Fréttablaðið - 04.01.2008, Blaðsíða 27

FÖSTUDAGUR 4. janúar 2008 3
Ilmandi brauð með áleggi
Eduardo Perez og Ingibjörg Ásta snara fram ljúffengum krásum í Veisluþjónustu Mensu. FRÉTTABLAÐIÐ/GVA
Að afloknum stórhátíðum
með steikum og hangikjöti
á borðum er röðin komin að
þrettándanum. Þá kveðjum við
jólin með virktum.
„Eftir stórsteikur og annað þung-
meti er þjóðráð að bjóða upp á
nýbakað brauð með viðeigandi
meðlæti á þrettándanum,“ segir
Ingibjörg Pétursdóttir í veislu-
þjónustunni Mensu á Baldursgötu
11. Hún mælir sérstaklega með
rússneskum pönnukökum úr bók-
hveiti, svokölluðum blínis, og
einnig gefur hún hugmynd að
góðu ítölsku brauði. Veisluþjón-
ustan hennar er nú við lítið torg í
Þingholtunum og frá og með miðj-
um janúar verður þar hægt að
kaupa sér hollan málsverð til að
taka með heim til kvöldverðar.
„Það er eitthvað sem fólk er búið
að vera að biðja um,“ segir hún.
En nú er það þrettándamatseð-
illinn sem allt snýst um. Ingibjörg
er hlynnt því að hafa þá frekar
léttan mat af ýmsu tagi. Þunnar
hangikjötssneiðar eru auðvitað
vel séðar á slíku borði og fleiri
tegundir kjöts ef þær eru fyrir
hendi. En líka kavíar, hrogn, reyk-
tur lax, ostar, pestó og fleira góð-
meti.
Hún tekur fram að bókhveitið
sé algerlega nauðsynlegt í blínis
en þeim sem ekki hafa tíma til að
mala það sjálft bendir hún á að
það fáist líka í stórmörkuðum og
nefnir til dæmis Nóatún.
gun@frettabladid.is
Blínis
30-40 stykki
2 dl hveiti
2 dl bókhveiti
1 tsk. salt
1-2 msk. sykur
2 egg
1 1/2 dl nýmjólk
1 peli rjómi
2 tsk. ger eða 15 g af fersku geri
1/2 dl volgt vatn
Leysið gerið upp í vatninu. Velgið
örlítið mjólkina og rjómann og
bætið út í gerblönduna. Þá er hveiti,
bókhveiti, salti, sykri ásamt eggjunum
komið fyrir í hrærivélarskál og
gerblöndunni bætt í smátt og smátt
meðan hrært er. Þykktin á deginu
er meiri en á pönnukökudegi. Degið
er látið bíða í 1 klukkustund áður en
litlir klattar eru steiktir á pönnu eða
á blínis pönnu með litlum hólfum.
Geymið klattana undir matarfilmu
þangað til þeir eru bornir fram.
Með blínis er eftirfarandi meðlæti:
sýrður rjómi, smátt skorinn laukur
eða græni hluti vorlauks, silungs-
hrogn, laxahrogn eða íslenskur kavíar.
Einnig reyktur lax í sneiðum.
Focaccia-brauð
2 stykki
3 tsk. þurrger eða 30 g ger
3-4 dl vatn
1/2 dl hvítvín ef það er til
9 dl hveiti
2 tsk. salt
1/2 dl ólívuolía
Ólívuolía til að pensla með og gróft
salt til að strá yfir.
Þetta er grunnuppskrift en út í
focaccia-brauð bætir maður gjarnan
einhverju. Við ætlum að nota 3 dl
svartar ólívur og kryddjurtir, annað
hvort rósmarín eða timjan en það
má líka nota hvítlauk, sólþurrkaða
tómata, hnetur eða fetaost.
Gerið er leyst upp í ylvolgu vatni. Svo
er vökvinn settur út í hveiti og salt. Ég
nota hrærivél og ég hræri rösklega
þar til degið losnar frá skálinni. Deigið
er látið bíða í 20 mínútur og svo er
það sett í langt form og ýtum því
niður og troðum ólívunum þar ofan í,
þegar það er komið í formið. Þetta er
bakað í 225 gráðu heitum ofni í svona
20 mínútur. Eldhúsið ilmar og hátíð
er í bæ.
LÚÐA Í GRÆNMETISHLAUPI,
ÞEYTTRI HNETUOLÍU OG VAN-
ILLUKRYDDUÐUM KJÖTSAFA
FYRIR FJÓRA
600 g lúða
1 stk. kínahreðka
heimatilbúið pastadeig
2 dl kjötsoð
hnífsoddur vanilla
2 stk. fennika
2 dl hnetuolía
2 msk. smjör
1 tsk. xeres-edik
1 msk. ristaðar mönduflögur
5 stk. þurrkaðar apríkósur
Heimatilbúið
pasta
2 eggjarauður
2 egg
2 msk. ólífuolía
150 g hveiti
Hnoðað saman í höndunum, má bæta
við hveiti eftir þörfum.
AÐFERÐ:
Lúðan skorin í viðeigandi skammta,
kínahreðka skorin í þunna strimla og
pastað eins. Þessu er þá raðað ofan
á lúðuna en ekki skiptir máli hvaða
form er á skurðinum, aðeins að hann
sé þunnur.
Þá er fennikan skræld, skorin niður
og forsoðin. Hún er svo hituð upp
ásamt teskeið af hnetuolíu, ristuðum
möndluflögunum og smátt skornum
apríkósunum. Smjörið er hnetu-
brúnað og þeytt saman við edikið
og þá næst hnetuolíuna þar til sósan
verður þykk.
Lúðan er sett í eldfast mót ásamt
botnfylli af vatni, lok yfir og bakað í
ofni í 160°C í 8-10 mínútur. Áður en
rétturinn er borinn fram er sósunni
hellt yfir.
Uppskrift
Friðgeirs
Stæsta bloggsamfélagið á Íslandi
Tjáðu þig!
Viltu sýn’eikkað?
Ný útlit · Myndaalbúm · Símablogg
Stæsta
bloggsamfélagið!
Yfir 150.000
notendur!
Auglýsingasími
– Mest lesið