Fréttablaðið - 13.09.2007, Blaðsíða 24

[Hlutabréf] Peningaskápurinn ...
Raunávöxtun lífeyrissjóðanna á
árinu 2006 var mun hærri en
reiknað var með. Meðaltalsraun-
ávöxtunin var 10,2 prósent, en
reiknað er með 3-3,5 prósenta
ávöxtun til lengri tíma.
„Þetta er mjög góð ávöxtun
hvernig sem á það er litið,“ segir
Kristrún Tinna Gunnarsdóttir,
hagfræðingur hjá Greiningar-
deild Landsbanka Íslands. Hún
segir ekki hægt að gera ráð fyrir
svo góðri áxöxtun nema í upp-
sveiflu eins og verið hefur frá
árinu 2003.
Mikill munur er á raunávöxtun
lífeyrissjóðanna. Kristrún segir
hluta af skýringunni mismunandi
fjárfestingarstefnu sjóðanna. Þeir
sjóðir sem ekki taki við frekari
iðgjöldum heldur greiði eingöngu
út fjárfesti í öruggum kostum,
sem skili um leið verri ávöxtun.
Fjármálaeftirlitið setur fyrir-
vara við réttmæti samanburðar á
raunávöxtun sjóðanna. Mismun-
andi samsetning á tegundum verð-
bréfa á milli lífeyrissjóða geti
haft áhrif á árlega raunávöxtun,
og sama eigi við þegar söluhagn-
aður sé innleystur við sölu á
skuldabréfum fyrir lok líftíma
þeirra.
Ávöxtun lífeyrissjóða
yfir markmiðum
Meðalávöxtun lífeyrissjóðanna var yfir 10 prósentum í fyrra. Reiknað er með 3,0 til
3,5 prósenta langtímaávöxtun. FME setur fyrirvara um samanburð á raunávöxtun.
Kaupþing er á meðal þeirra
félaga sem lagt hafa inn óform-
legt yfirtökutilboð í bresku
kaffihúsa- og samlokukeðjuna
Pret Á Manger. Þetta fullyrða
breskir fjölmiðlar. Frestur til
þess að leggja inn tilboð rann
út á föstudag.
Fjárfestingarfélagið Bridge-
point Capital og McDonald‘s
munu vera á meðal annarra
mögulegra kaupenda. Ekki
náðist í forsvarsmenn Kaup-
þings til staðfestingar á frétt-
inni.
Pret Á Manger rekur 160
útibú víðs vegar um Bretland.
Velta félagsins í fyrra var 200
milljónir punda, sem samsvar-
ar 26,5 milljörðum króna.
Fer Kaupþing í kaffibransann?
Hagvöxtur var töluvert meiri í
fyrra en áður var talið. Nýjar bráða-
birgðatölur frá Hagstofunni sýna
að landsframleiðsla jókst að raun-
gildi um 4,2 prósent árið 2006. Fyrri
áætlun frá því í mars síðastliðnum
gerði ráð fyrir 2,6 prósenta hag-
vexti. Tölurnar sýna 1.163 millj-
arða króna landsframleiðslu í fyrra.
Það er 139 milljörðum eða 13,6 pró-
sentum hærri fjárhæð en áður.
Meiri hagvöxt en áður var gert
ráð fyrir má rekja til meiri fjár-
festingar og samneyslu en reiknað
var með. Útflutningur var einnig
lítið eitt meiri. Á móti vegur að inn-
flutningur var nokkru meiri og
einkaneysla lítið eitt minni en áður
var talið.
Vöxtur landsframleiðslu og
einkaneyslu helst vel í hendur. Á
árinu 2006 jókst einkaneysla um
4,4 prósent. Það nemur 59 pró-
sentum af landsframleiðslu. Auk
einkaneyslu eru það fjárfestingar
sem drífa hagvöxtinn. Þær jukust
um 19,8 prósent og námu 33,4 pró-
sentum af landsframleiðslu. Það
er hæsta hlutfall þeirra frá árinu
1975. Samneysla nam 24,5 pró-
sentum.
Endurskoðaðar hagvaxtartölur
ættu ekki að hafa áhrif á peninga-
stefnu Seðlabankans segir í Veg-
vísi Landsbankans. Þar sem
endurskoðunin til hækkunar hag-
vaxtarins sé einkum komin til
vegna endurmats á fjárfestingum
atvinnuveganna og hins opinbera
sé að miklu leyti um vöxt fram-
leiðslugetunnar að ræða.
Hagvöxtur meiri en talið var
Landsframleiðsla jókst um 4,2 prósent í fyrra samkvæmt bráðabirgðatölum
Hagstofunnar. Fyrri áætlun gerði ráð fyrir 2,6 prósenta hagvexti.
Gengi hlutabréfa hækkaði lítillega
eftir sveiflukenndan dag á fjármála-
mörkuðum í Evrópu og í Asíu í gær.
Dagurinn byrjaði ekki vel því hluta-
bréf virtust á niðurleið eftir lækkun
á hlutabréfamörkuðum í Japan í
kjölfar þess að Shinzo Abe, forsæt-
isráðherra landsins, sagði óvænt af
sér. Japansmarkaður var hins vegar
undantekning í Asíu því gengi hluta-
bréfavísitalna hækkaði á sama tíma
og Nikkei-vísitalan lækkaði um 0,5
prósent.
Greinendur segja að þrátt fyrir
óróleika á hlutabréfamarkaði í
Japan í kjölfar afsagnarinnar þá
muni hún hafa góð áhrif á þróun
hlutabréfaverðs til lengri tíma litið.
Hlutabréfamarkaðir á Norður-
löndunum fóru ekki varhluta af
sveiflunum. Úrvalsvísitalan í Kaup-
höllinni lækkaði um eitt prósent og
hlutabréfavísitölur í norsku kaup-
höllinni í Ósló og Kaupmannahöfn
fóru niður um 0,1 prósent í báðum
löndum. Vísitalan í Svíþjóð hækkaði
hins vegar um 0,6 prósent á sama
tíma. Gengi bréfa í Bandaríkjunum
var á uppleið skömmu eftir opnun
markaða ytra en fjárfestar þar
þykja einkar bjartsýnir á að seðla-
banki Bandaríkjanna komi til móts
við þrengingar á fjármálamörkuð-
um með lækkun stýrivaxta.
Sveifla á mörkuðum
Stofnfjáreigendafundur hjá Byr-sparisjóði verður haldinn
miðvikudaginn 3. október næstkomandi á Hótel Nordica,
Suðurlandsbraut 2, Reykjavík. Fundurinn hefst kl. 14.00.
Á fundinum verður lögð fram tillaga um sameiningu Byrs-
sparisjóðs og Sparisjóðs Kópavogs
Fundarboð og dagskrá verða send stofnfjáreigendum í
samræmi við samþykktir sparisjóðsins.
Sparisjóðsstjórn.
Stofnfjáreigendafundur
hjá BYR-sparisjóði