leikskóla-
börn eiga sýningar á bókasafn-
inu auk þess að flytja tónverk við
setningu hátíðarinnar. Æska bæj-
arins kemur víðar við sögu og má
nefna frumsamin leikverk, tónlist
og dans. Glæsilegir Fjörutónleik-
ar verða haldnir við Gróubúð, hús
Björgunarsveitarinnar. Þar koma
fram ungar og efnilegar hljóm-
sveitir af Nesinu auk sigurvegara
síðustu Músiktilrauna. Á Fjörutón-
leikunum býður Glitnir upp á einn
eftirtektarverðasta tónlistarmann
landsins, Benna Hemm Hemm sem
mætir með fríðu föruneyti.
Á laugardagskvöldinu verður í
félagsheimilinu hinn rómaði jazz-
klúbbur Nescafé með ljúfa tónlist
og sælkeramatseðil. Kvöldið eftir
fer á kostum fámennasti sextett
landsins, skipaður þeim Valgeiri
Guðjónssyni og Jóni Ólafssyni.
Sextán lista-
menn opna vinnu-
stofur og/eða heim-
ili sín á laugar-
dag og sunnudag.
Gefst þar tæki-
færi til að kynnast
verkum þeirra,
gera kannski góð
kaup og spjalla
við listamennina
sjálfa. Víst er að framtaki þeirra
verður tekið fagnandi líkt og gerð-
ist á síðustu menningarhátíð.
Leiklistarfélag Seltjarnarness
ætlar að brydda upp á nýjungum
með gjörningum víðs vegar um
bæinn. Ýmislegt óvænt á eftir að
gerast í sunnudagsmessu Seltjarn-
arneskirkju sem og í sundlauginni
daginn áður.
Eins og áður sagði hefur stefnu-
mót fortíðar og framtíðar verið
leiðarstef við undirbúning Menn-
ingarhátíðar Seltjarnarness 2007.
Sjósókn og útgerð eru órjúfanleg-
ur hluti af sögu bæjarins. Minnt
verður á þann anda í mörgum at-
riðum hátíðarinnar svo sem í sam-
eiginlegum morgunverði Seltirn-
inga sem Nesskip, eina útgerð bæj-
arins í dag, og menningarnefnd
bjóða upp á. Það eru konur í Slysa-
varnarfélaginu Vörðunni sem sjá
um framreiðslu en um 500 bæjar-
búar sóttu þennan dagskrárlið á
síðustu hátíð. Ekki er tóm hér til að
tíunda allt sem boðið verður upp á
en dagskrá hátíðarinnar má finna á
heimasíðu bæjarins www.seltjarn-
arnes.is
Markmið menningarhátíðar er
að efla bæjarbraginn, samheldni
og gleði íbúanna. Sem og þeirra
sem heimsækja bæjarfélagið. Síð-
ast en ekki síst sýnir menningarhá-
tíð hversu mikill kraftur er í list-
sköpun bæjarbúa.
Verið velkomin á Seltjarnarnes
og góða skemmtun!
Höfundur er formaður menningar-
nefndar Seltjarnarness.
Menningarhátíð
á Seltjarnarnesi
Ómarkviss framsetning sýnir
hversu mjög forystumenn
stjórnarflokkanna skortir skiln-
ing á mikilvægi sjálfbærrar
þróunar við pólitíska stefnu-
mörkun.