Fréttablaðið - 01.09.2007, Qupperneq 42

hús&heimili
ÞUNGIR LAMPASKERMAR
í viktoríönskum stíl geta verið einstaklega
hallærislegir en um leið alveg undurfagrir.
Stórir og þungir skermarnir, sem oft eru
í dökkum litum, varpa dulúðlegri birtu í
rýmið. Slíkir lampar eru ekki á hverju strái
þessa dagana en þó má finna einn og einn.
Á vefsíðunni www.etsy.com má finna
úrval skemmtilegra hluta, þar á meðal
lampaskerma í viktoríönskum stíl eins og
þessa tvo.
DONNA WILSON
hannaði þennan fótaskemil sem hún kallar Motley. Hún dregur hug-
myndina frá Chesterfield-stólunum sígildu en eins og sjá má er litrófið
mun breiðara. Motley er
einnig til úr hand-
prjónaðri ull
og í fjórum
mismunandi
litum.
„Ég er rosalega mikið fyrir kaffi.
Finnst gaman að hella upp á kaffi,
bjóða fólki upp á kaffi og drekka
kaffi,“ segir Steinunn Ketilsdóttir,
danshöfundur og einn af skipu-
leggjendum Reykjavík Dance
Festival, glöð í bragði. Eftirlæt-
is kaffikönnuna sína, sem er lítil
espresso-kanna fyrir eldavélar-
hellu, fékk Steinunn að gjöf frá
systur sinni.
Um tíma bjó Steinunn í New
York og þar segist hún hafa lært
að njóta kaffis og hvernig eigi að
hella upp á góðan bolla, en það var
amma vinkonu hennar sem kenndi
henni réttu brögðin.
„Hún er frá Panama, þar sem
er rík hefð fyrir kaffidrykkju, og
því skiptir það hana miklu máli
hvernig hellt er upp á,“ segir
Steinunn, sem hefur tileinkað sér
listina með góðum árangri. En það
er ekki bara góð kaffiþekking sem
Steinunn tekur með sér úr vestri
heldur hefur hún líka flutt inn
dansara frá borginni góðu sem
munu sýna dansverk í Verinu á
Seljavegi í kvöld og annað kvöld
klukkan átta.
„Verkið okkar er hluti af Reykja-
vík Dance Festival og heitir Crazy
in Love with Mr. Perfect. Við erum
tveir dansarar, ég og Brian Gerke,
og við höfum tekið góðan hluta
sumars í að undirbúa þetta,“ segir
hún, en jafnframt því að taka þátt
í sýningum er hún einn af skipu-
leggjendum hátíðarinnar í ár.
Dansarinn knái bætir því við að
dansunnendur eigi eftir að njóta
sín vel í Verinu. „Með því að setja
upp þrjú stór svið í skemmunni
höfum við skapað kjöraðstæður
fyrir bæði áhorfendur og dansara.
Þetta er sannkallaður ævintýra-
dansheimur!“ segir hún að lokum
og fær sér sopa af kaffi.
margret@frettabladid.is
Að hætti ömmu í Panama
Steinunn Ketilsdóttir, danshöfundur og einn af skipuleggjendum Reykjavík Dance
Festival, hefur unun af því að hella upp á gott kaffi með aðferð sem hún kynntist í gegnum
gamla konu frá Panama.
Steinunn Ketilsdóttir með könnuna góðu.
Forsíðumynd: Gunnar V. Andrésson tók þessa mynd á heim-
ili Valgerðar Árnadóttur. Útgáfufélag: 365 - miðlar ehf, Skafta-
hlíð 24, 105 Reykjavík, sími: 512-5000 Ritstjórar: Kristín Eva
Þórhallsdóttir kristineva@frettabladid.is og Sólveig Gísladóttir
solveig@frettabladid.is. Auglýsingar: Ámundi Ámundason
og Ásta Bjartmarsdóttir s. 517-5724 Útlitshönnuður: Kristín
Agnarsdóttir kristina@frettabladid.is.
lýsing
1. SEPTEMBER 2007 LAUGARDAGUR2