Fréttablaðið - 06.12.2007, Blaðsíða 70

50 6. desember 2007 FIMMTUDAGUR
maturogvin@frettabladid.is
Barþjónakeppnin Finlandia Vodka Cup fer fram á Kaffi
Sólon í kvöld. Þar koma margir færustu barþjónar landsins
saman í keppni um besta Finlandia-drykkinn. „Þetta hefur
verið vinsælt innan barheimsins,“ segir Erna Dís Gunn-
þórsdóttir, starfsmaður hjá Mekka og annar skipuleggj-
enda keppninnar. Mekka stendur nú fyrir keppninni í
fyrsta skiptið, en hefð er fyrir henni hér á landi.
„Við höldum þetta í samstarfi við barþjónasamtökin, en
keppendur þurfa samt ekki að vera skráðir í þau. Þeir
þurfa aðallega að vera vanir og hafa mikinn metnað og
brennandi áhuga á þessu,“ útskýrir Erna. Keppendur hafa
þegar skilað inn uppskrift og hafa í kvöld sjö mínútur til að
blanda drykk sinn í fimm glös. Dómnefnd mun svo smakka
sig áfram í gegnum drykkina þar til sá besti er fundinn.
„Keppnin er opin öllum sem vilja koma og fylgjast með
og áhorfendum mun einnig gefast kostur á að smakka
drykkina. Þeir fara svo allir í grunn á heimasíðunni okkar
svo fólk geti nálgast uppskriftirnar,“ útskýrir Erna.
Barþjónar munu einnig bregða á leik til skemmtunar fyrir
áhorfendur, í anda kvikmyndarinnar Cocktail.
Sigurvegari kvöldsins mun fara fyrir hönd Íslands í
alþjóðlegu keppnina, sem fer fram í tíunda skiptið í
Lapplandi í byrjun næsta árs. Keppnin hefst klukkan 20 í
kvöld.
Barþjónar etja kappi á Sólon
BRENNANDI ÁHUGI Erna Dís og Sveinn skipuleggja
Finlandia Vodka Cup-keppnina í ár. Keppendur þurfa ekki
að vera skráðir í Barþjónaklúbb Íslands, en ættu að hafa
brennandi áhuga á starfi sínu. FRÉTTABLAÐIÐ/GVA
Chai latte …
er ljúffengur kaffidrykk-
ur svona í skammdeginu.
Hann ilmar dásamlega og
bragðast enn betur, ef
eitthvað er. Svo er líka
alltaf hægt að sleppa
mjólkinni og drekka bara
teið góða.
Hvaða matar gætirðu síst verið án?
Kaffis! Nánar tiltekið Selebes-kaffibaunanna
sem ég er áskrifandi að hjá Kaffitári.
Besta máltíð sem þú hefur fengið:
Kalkúnninn sem maðurinn minn útbýr
alltaf á gamlárskvöld. Hann er það besta í
veröldinni.
Er einhver matur sem þér finnst vondur?
Ég smakkaði einu sinni ostrur í fínu boði og
fannst þær algjör viðbjóður, er ekki meiri
fínheitakerling en svo.
Leyndarmál úr eldhússkápnum:
Mér finnst gott að eiga stundum svolítið
öðruvísi snarl í ísskápnum. Þá rista ég brauð
og set á það mozarella-ost, tómatsneiðar,
ferska basiliku, ólífuolíu, salt og pipar.
Hvað borðar þú til að láta þér líða betur?
Þegar mér líður ekki nógu vel langar mig
alltaf í súkkulaði, það er einhver friðþæging
í því. Sem betur fer er ég farin að kaupa gott
70% súkkulaði, t.d. í kaffiverslunum eða hjá
Hafliða súkkulaðimeistara.
Hvað áttu alltaf til í ísskápnum?
Egg. Ef maður á nóg af eggjum getur maður
alltaf eldað sér eitthvað.
Ef þú yrðir föst á eyðieyju, hvað tækirðu
með þér?
Nóg af kaffi og ávöxtum.
Hvað er það skrýtnasta sem þú
hefur borðað?
Ég hef smakkað krókódíl, kengúru,
kanínu og slíkt en var ekkert hrif-
in. Ég sæki ekki í að borða fram-
andi mat. Mun til dæmis aldrei
borða snigla þótt margir hafi
reynt að fá mig til þess.
MATGÆÐINGURINN GUÐRÚN GUNNARSDÓTTIR SÖNGKONA
Er áskrifandi að kaffibaunum
Ristaðar möndlur, eða „brenndar
möndlur“ eins og þær kallast iðu-
lega á Norðurlandamálunum, eru
ómissandi hluti af jólamörkuðum
víðs vegar um heim. Það þarf ekki
mikið til að ilm þeirra leggi yfir
eldhús landsmanna, enda inniheld-
ur uppskriftin aðallega möndlur
og sykur. Bæði er hægt að nota
strásykur og flórsykur, en þessi
uppskrift, fáanleg á heimasíðu
Dansukker, gerir ráð fyrir strá-
sykri.
BRENNDAR MÖNDLUR
250 g möndlur með hýði
250 g strásykur
¾ dl vatn
Setjið möndlur, vatn og sykur í
pott yfir háan hita, þangað til vatn-
ið sýður og blandan fer að krauma.
Hrærið oft í með trégaffli. Lækkið
hitann þar til vatnið hefur gufað
upp og sykurinn fer að kristallast.
Hann á síðan að bráðna aftur,
þannig að hann loði við möndlurn-
ar í kekkjum. Hrærið stöðugt í.
Hellið blöndunni á bökunar-
pappír og skiljið að með gaffli. Á
þessu stigi má einnig strá smá
flórsykri yfir þær, svo þær festist
síður saman. Einnig er hægt að
blanda dálitlu af engiferi og kanil
út í möndlublönduna, til að fá enn
meira jólabragð.
Brenndar möndlur
JÓLASNAKK Ilm af brenndum möndlum
leggur iðulega yfir jólamarkaði erlendis.
Þær er með góðu móti hægt að gera
heima við. NORDICPHOTOS/GETTY
Vegna forfalla eru nú laus sæti á
nokkur þeirra vínnámskeiða sem
Vínskólinn stendur fyrir nú í jóla-
mánuðinum. Strax í kvöld fer
fram námskeiðið Vín og súkku-
laði, sem fellur eflaust í kramið
hjá einhverjum sælkerum. Eins
og nafnið gefur til kynna verður
farið yfir hvers kyns vín eiga best
við súkkulaði, sama hvort um
ræðir Merlot, freyðivín eða eftir-
réttavín.
Hinn 11. desember verður svo
fjallað um kampavín og freyðivín
með tilheyrandi smökkun og
fimmtudaginn 13. desember snýst
námskeiðið um eitthvað sem ætti
að vera mörgum ofarlega í huga,
nefnilega jólamat og vín. Þar verð-
ur ekki einblínt á hangikjöt, held-
ur einnig farið yfir hvaða vín fara
vel með öðrum hátíðamat, á borð
við gæs, hreindýr og kalkún, að
ógleymdum eftirréttum.
Skráning fer fram á netfanginu
dominique@vinskolinn.is.
Vínkennsla fyrir jól
VÍN OG MATUR Enn eru laus sæti á
nokkur vínnámskeiða Vínskólans nú í
jólamánuðinum. NORDICPHOTOS/GETTY
Leikkonan Sara Marti
Guðmundsdóttir hefur afar
gaman af eldamennsku.
Hún býr oft til dýrindis
afganga-lasanja á sunnu-
dögum.
Sara Marti á mikið af matreiðslu-
bókum. Hún hefur þó einnig
gaman af að þreifa sig áfram með
uppskriftirnar, en það er einmitt
þannig sem afgangalasanjað er
til komið. „Ég skoða heilan hell-
ing af uppskriftum. Það skemmti-
lega er hins vegar þegar maður
er farinn að kunna nóg til að geta
búið til eitthvað nýtt út frá grunn-
uppskriftum. Þessi er einmitt
svoleiðis,“ segir Sara, sem fékk
upphaflegu uppskriftina úr bók-
inni Grænn kostur Hagkaupa.
Hún er þó langt því frá græn-
metisæta. „Nei, ég gæti það ekki
fyrir mitt litla líf,“ segir hún og
hlær. „Ég passa upp á það sem ég
borða, en ég get ekki hætt að
borða kjöt, það er allt of gott,“
bætir hún við. Á sunnudögum er
þó grænmetislasanjað ofarlega á
blaði. „Þegar allt er lokað fer ég
svona að tína allt út úr ísskáp og
eldhús skápum,“ segir Sara bros-
andi.
Hún er forfallinn aðdáandi
kókosmjólkur og notar þar að
auki rifinn sojaost í sitt lasagna.
„Kókosmjólkin er miklu hollari
en rjómi og smakkast alveg jafn
vel. Ég nota hana í staðinn fyrir
rjóma í meira og minna allt. Ég
er með mjólkuróþol og hún og
sojaosturinn hafa alveg bjargað
lífi mínu,“ segir Sara. „Rifni soja-
osturinn fæst í Bónus og ég er
mjög ánægð með hann. Ég var
búin að leita og leita að osti sem
ég gæti borðað, og hefur ekki
fundist sojaostar mjög spenn-
andi,“ segir hún og hlær við.
Sara stendur nú í ströngu við
æfingar á leikritinu Norway.
Today, sem hún leikur í ásamt
Þóri Sæmundssyni. „Þetta er frá-
bært leikrit sem verður farand-
sýning Þjóðleikhússins í ár. Við
frumsýnum á Ísafirði 18. janúar,
svo nú erum við bara að æfa eins
og brjáluð,“ segir Sara.
Undir afgangsgrænmeti flokk-
ast það sem er til í ísskápnum
hverju sinni. Sara notar til dæmis
sveppi, brokkolí, lauk, gulrætur,
sætar kartöflur, papriku, eggald-
in, kjúklingabaunir eða aðrar
baunir. Það er þó einnig hægt að
teygja sig í skinku eða beikon
með.
Skerið grænmetið smátt og
setjið til hliðar í skál. Brúnið hvít-
laukinn varlega í olíu, bætið
grænmeti út á. Þegar grænmetið
er farið að mýkjast, bætið niður-
soðnum tómötum (ásamt vökva),
salti og pipar út í. Látið krauma í
smá stund.
Blandið saman kókosmjólk og
rifna ostinum í annarri skál.
Setjið lasagnaplötur í botninn á
eldföstu móti, grænmetið ofan á
þær, og loks kókosmjólkurblönd-
una.
Endurtakið tvisvar sinnum.
Bakið í ofni við 200 gráður í um
30-40 mínútur.
Sunnudagsréttur Söru
Afganga-lasanja
Lasanjaplötur
2 400 ml dósir kókosmjólk
rifinn ostur
2xdósir niðursoðnir tómatar
1-4 hvítlauksrif
Salt og pipar
Afgangsgrænmeti
AFGANGA-LASAGNA Sara Marti Guðmundsdóttir eldar iðulega grænmetislasagna úr
þeim afgöngum sem hún finnur í eldhúsi og ísskáp á sunnudögum. FRÉTTABLAÐIÐ/ANTON
Samtök um sorg og sorgarviðbrögð
Fræðslufundur í Fossvogskirkju í kvöld 6. des. kl. 20
Fyrirlesari sr. Ingileif Malmberg
Allir velkomnir!
Jólin og sorgin