Fréttablaðið - 06.12.2007, Blaðsíða 35

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Nadia Banine er flestum sjónvarpsáhorfendum
kunn og dylst engum að þar er smekkmann-
eskja á ferð. Yfirleitt hafa föt ekkert sérstakt
tilfinningagildi í huga Nadiu ef frá er talin flík
sem vinkona hennar gaf henni á ferð þeirra um
borgina Marrakesh síðastliðið vor.
„Ég var á ferðalagi um borgina Marrakesh í
Marokkó með vinkonu minni síðastliðið vor og
langaði til að fá mér sérsaumaðan kaftan. Við
fundum klæðskera sem saumaði hann í límónugræn-
um lit og svo vildi vinkona mín endilega gefa mér
hann,“ segir Nadia. „Mér þykir því sérstaklega vænt
um hann. Svo hef ég líka sterkar taugar til landsins
þar sem pabbi minn er frá Marokkó,“ bætir hún við.
Nadia segir marga tískuhönnuði sækja innblástur
til landsins. „Maður sér þessa strauma oft í tísku og
litavali á Vesturlöndum og má nefna túrkís og
fjólubláu litina sem dæmi. Tískuhönnuðir virðast
sækja landið heim og var klæðskerinn sem saumaði
kaftaninn með myndir af sér með Gianfranco Ferrè
og Jean-Paul Gaultier uppi á vegg og höfðu þeir látið
hann sauma eftir sínum sniðum.“
Annars segir Nadia að það fari eftir árstíðum
hvaða föt hún heldur upp á. „Ég er frekar kulsækin
og þarf alltaf að vera vel klædd. Boss-mokkakápa og
Ugg-loðstígvél eru til dæmis mikið notuð þessa
dagana. Svo er ég svolítil kjólakona í mér og nota
kjóla mikið yfir buxur,“ segir hún.
vera@frettabladid.is
Klæðskerasaumaður kaftan
Vinkona Nadiu gaf henni þennan límónugræna silki-kaftan í Marrakesh.
HOLLT OG GOTT
Ávaxtabíllinn ekur heim
að dyrum með alls
konar ávexti og
hollusturétti.
HEILSA 4
VANDAÐ Á BÖRNIN
Í vefnaðarvöruversluninni
Seymu má nú fá falleg
og vönduð barnaföt
sem eru flutt inn frá
Ítalíu.
TÍSKA 2