Fréttablaðið - 19.12.2007, Blaðsíða 64

44 19. desember 2007 MIÐVIKUDAGUR
sport@frettabladid.is
Þrír markahæstu leikmenn Landsbankadeildar karla og kvenna
fengu í fyrradag loksins afhenta hina eftirsóttu gull-, silfur- og
bronsskó fyrir afrek sín síðasta sumar. Magnús Páll Gunnars-
son, leikmaður Breiðabliks, fékk bronsskó Adidas fyrir að vera
þriðji markahæsti leikmaður Landsbankadeildarinnar að þessu
sinni, en mikið hefur verið rætt og skrifað um mark sem KSÍ
skráði á hann í 16. umferð deildarinnar í leik gegn
FH. Allir prentmiðlar skráðu markið sem sjálfsmark
Auðuns Helgasonar, varnarmanns FH, en Magnús
sjálfur kveðst viss í sinni sök að svo hafi ekki verið.
„Í allri þessari umræðu hef ég alltaf vitað að ég
átti síðastu snertingu við boltann og því miður
sannaði myndbandið hvorki né afsannaði
hvað átti sér stað. Ég stend því eftir einn til
frásagnar um markið og auðvitað er alltaf
leiðinlegt þegar orð manns eru dregin í efa
og ég er náttúrulega ekki sáttur við að vera
nánast kallaður ósannindamaður af sumum
aðilum,“ sagði Magnús Páll sem ætlar þó ekki
að fara út í nánari greiningu á reglum í sambandi við hvernig
mörk séu skráð.
„Ég ætla hins vegar ekki að taka afstöðu til þess hversu
mikla eða litla snertingu þurfi til þess að breyta sjálfsmarki yfir
í sóknarmark eða öfugt. Það er annarra að búa til reglur og við-
miðanir um slíkt og ef þessar reglur væru til gæti ég ekkert sagt
ef markið yrði tekið af mér á þeim grundvelli. Þegar allt kemur
til alls eru reglurnar í þessu tilviki ekki nógu skýrar og mér
finnst að umræðan ætti frekar að snúast um það. En
ekki um það hvort ég sé að segja satt eða ekki,“ sagði
Magnús Páll sem átti fínt sumar með Breiðabliki.
„Ég er mjög ánægður með sumarið og kom sjálfum
mér þægilega á óvart með því sem ég náði að gera,
Sér í lagi í ljósi þess að ég er upprunalega miðju-
maður og var að spila í stöðu framherja í fyrsta
skipti,“ sagði Magnús Páll sem er enn óviss með
hvar hann leikur næsta sumar.
„Það eru nokkrir möguleikar sem ég er að skoða
og það ætti að ráðast bara á næstu dögum.“
MAGNÚS PÁLL GUNNARSSON, LEIKMAÐUR BREIÐABLIKS: FÉKK BRONSSKÓINN LOKSINS AFHENTAN Í FYRRADAG
Umræðan á að snúast um að reglur verði skýrari
FÓTBOLTI Eins og kunnugt er var
Brasilíumaðurinn Kaká kjörinn
besti knattspyrnumaður heims af
FIFA en það eru fyrirliðar og
þjálfarar sambandslandanna sem
kjósa.
Eyjólfur Sverrisson, fyrrver-
andi landsliðsþjálfari, og Eiður
Smári Guðjohnsen kusu fyrir
hönd Íslands. Eiður Smári kaus
félaga sinn hjá Barcelona, Lionel
Messi, bestan. Hann setti
Cristiano Ronaldo í annað sætið
og Kaká í það þriðja.
Eyjólfur kaus aftur á móti
Kaká bestan, Ronaldo var einnig
annar hjá honum og Messi síðan í
þriðja sæti.
Sigurður Ragnar Eyjólfsson,
landsliðsþjálfari kvenna, og
Ásthildur Helgadóttir landsliðs-
fyrirliði voru bæði með Mörtu í
fyrsta sæti. Sigurður setti síðan
Cristiane í annað sætið og Kelly
Smith í það þriðja.
Ásthildur var aftur á móti með
Kelly Smith í öðru sæti og Birgit
Prinz í því þriðja. - hbg
Kjör FIFA á leikmanni ársins:
Eiður Smári
kaus Messi
EIÐUR OG MESSI Eiður er á því að félagi
sinn sé besti leikmaður heims.
NORDIC PHOTOS/GETTY IMAGES
HANDBOLTI Í gær var dregið í
undanúrslit í Eimskipsbikar karla
og kvenna. Í stórleik undanúrslita
Eimskipsbikars karla tekur Fram
á móti Akureyri í Safamýri. Valur
sækir Víking heim í hinum
leiknum. Stóri leikurinn hjá
konunum er viðureign Gróttu og
Stjörnunnar á Seltjarnarnesi.
Valur tekur svo á móti Fylki.
Allir leikirnir fara fram 12. og
13. febrúar næstkomandi. - hbg
Dregið í bikarnum:
Akureyri sækir
Fram heim
> Jóhannes Karl í fjögurra leikja bann
Jóhannes Karl Guðjónsson, leikmaður Burnley í ensku
1. deildinni og íslenska landsliðsins, var í gær dæmdur
í fjögurra leikja bann af aganefnd enska knattspyrnu-
sambandsins vegna rauðs spjalds sem hann
fékk í leik Burnley og Preston um síðustu
helgi. Jóhannes Karl fékk að líta beint
rautt spjald fyrir tæklingu á Neil Mellor,
leikmanni Preston, sem hefði undir eðli-
legum kringumstæðum þýtt þriggja leikja
bann. Burnley áfrýjaði hins vegar rauða
spjaldinu, en aganefndinni líkaði sú
ákvörðun illa og svaraði með því
að þyngja refsinguna í fjögurra
leikja bann.
HANDBOLTI Íslendingaliðið
Gummersbach er úr leik í þýska
bikarinum eftir 33-30 tap fyrir
Hamburg í 8 liða úrslitum í gær.
Róbert Gunnarsson skoraði 7
mörk fyrir Gummersbach og
Guðjón Valur Sigurðsson var með
tvö mörk en þarna fór síðasta von
Alfreðs Gíslasonar og lærisveina
hans að ná í titil á tímabilinu. - óój
Þýska liðið Gummersbach:
Úr leik í bikar
LÉK MEÐ Guðjón Valur Sigurðsson skor-
aði 2 mörk úr 4 skotum í gær.
FÓTBOLTI Lundúnaliðin Tottenham
og Arsenal komust í undanúrslit
enska deildarbikarsins í gær en
Arsenal þurfti framlengingu til.
Arsene Wenger, stjóri Arsenal,
gerði fjórtán breytingar á sextán
manna leikmannahópi liðsins frá
Chelsea-leiknum um síðustu helgi
og gaf yngri leikmönnum liðsins
tækifæri eins og hans er von og
vísa í deildarbikarnum.
Blackburn átti samt í miklum
erfiðleikum með Arsenal sem
komst í 0-2 með mörkum
Vassirikis Diaby, með við-
stöðulausu skoti eftir
sendingu Nicklas
Bendtner, og Edu-
ardos Da Silva sem
nýtti sér varnar-
mistök Cristophers
Samba.
Það var svo ekki fyrr en í lok
fyrri hálfleiks sem Blackburn
svaraði þegar Roque Santa
Cruz afgreiddi boltann af harð-
fylgi í netið eftir sendingu frá
Matt Derbyshire, sem virtist
rangstæður í undirbúningn-
um en ekkert var dæmt og
þar við sat í hálfleik.
Í seinni hálfleik náði
Santa Cruz svo að jafna
leikinn með skallamarki á
60. mínútu eftir auka-
spyrnu Davids Bentley
og hvorugt lið náð að
bæta við marki og því
varð að framlengja.
Í framlengingunni var það síðan
króatíski Brasilíumaðurinn Eduar-
do da Silva sem tryggði Arsenal 3-
2 sigur en unglingarnir hans Weng-
er voru aðeins tíu
inn á vellinum í
framlenging-
unni eftir að Denilson fékk rautt
spjald í lok venjulegs leiktíma.
Unglingalið Arsenal er því enn á
ný að slá í gegn.
Tottenham fór áfram
Tottenham var ekki lengi að
skora fyrsta markið gegn
Manchester City og þar var Jerm-
aine Defoe að verki eftir að sam-
spil Jermaines Jenas og Aarons
Lennon gjörsamlega splund-
raði City-vörninni.
Steve Bennett, dómari
leiksins, hikaði svo ekki
við að gefa Didier Zok-
ora, leikmanni
Tottenham, beint rautt
fyrir meinta tveggja
fóta tæklingu, en dómur-
inn virkaði mjög harður.
Leikmenn City náðu hins
vegar illa að nýta sér liðs-
muninn í fyrri hálfleik.
Í seinni hálfleik jókst
pressa City til muna en Paul
Robinson, markvörðu Totten-
ham, stóð vaktina með mikilli
prýði. Tottenham fór betur að
ráði sínu fyrir framan markið og
náði að bæta við marki þegar Steed
Malbranque slapp einn í gegn og
lagði boltann snyrtilega í markið.
Lokatölur urðu 0-2 og fyrsta tap
City liðsins á tímabilinu á Borgar-
leikvanginum í Manchester því
staðreynd og Tottenham komið í
fjögurra liða úrslit. - óþ / - óój
Unglingalið Arsenal áfram
Arsenal og Tottenham komust bæði áfram í enska deildarbikarnum í gærkvöld.
Tottenham vann Manchester City þrátt fyrir að vera manni undir í 70 mínútur.
SPENNANDI
Vassiriki Diaby hjá
Arsenal í baráttu
við Steven Reid.
NORDIC PHOTOS/AFP
Valskonur unnu sinn annan leik í röð í Iceland Express-deild kvenna í gær:
Barátta Tinnu var engu lík
KÖRFUBOLTI Valskonur Fjölni með
19 stiga mun, 89-70, í Iceland
Express-deild kvenna í gær en
þetta var fyrsti deildarsigur liðs-
ins í Vodafone-höllinni.
Tinna Björk Sigmundsdóttir
átti stórleik í liði Vals sem lék án
Signýjar Hermannsdóttur og
Lovísu Guðmundsdóttur. Tinna
barðist fyrir hverjum bolta út um
allan völl og endaði með 16 stig,
12 stoðsendingar og 7 stolna
bolta. Molly Peterman (34 stig, 12
fráköst) og Þórunn Bjarnadóttir
(18 stig, 11 fráköst, 5 stoðs.) léku
líka mjög vel. Slavica Dimovska
og Birna Eiríksdóttir voru báðar
með 23 stig fyrir Fjölni . -óój