Fréttablaðið - 19.12.2007, Blaðsíða 36

19. DESEMBER 2007 MIÐVIKUDAGUR10 ● fréttablaðið ● blessuð jólin
Á dögunum birtist dularfull auglýsing frá
Leikfélagi Akureyrar þar sem auglýst var
eftir fjögurra spjalda fulningahurðum af
ólíkum gerðum, uppstoppuðu höfði af verð-
launahrúti og leiðbeinendum í þýskum,
pólskum og taílenskum framburði.
Norðlendingar létu ekki segja sér þetta
tvisvar og rigndi hreinlega hurðum yfir leik-
félagið og sjö verðlaunahrútshausar hafa
dúkkað upp.
„Við erum að fara að setja upp Fló á skinni
eftir George Feydeau í nýrri leikgerð Gísla
Rúnars Jónssonar,“ segir Magnús Geir Þórð-
arson leikhússtjóri. „Þetta er klassískur
hurðafarsi þar sem menn eru alltaf að koma
inn og fara út um hurðir og leikmyndin er
mikið til byggð upp af hurðum. Einn kar-
akterinn er taílensk þjónustustúlka með taí-
lenskan framburð. Svo er Pólverji sem talar
pólsku og íslensku og Þjóðverji sem talar
bara þýsku. En þótt hann tali þýsku held ég
að þetta verði skiljanlegt fyrir alla.“
Um hundrað ár eru liðin frá því að farsi
Feydeaus kitlaði fyrst hláturtaugar áhorf-
enda og hóf sigurför um heiminn. Að sögn
Magnúsar Geirs hefur leikhúsið titrað af
hlátrasköllum á æfingum.
Farsinn verður frumsýndur áttunda febrú-
ar og sýndur fram eftir vori en forsala miða
hefst fljótlega í janúar.
Hrútshausum rignir inn
Aðsetur Leikfélags Akureyrar.
● JÓLIN eru haldin hátíðleg
víða um heim. Hver þjóð hefur þó
sinn háttinn á. Á meðan Finnar
fara í sauna bíða íslensk börn eftir
Kertasníki og þýsk börn syngja
um Sankti Nikulás.
Veðrið í hverju landi hefur
líklega töluverð áhrif enda ekki
það sama að halda upp á jólin í
glampandi sól eða myrkri og snjó.
Jól hér og þar
Kaupmennskan er New York-búum
í blóð borin. Mýmörg auglýsinga-
skilti skreyta borgina og nú er
aðal áherslan lögð á jólaverslunina.
Líkt og annars staðar eru stúlkurnar
hjá Victoria‘s Secret í jólaskapi og
prýddar sínu fegursta jólaskarti.
Franskur jólasveinn tæmir pokann
sinn sem er fullur af bréfum. Franski
pósturinn hefur frá árinu 1772 rekið
sérstaka póstþjónustu fyrir jólin sem
tekur við bréfum til jólasveinsins.
60 manns vinna á skrifstofunni frá
nóvember fram í janúar á hverju ári
við að svara bréfum.
Mjaldrar í sædýrasafni í Japan eru
með jólasveinahúfur í tilefni af sér-
stakri jólasýningu þar á bæ.
Fimm þúsund jólasveinar taka þátt í
jólahlaupi í Hamburg í Þýskalandi.