Fréttablaðið - 06.12.2007, Blaðsíða 19

FIMMTUDAGUR 6. desember 2007 19
Árið 1875 byggði útvegsbóndinn
Hans Jakob Beck steinhúsið
Sómastaði við Reyðarfjörð.
Hann var tvíkvæntur og átti 23
börn svo ef miðað er við búsetu-
kröfur sem gerðar eru í dag má
segja að þröng hafi verið á þingi
á Sómastöðum en grunnflötur
hússins er 37 fermetrar en einn-
ig er kjallari í húsinu og pláss í
risi.
Árið 1991 var hafist handa við
viðgerðir á húsinu en þær hafa
legið niðri um nokkurt skeið. En
nú verður breyting þar á því
næsti nágranni Sómastaða, Alcoa
Fjarðaál, veitti Þjóðminjasafni
Íslands 16 milljóna króna styrk
til endurbóta og uppbyggingar á
húsinu.
Margrét Hallgrímsdóttir þjóð-
minjavörður tók við styrknum
úr hendi Tómasar Más Sigurðs-
sonar, forstjóra Alcoa Fjarðaáls.
Meðal viðstaddra var Ásta Beck,
dóttir Hans Jakobs, en hún fædd-
ist og ólst upp í húsinu. Þór Jak-
obsson, veðurfræðingur og for-
maður félags niðja Richards
Long, var einnig á staðnum en
Richard þessi var afi Hans Jak-
obs.
Útvegsbóndinn hafði ekki úr
jafn miklu að moða og Bechtel
sem reisti álverið en hann varð
að gera sér að góðu grjót úr
grenndinni sem hann síðan batt
með jökulleir. En afraksturinn
er þetta eina portbyggða stein-
hús sem varðveist hefur á
Íslandi. - jse
Alcoa styður við endurbyggingu Sómastaða:
16 milljónir í portbyggt steinhús
SÓMASTAÐIR VIÐ REYÐARFJÖRÐ Alcoa Fjarðaál hefur veitt Þjóðminjasafni Íslands 16
milljóna króna styrk svo áfram megi verða sómi af nágrannahúsinu þeirra á Sóma-
stöðum sem er eina portbyggða steinhúsið sem varðveist hefur á landinu.
MYND/HREINN MAGNÚSSON
L I S T V I N A F É L AG H A L LG R Í M S K I R K J U - 26. S TA R F S Á R
Jólatónlistarhátíð
Hallgrímskirkju
1.– 9. DESEMBER 2007
6. DESEMBER - fimmtudagur
20.00 Jólatónleikar Drengjakórs
Reykjavíkur í Hallgrímskirkju
Með kórnum syngja félagar úr Karlakór Reykjavíkur,
ásamt Gunnari Guðbjörnssyni óperusöngvara.
Orgelleikari: Lenka Máteova.
Stjórnandi: Friðrik S. Kristinsson.
Miðaverð: kr. 1500.-
H A L LG R Í M S K I R K J AMENNINGAR- OG FERÐAMÁLARÁÐ
Sjá nánar: listvinafelag.is
Auglýsingasími
– Mest lesið