Fréttablaðið - 19.12.2007, Blaðsíða 6

6 19. desember 2007 MIÐVIKUDAGUR
ORKUMÁL Álitamál er hvaða laga-
heimildir þurfi að vera til staðar
til að Landsvirkjun geti gert
umbreytingu á starfsemi sinni,
eins og kom til með stofnun Lands-
virkjunar Power. Þetta segja lög-
fróðir menn sem Fréttablaðið
hefur rætt við um málið. Enginn
þeirra treysti sér til þess að svara
þeirri spurningu að svo stöddu.
Tilkynnt var á dögunum um
stofnun Landsvirkjunar Power,
dótturfyrirtækis Landsvirkjunar,
sem mun taka þátt í útrásarverk-
efnum Landsvirkjunar í orkumál-
um. Um hlutafélag er að ræða, og
verður eigið fé félagsins átta
milljarðar króna. Það tekur til
starfa um áramót.
Samkvæmt heimildum Frétta-
blaðsins er margt óljóst í málinu
hvað varðar lagaheimildir, og
ýmis atriði sem beri að skoða
nánar. Annars vegar þurfi að
svara því hvaða lagaheimildir
þurfi að vera til staðar til að fyrir-
tæki í eigu ríkisins geti gert slíkar
breytingar á starfsemi sinni, og
hins vegar hvort þær séu fyrir
hendi.
Í Fréttablaðinu í gær kom fram
að Geir H. Haarde forsætisráð-
herra teldi ekkert athugavert við
stofnun dótturfyrirtækis Lands-
virkjunar. Þar sé ríkisfyrirtæki
að búa til umgjörð um fram-
kvæmdir innanlands og fjárfest-
ingar í útlöndum.
Steingrímur J. Sigfússon, for-
maður Vinstri grænna, kveðst
ósammála Geir. Hann setji spurn-
ingamerki við samkrull innlendr-
ar starfsemi Landsvirkjunar og
útrásarverkefnum. Þar eigi að
taka átta milljarða út úr Lands-
virkjun og setja í einkahlutafélag,
þar sem stjórnendur þess fái að
ráðskast með féð án þess að
almenningur fái neitt með það að
segja.
„Það vakna margar aðrar spurn-
ingar, til dæmis um lagaumhverf-
ið sem kann að taka breytingum á
næstunni og hvort þetta sé undan-
fari einkavæðingar Landsvirkj-
unar. Síðan er það ekki sérlega vel
til þess fallið til að skapa traust að
gera þetta opinbert tveimur
dögum eftir að Alþingi fer heim í
jólafrí. Þetta er óðagot, og það
gengur ekki.“
Hann segist hefðu viljað sjá
þetta mál rætt opinberlega, og
Vinstri grænir muni vekja máls á
því þegar þing kemur saman á ný
eftir áramót. salvar@frettabladid.is
Það vakna
margar
aðrar spurningar,
til dæmis um
lagaumhverfið
sem kann að
taka breytingum
á næstunni og
hvort þetta sé
undanfari einkavæðingar Lands-
virkjunar.
STEINGRÍMUR J. SIGFÚSSON
FORMAÐUR VINSTRI GRÆNNA
Flæddi inn í fimm kjallara
Slökkvilið höfuðborgarsvæðisins
sinnti fimm lekaútköllum í fyrrinótt og
gærmorgun. Í öllum tilvikum var um
að ræða að regnvatn hafði flætt inn í
kjallara og valdið tjóni. Hvergi var þó
um meiriháttar tjón að ræða.
SLÖKKVILIÐ
Sofnaði og velti steypudælu
Steypudælubíll valt á hringveginum
í Reykjadal í gærmorgun. Talið er að
bílstjórinn hafi sofnað. Vegurinn var
auður og veður gott. Bíllinn er talsvert
skemmdur en bílstjórann sakaði ekki.
LÖGREGLUFRÉTT
VINNUMARKAÐUR Viðræðuhóparnir
í kjarasamningsviðræðunum eru
að fara í jólafrí.
„Það hafa engin stór skref verið
tekin. Það er
verið að hjakka í
þessu og það
tekur bara tíma.
Það eru mjög
margir þættir til
umræðu,“ segir
Vilhjálmur
Egilsson,
framkvæmda-
stjóri Samtaka
atvinnulífsins. „Við verðum að
þessa viku. Þegar hún er liðin
reikna ég ekki með því að menn
hittist aftur fyrr en eftir áramót.“
- ghs
Kjaraviðræður settar í bið:
Viðræðuhópar
farnir í jólafrí
VILHJÁLMUR
EGILSSON
Stöð 2 hækkar áskriftarverð
Verð á mánaðaráskrift að Stöð 2 mun
hækka um 3,71 prósent frá og með 5.
janúar næstkomandi. Fullt verð fyrir
mánuðinn mun því hækka úr 5.390
krónum í 5.590 krónur. Verð á öðrum
áskriftarmiðlum hjá 365 miðlum
hækkar ekki.
NEYTENDUR
Þú vilt ekki fá hvaða jólasvein
sem er inn um gluggann hjá þér!
Hringdu núna í 570 2400 og fáðu frekari upplýsingar.
www.oryggi.is
Jólatilboð á Heimaöryggi. Prófaðu endurgjaldslaust í 3 mánuði.
STJÓRNMÁL Tillaga meirihluta Samfylkingar og
Vinstri grænna um sölu á 95 prósenta hlut
Hafnarfjarðarbæjar í Hitaveitu Suðurnesja
(HS) til Orkuveitu Reykjavíkur (OR) var
samþykkt á fundi bæjarstjórnar í gær. Tillaga
sjálfstæðismanna um að selja allan hlutinn var
felld.
Hlutur Hafnarfjarðar í HS er nú 15,4178
prósent og verður seldur á genginu sjö. Í tillögu
meirihlutans segir einnig að bæjarstjórn
samþykki að fela starfshópi að leita eftir
samkomulagi við OR um hugsanleg hlutafjár-
skipti og er þar vísað til sameiginlegra
hagsmuna sveitarfélaganna og íbúa þeirra.
Lúðvík Geirsson bæjarstjóri sagði oddvitana
vera sammála í meginatriðum þessa máls, að
selja beri stærstan hluta í Hitaveitu Suðurnesja
og nota féð til að greiða skuldir. Hann sagði
tillögu sjálfstæðismanna fljótvirknislega gerða
þar sem hún gengi út frá einfaldri aðferðafræði
um hvernig söluandvirðinu skuli varið. Horfir
meirihlutinn meðal annars til langtímaskulda,
lífeyris- og einkaskuldbindinga bæjarfélagsins.
Lúðvík rifjaði upp að á sínum tíma hefði
Hafnarfjarðarbær lagt Rafveitu Hafnarfjarðar
inn í Hitaveitu Suðurnesja og vildi meirihlutinn
með tillögum sínum um hlutafjárskipti við OR
tryggja aðkomu bæjarins að þeim dreifikerfum
sem eru í bænum.
Rósa Guðbjartsdóttir, fulltrúi Sjálfstæðis-
flokks, fagnaði því að allir bæjarfulltrúar vildu
selja hlutinn en hún lýsti hins vegar vonbrigð-
um með að ekki ætti að selja hann allan. Kallaði
hún eftir nánari rökum fyrir því sem og af
hverju Hafnarfjarðarbær ætti að eiga hlut í
OR. - ovd
Bæjarstjórn Hafnarfjarðar samþykkti að selja hlut bæjarins í Hitaveitu Suðurnesja:
Fjármunirnir nýttir til að greiða skuldir
AF BÆJARSTJÓRNARFUNDI Í HAFNARFIRÐI Bæjarfull-
trúar deildu um hvort selja ætti allan hlutinn eða 95
prósent hans. FRÉTTABLAÐIÐ/BRINK
FJARSKIPTI Grunur leikur á að
bankaábyrgð svissneska fjar-
skiptafyrirtækisins Amitelo, sem
bauð lægst í útboði vegna upp-
byggingar GSM-kerfis á lands-
byggðinni, sé fölsuð. Tilboði fyrir-
tækisins var hafnað og því
næstbesta, frá Vodafone, tekið í
staðinn. Ríkiskaup, sem önnuðust
útboðið, hafa kært tilurð banka á-
byrgðarinnar til lögreglu.
„Þetta var ekki fullgild ábyrgð
sem við fengum,“ segir Júlíus S.
Ólafsson, forstjóri Ríkiskaupa.
„Það vantaði í hana ýmis formsat-
riði og þess vegna gátum við ekki
tekið hana gilda.“ Hann segir að
nú sé skoðað hvort bankinn sem
nefndur var í ábyrgðinni hafi yfir
höfuð gefið hana út.
„Þetta eru mikil vonbrigði eftir
að hafa unnið hörðum höndum að
tilboðinu í marga mánuði,“ segir
Jan Malkus, sem situr í stjórn
Amitelo. Hann þvertekur fyrir að
ábyrgðin sé fölsuð.
„Við áttum von á mjög köldum
mótvindi þegar við ákváðum að
hefja rekstur á Íslandi. Ég vona
bara að næsta útboð verði unnið
með sanngjörnum hætti.“
Hann segist furða sig á því að
Amitelo hafi yfir höfuð verið kraf-
ið um bankaábyrgð áður en skrif-
að var undir samning. Það sé ekki
venjan í útboðum. - sþs
Ógild bankaábyrgð Amitelo vegna uppbyggingar GSM-kerfis kærð til lögreglu:
Gruna að tékkinn sé gúmmí
FARSÍMI Forstjóri Ríkiskaupa segir að nú
sé verið að skoða hvort bankaábyrgðin
sem Amitelo lagði fram sé raunveruleg
eða ekki.
AMITELO Stjórnarmaður í Amitelo segir
mikil vonbrigði að fyrirtækið hafi ekki
hlotið samninginn.
KIRGISISTAN, AP Stjórnarandstæð-
ingar í Kirgisistan saka ríkis-
stjórn landsins um að hafa
stundað kosningasvindl í
þingkosningunum, sem haldnar
voru um helgina.
Ak Jol, flokkur Kurmanbeks
Bakiyevs forseta, atti kappi við
Sósíaldemókrata og Ata Meken,
flokk sem fyrrverandi þingfor-
seti er í forystu fyrir.
Stjórnarandstaðan hótar að
efna til fjöldamótmæla ef ljóst
þykir að stjórnin hafi átt við
úrslitin til að bola andstæðingum
forsetans af þingi. - gb
Kosningar í Kirgisistan:
Ásakanir um
kosningasvindl
ATKVÆÐI FELLUR Þessi aldraða kona
setur kjörseðil í kassann. NORDICPHOTOS/AFP
Á Landsvirkjun að taka þátt í
orkuútrás með einkaaðilum?
Já 39%
Nei 61%
SPURNING DAGSINS Í DAG:
Ert þú búin(n) að setja upp
jólaskraut?
Segðu skoðun þína á visir.is
LÖGREGLUMÁL Sveitarstjórinn í
Grímsey, Brynjólfur Árnason,
hefur verið leystur frá störfum
vegna gruns um skjalafals og
stórfelldan fjárdrátt úr sjóðum
hreppsins.
Fyrir nokkrum vikum var
sveitarstjórinn dæmdur fyrir að
hafa stolið um þrjú þúsund lítrum
af olíu frá olíufélagi sem hann
var umboðsmaður fyrir í Gríms-
ey. Haft var eftir Alfreð Garðars-
syni hreppsnefndarmanni á Stöð
2 í gær að stuldurinn næmi að
líkindum milljónum króna og að
Brynjólfur hafi við svik sín beitt
yfirburða tölvukunnáttu umfram
aðra hreppsnefndarmenn. - gar
Sveitarstjórinn í Grímsey:
Rekinn fyrir
fals og fjárdrátt
Lagaheimildir um
orkuútrás óljósar
Lögfróðir segja margt óljóst í máli útrásararmsins Landsvirkjun Power hvað
varðar lagaheimildir. Svara þurfi því hvort heimildir séu í lögum fyrir slíkri
breytingu á starfsemi ríkisfyrirtækis. Óðagot, segir formaður Vinstri grænna.
KÁRAHNJÚKAVIRKJUN Meðal verkefna Landsvirkjunar Power verður að ganga frá
framkvæmdum við Kárahnjúkavirkjun og halda utan um undirbúning virkjana í neðri
hluta Þjórsár. FRÉTTABLAÐIÐ/GVA
KJÖRKASSINN