Fréttablaðið - 04.01.2008, Blaðsíða 10

10 4. janúar 2008 FÖSTUDAGUR
Skrifstofuvörur
- á janúartilboði
RV
U
N
IQ
U
E
01
08
02
Katrín Edda Svansdóttir,
sölumaður í þjónustuveri RV
Á tilboðií janúar 2008
Bréfabindi, ljósritunarpappír,
töflutússar og skurðarhnífur
1.398 kr. ks.
5 x 500 blöð í ks.
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
148 kr. stk.
Bréfabindi A4, 8 cm kjölur
HEILBRIGÐISMÁL Starfsmenn Land-
læknisembættisins hafa kynnt
málsaðilum uppkast að lausn í
samskiptavanda milli starfsmanna
og hjúkrunarforstjóra á hjúkrunar-
og dvalarheimilinu Kirkjuhvoli á
Hvolsvelli. Rætt hefur verið við
starfsmenn og íbúa á heimilinu og
er málið enn til umfjöllunar.
Fréttablaðið greindi frá því
fyrir jól að nokkrir faglærðir
starfsmenn hefðu gengið þar út
vegna samskiptavanda gagnvart
hjúkrunarforstjóra. Unnur Brá
Konráðsdóttir, sveitarstjóri í
Rangárþingi eystra, segir að aug-
lýst hafi verið eftir hjúkrunar-
fræðingi og sjúkraliða. Umsóknar-
fresturinn renni út um miðjan
mánuð.
Sigurður Guðmundsson land-
læknir segir að uppkast að lausn
vandans hafi verið kynnt í símtöl-
um við nokkra málsaðila. Á næst-
unni verði lokið við að kynna hana
og síðan komi í ljós hvort sættir
takist.
„Ég býst við að þetta þurfi
ákveðinn meltingartíma,“ segir
hann. Hann vill ekki greina frá því
í hverju lausnin geti falist en segir
að unnið sé að þessum hugmynd-
um á staðnum. Alltaf sé svolítið
flókið að leysa svona mál.
„Það er búið að kynna þetta upp-
kast í samtölum við nokkra en ég
hef lítið heyrt af málinu eftir
ný árið. Fólk þarf að sjá ákveðna
hluti sjálft og það tekur tíma,“ segir
hann og vill ekki segja hvenær
lausnin liggi fyrir. Það verði þó
helst ekki eftir margar vikur. - ghs
Samskiptaerfiðleikar á Kirkjuhvoli á Hvolsvelli:
Landlæknir vinnur
að lausn málsins
VILJA FAGFÓLK Auglýst hefur verið eftir hjúkrunarfræðingi og sjúkraliða á hjúkrunar-
og dvalarheimilið Kirkjuhvol á Hvolsvelli.
SRÍ LANKA, AP Srí Lanka-stjórn til-
kynnti í gær formlega hinum
norsku vörslumönnum vopnahlés-
samkomulagsins við Tamílatígra
frá árinu 2002 að hún hefði ákveð-
ið að segja því upp. Uppsögnin
þýðir að norræna vopnahléseftir-
litsnefndin, SLMM, sem níu
Íslendingar hafa starfað hjá undan-
farin misseri, verður að hætta
starfsemi innan fjórtán daga.
Rohitha Bogollagama afhenti
Tore Hattrem, sendiherra Noregs,
bréf þar sem segir að ríkisstjórnin
hafi ákveðið að segja upp sam-
komulaginu, sem Norðmenn áttu
milligöngu um að koma á árið
2002.
Talsmenn Srí Lanka-stjórnar
hafa sagt að hin sívaxandi átök
stjórnarhersins og aðskilnaðars-
inna Tamílatígra á síðustu tveim-
ur árum hafi gert vopnahléssam-
komulagið að staðlausum staf.
Hátt í 5.000 manns hafa fallið í
átökunum á þessu tímabili og allt
að 70.000 manns frá því að Tamíla-
tígrar hófu vopnaða aðskilnaðar-
baráttu sína árið 1983.
Erik Solheim, sérlegur sátta-
semjari Norðmanna í deilu stjórn-
valda og tamíla á Srí Lanka, sagði
ákvörðun ríkisstjórnarinnar
„alvarlegt skref“ sem búast mætti
við að leiði til enn verri átaka í
framhaldinu.
Anna Jóhannsdóttir, forstöðu-
maður skrifstofu Íslensku friðar-
gæslunnar í utanríkisráðuneytinu,
hefur staðfest að íslensku gæslu-
liðarnir muni allir snúa heim á
næstu dögum. - aa
Uppsögn vopnahléssamkomulagsins á Srí Lanka:
Versnandi átökum spáð
VOPNAHLÉ FYRIR BÍ Kólombóbúar lesa
uppsláttarfréttir dagblaða um ákvörðun
ríkisstjórnarinnar. FRÉTTABLAÐIÐ/AP
HEILBRIGÐISMÁL Fæðingarmet var
slegið á Akranesi á nýliðnu ári. 273
börn fæddust á sjúkrahúsinu og
heilsugæslunni árið 2007, 113
stúlkur og 160 drengir. Þetta kemur
fram á vefnum skessuhorn.is.
Fyrra fæðingarmet var slegið
árið 2006, þegar 238 börn fæddust
á Akranesi. Vesturland er nú í
þriðja sæti yfir fjölda fæðinga á
landinu. Flest börn fæðast í
Reykjavík og næstflest á Akur-
eyri. Í fjórða sæti yfir fjölda
fæðinga er svo Keflavík.
Þrátt fyrir að met hafi verið
slegið í fyrra hefur ekkert barn
fæðst á Akranesi það sem af er
þessu ári. - þeb
273 börn fæddust árið 2007:
Metfjöldi fæð-
inga á Akranesi
ERLENT
Búlgaría:
Neyðarástand vegna
kulda
Neyðarástandi var lýst yfir í
norðvesturhluta Búlgaríu í
gær vegna óvenju mikillar
snjókomu og nístings-
kulda. Rafmagn fór af
stórum svæðum, vegir
lokuðust og heilu þorpin
einangruðust. Kuldakastið
olli einnig verulegum vand-
ræðum í Rúmeníu og víðar
í nágrannaríkjum.
Bandaríkin:
Fyrsta barnið tvö ár í röð
„Þetta er undarlegt,“ sagði Becky
Armstrong, ánægð móðir sem
átti fyrsta barn ársins í borginni
Gettysburg í Pennsylvaníu í
Bandaríkjunum nú á nýársdags-
morgun. Það undarlega var að
Armstrong fæddi einnig fyrsta
barn ársins á sama stað í fyrra.
Hún segist alls ekki hafa átt von á
að þetta gerðist tvisvar í röð.
Suður-Afríka:
Varð ljónum að bráð
Samuel Boosen, 36 ára gamall
staðarhaldari veiðihótels í Suður-
Afríku, varð ljónum að bráð á
nýársdagsmorgun þegar hann
hélt inn í ljónagirðingu til að
gefa ljónahópnum þar að
éta. Átta eða níu ljón réðust
samstundis á Boosen, sem
hafði starfað þarna í fjögur ár,
og átu hann með húð og hári.
Einungis beinin voru skilin eftir.
APAFÁR Á INDLANDI Á norðanverðu
Indlandi hafa stjórnvöld ákveðið að fá
atvinnulaus ungmenni í lið með sér
til að hafa hemil á óstýrilátum öpum.
Ungmennin eiga að sjá um að gelda
apana og safna þeim saman í eins
konar einangrunarbúðir. Dýraverndar-
samtök taka þessum fréttum afar illa.
FRÉTTABLAÐIÐ/AP
FERÐAMENNSKA Ársæll Harðarson, sem til
greina kom sem nýr ferðamálastjóri, segir
„meiri líkur en minni“ á því að hann óski
eftir rökstuðningi ráðherra fyrir ráðning-
unni. Ólöf Ýrr Atladóttir var ráðin í starfið af
Össuri Skarphéðinssyni iðnaðarráðherra en
fimmtíu manns sóttu um starfið. Í samtali við
Fréttablaðið sagðist Ársæll hafa búist við því
að fá starfið en vildi að öðru leyti ekki tjá sig
um málið. Hann hefur starfað sem forstöðu-
maður markaðssviðs Ferðamálastofu
undanfarin ár og verið staðgengill Magnúsar
Oddssonar ferðamálastjóra undanfarin fimm
ár.
Einar Bollason, framkvæmdastjóri ÍS-
hesta, segir sérkennilegt að einhver með
mikla reynslu eða menntun á sviði markaðs-
mála hafi ekki verið ráðinn. „Ég þekki ekkert
til Ólafar Ýrrar Atladóttur, sem ég efast ekki
um að er hæf manneskja, en ég myndi halda
að það væri forgangsmál að hafa mikla
þekkingu á markaðsstarfi í þessu starfi,“
segir Einar um ráðningu Ólafar Ýrrar. „Nú er
ekki hægt að kenna Framsóknarflokknum
um. Þetta er Samfylkingin.“
Jón Karl Ólafsson, fyrrverandi forstjóri
Icelandair, segir það geta haft ýmsa kosti að
ráða manneskju með nýja sýn inn í
stjórnendastörf. „Oft getur það haft góð
áhrif á starfsemi að fá stjórnendur inn í
fyrirtæki sem hafa ólíka sýn á hlutina en
forverar þeirra. Þá er ekki alltaf spurt um
menntun eða reynslu. Þó að ég efist ekki
um hæfni hins nýja ferðamálastjóra er það
einkennilegt hvernig hægt er að ganga
framhjá jafn hæfum og reynslumiklum
manni og Ársæll er.“
Ráðningar Össurar Skarphéðinssonar
iðnaðarráðherra í störf ferðamálastjóra og
orkumálastjóra eru umdeildar. Guðni A.
Jóhannesson var ráðinn orkumálastjóri, en
Ragnheiður Inga Þórarinsdóttir aðstoðar-
orkumálastjóri hefur óskað eftir rökstuðn-
ingi ráðherra. Hún telur sig vera með meiri
menntun og reynslu á sviði stjórnsýslu en
Guðni.
Ekki náðist í Össur Skarphéðinsson við
vinnslu fréttarinnar.
magnush@frettabladid.is
Óskar líklega eftir rökum
Ársæll Harðarson, forstöðumaður markaðssviðs ferðamálastofu, segist líklega ætla að óska eftir rökstuðn-
ingi ráðherra fyrir ráðningu nýs ferðamálastjóra. Einkennilega að verki staðið, segir Jón Karl Ólafsson.
FERÐAMENN Í REYKJAVÍK Ráðning Össurar Skarphéðinssonar
í starf ferðamálastjóra er umdeild og er staðgengill fyrrverandi
ferðamálastjóra mjög ósáttur. Hann bjóst við að fá starfið.
ÖSSUR SKARP-
HÉÐINSSON
JÓN KARL
ÓLAFSSON
ÓLÖF ÝRR
ATLADÓTTIR