Fréttablaðið - 19.12.2007, Blaðsíða 8

8 19. desember 2007 MIÐVIKUDAGUR
1. Hversu hárri upphæð hafa
íslensk stjórnvöld heitið Palest-
ínumönnum í fjárhagsaðstoð
næstu þrjú árin?
2. Hvað heitir fyrrverandi
varaforseti Suður-Afríku sem nú
fer fram gegn sitjandi forseta?
3. Hvers lags óvenjulegar
sundlaugar, tvær að tölu, tóku
til starfa á Íslandi síðastliðinn
vetur?
SVÖRIN ERU Á SÍÐU 50
VINNUMARKAÐUR Verkalýðsfélag
Akraness hefur til rannsóknar
mál erlendra félagsmanna þar
sem grunur leikur á að réttur sé
gróflega brotinn. Þannig sýnir
ráðningarsamningur til dæmis að
dagvinnukaup starfsmanns sé 635
krónur á tímann en manninum sé
skylt að vinna á helmingi launa
fyrsta mánuðinn þar sem um
reynslutíma sé að ræða.
Vilhjálmur Birgisson, formaður
Verkalýðsfélagsins, segir á vefsíðu
félagsins að um gróft brot sé að
ræða. Einn starfsmaður hafi unnið
þrjá og hálfan mánuð án þess að fá
nokkur laun, einungis frítt fæði og
húsnæði. - ghs
Verkalýðsfélag Akraness:
Rannsakar
kjarabrot
Nóatúni 4 · Sími 520 3000
www.sminor.is
Stór og lítil heimilistæki, símtæki og ljós í miklu úrvali.
Gæðaryksugur frá Siemens.
Virkilega þrífandi hrífandi.
Þessi er nauðsynleg við jólabaksturinn.
Er ekki upplagt
að fá sér ný ljós
fyrir jólin?
RV
U
N
IQ
U
E
11
07
03
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Nr. 11
R
Góðar
hugmyndir
Hagkvæmar
vistvænar
mannvænar
heildarlausnir
1982–2007
Rekstrarvörur25ára
Rekstrarvörulistinn
... er kominn út
HEILBRIGÐISMÁL Tveir af þremur
sjúkraliðum hafa gengið út á elli-
og dvalarheimilinu Kirkjuhvoli á
Hvolsvelli. Sjúkraliðarnir segja-
samstarfsörðugleika við hjúkrun-
arforstjóra sem ástæðu í bréfi til
stjórnarinnar. Í fundargerð kemur
fram að litið verði á bréf sjúkra-
liðanna sem uppsögn. Þá hefur
einn hjúkrunarfræðingur, sem
veiktist, sagt upp störfum.
Sjúkraliðarnir tveir hafa gengið
á fund landlæknis og rætt sam-
starfsörðugleikana við hann en
ekkert formlegt erindi er komið
til landlæknisembættisins.
Unnur Brá Konráðsdóttir, sveit-
arstjóri í Rangárþingi eystra, stað-
festir að samstarfsörðugleikar
séu á milli sjúkraliðanna og hjúkr-
unarforstjórans. Hún bendir á að
utanaðkomandi ráðgjafi hafi verið
fenginn til að fara yfir málin og
honum falið að vinna úr því. „Það
er vinna sem er í gangi og í raun-
inni bara nýbyrjuð af okkar hálfu
en ráðgjafinn hefur unnið fyrir
okkur í nokkrar vikur,“ segir hún.
Unnur Brá rifjar upp að bætt
hafi verið við rýmum og heimilið
þyngst. Á heimilinu býr nú maður
sem þarf mjög sérhæfða þjónustu
og höfðu sjúkraliðarnir verið
þjálfaðir í að sinna honum en í
sumar var gerður þjónustusamn-
ingur við heilbrigðisráðuneytið
þar um.
„Við höfum sem betur fer afar
gott starfsfólk sem hefur ráðið vel
við þetta verkefni. Starfsfólkið
hefur þurft að læra margt nýtt en
það hefur gengið vel,“ segir Unnur
og bendir á að það starfsfólk sem
eftir er hafi tekið á sig aukið álag
síðustu daga. Nýtt fagfólk verði
síðan ráðið við fyrsta tækifæri og
svo taki tíma að þjálfa upp fólk í
svo sérhæfða vinnu.
„Að sjálfsögðu metum við þetta
ekki þannig að maðurinn sé í lífs-
hættu en auðvitað má alltaf gera
betur og það væri gaman að fjölga
faglærðu starfsfólki, ekki bara á
þessari stofnun heldur á flestöll-
um hjúkrunarheimilum á lands-
byggðinni. Það er alls staðar vönt-
un á hjúkrunarfræðingum og
sjúkraliðum.“
Á næstunni verður gert skipu-
rit, skýrar starfslýsingar gerðar
og unnið að því að fá heildarsýn
yfir stjórnunina auk þess sem
unnið verður að því að leysa sam-
skiptaerfiðleikana. ghs@frettabladid.is
Erfitt samstarf
við forstjórann
olli uppsögnum
Sjúkraliðar og hjúkrunarfræðingur hafa gengið út
af dvalarheimilinu Kirkjuhvoli á Hvolsvelli vegna
samstarfsörðugleika við hjúkrunarforstjórann. Unn-
ið er að lausn málsins í samstarfi við ráðgjafa.
REYNT AÐ FINNA LAUSN
Starfsmenn hafa gengið
út af dvalarheimilinu
upp á síðkastið vegna
samstarfserfiðleika við
hjúkrunarforstjórann.
Á næstunni verður gert
skipurit, starfslýsingar og
unnið að því að fá heild-
arsýn yfir stjórnunina.
SUÐUR-AFRÍKA, AP Hinn umdeildi
en vinsæli Jacob Zuma sigraði í
leiðtogakjöri Afríska þjóðarráðs-
ins, ANC, í gær. Hann verður því
að öllum líkindum forsetaefni
flokksins þegar kosið verður árið
2009.
Thabo Mbeki, forseti Suður-
Afríku, lætur því af formennsku í
flokknum, en segist ætla að styðja
Zuma til þess að kljúfa ekki flokk-
inn. ANC barðist áratugum saman
gegn aðskilnaðarstefnu hvíta
minnihlutans og hefur síðan ráðið
ríkjum í Suður-Afríku í þrettán
ár.
Þeir Mbeki og Zuma þykja afar
ólíkir. Mbeki er menntaður á
Vesturlöndum og skreytir mál
sitt gjarnan með tilvitnunum í
Shakespeare, en Zuma er lítt
skólagenginn, var leiðtogi hern-
aðararms ANC og sat á sínum
tíma í fangelsi á Robbin-eyju eins
og Nelson Mandela.
Zuma hefur sætt harðri gagn-
rýni vegna spillingarmála og var
fyrir tveimur árum ákærður fyrir
nauðgun, en það hefur þó engu
breytt um sívaxandi vinsældir
hans. „Sannleikurinn er sá að
þessi flóðbylgja er óstöðvandi,“
sagði einn af stuðningsmönnum
Zuma um vinsældir nýja leið-
togans.
Atkvæðagreiðslan fór þannig
að Zuma hlaut 2329 atkvæði en
Mbeki 1505. - gb
Leiðtogakjör Afríska þjóðarráðsins fór fram í gær:
Zuma tekur við af Mbeki
MBEKI OG ZUMA Vel virtist fara á með
keppinautunum á flokksþingi ANC í gær.
FRÉTTABLAÐIÐ/AP
VEISTU SVARIÐ?