Fréttablaðið - 04.01.2008, Blaðsíða 12

12 4. janúar 2008 FÖSTUDAGUR
SKYNDI
HJÁLPAR
MAÐUR
ÁRSINS
2007
-
-
F
í
t
o
n
/
S
Í
A

F
I
0
1
5
9
6
0
Ábendingar skulu berast Rauða krossi
Íslands fyrir 15. janúar. Viðurkenningar
verða veittar þann 11. febrúar.
Nánari upplýsingar um tilnefningar og
hvernig staðið er að valinu má finna á
www.redcross.is
Rauði kross Íslands auglýsir eftir
ábendingum um einstakling sem
hefur á árinu 2007 bjargað
mannslífi með réttum viðbrögðum
í skyndihjálp.
N1, sem er samstarfsaðili Rauða kross Íslands
um útbreiðslu á skyndihjálp, veitir skyndihjálpar-
manni ársins sérstaka viðurkenningu.
GRÆNLAND Hans Enoksen, for-
maður grænlensku landstjórnar-
innar, boðaði í nýársræðu sinni að
þann 25. nóvember yrði haldin
þjóðaratkvæðagreiðsla um ný
heimastjórnarlög.
Sérskipuð nefnd grænlenskra
og danskra þingmanna hefur í
þrjú ár unnið að gerð nýrra heima-
stjórnarlaga, en niðurstaða þess
starfs liggur enn ekki fyrir. Til
hafði staðið að því lyki í septem-
ber síðastliðnum, en það frestaðist
og síðan ollu hinar skyndilega boð-
uðu þingkosningar í Danmörku í
nóvember því að skipa þurfti nýja
danska fulltrúa í nefndina.
Það er því enn ekki ljóst hvenær
niðurstaðan liggur fyrir og hægt
verður að efna til opinnar umræðu
á Grænlandi um hana. Á þetta
bendir Kuupik Kleist, formaður
IA-flokks grænlenskra sjálfstæðis-
sinna, í gagnrýni á nýársræðu
Enoksens, að því er greint er frá á
fréttavef grænlenska útvarpsins,
KNR. Kleist telur ekki ráðlegt að
fastnegla dagsetningu fyrir þjóðar-
atkvæðagreiðsluna fyrr en eftir
að heimastjórnarlagafrumvarpið
er komið fram fyrir almennings-
sjónir og ráðrúm hafi gefist til
lýðræðislegrar umræðu um það.
Formaður nefndarinnar, Jonatan
Motzfeldt, staðfesti í samtali við
Fréttablaðið í nóvember að í frum-
varpsdrögunum væri viður-
kenndur sjálfsákvörðunarréttur
Grænlendinga sem þjóðar í skiln-
ingi þjóðaréttar. - aa
Þjóðaratkvæðagreiðsla um ný heimastjórnarlög boðuð á Grænlandi síðla árs:
Bíða niðurstöðu nefndarstarfs
HANS ENOKSEN Formaður landstjórnar-
innar boðar þjóðaratkvæði þótt frum-
varp sé ekki fram komið enn.
NORDICPHOTOS/AFP
SJÁVARÚTVEGUR Nokkuð vantaði
upp á að Íslendingar fullnýttu
aflaheimildir í fisktegundum
sem við nýtum í samvinnu við
aðrar þjóðir árið 2007.
Af fimm tegundum voru aðeins
fullnýttar þorskaflaheimildir í
Barentshafi.
Að meðtöldum leyfilegum
flutningi aflaheimilda milli ára
má segja að aflaheimildir í
norsk-íslensku síldinni hafi líka
verið nýttar að fullu.
Íslendingar eiga aflamark í
Norðuríshafsþorski, úthafskarfa,
norsk-íslenskri síld, kolmunna og
rækju af Flæmingjagrunni.
- shá
Aflaheimildir ónýttar:
Fullnýttum
tvær tegundir
NOREGUR Gro Harlem Brundtland,
fyrrverandi forsætisráðherra
Noregs, hefur viðurkennt að hafa
ekki gefið upp
tekjur sem hún
hefur fyrir
ráðgjafarstörf
hjá gosdrykkja-
framleiðandan-
um Pepsi Cola,
samkvæmt frétt
í norska
Dagbladet.
Tekjurnar hjá
Pepsi hefðu átt
að koma til
frádráttar við
útreikning eftirlauna hennar sem
fyrrverandi forsætisráðherra og
þingmanns á norska Stórþinginu.
Brundtland býr nú í Nice í
Frakklandi og greiðir ekki skatta
í Noregi. - ghs
Gro Harlem Brundtland:
Gleymdi Pepsi-
peningunum
GRO HARLEM
BRUNDTLAND
CHILE, AP Hundruð manna þurftu
að yfirgefa heimili sín þegar eld-
gos hófst í fjallinu Lliama í Chile á
nýársdag.
Fólkið dvaldi úti við um nóttina
en engan hefur þó sakað og ekki
hafa borist fréttir af eigna-
skemmdum. Stjórnvöld segja ekki
þörf á að flytja fólk frá hættu-
svæðum í stórum stíl, að minnsta
kosti ekki að svo stöddu.
„Nokkrar fólksflutningabifreið-
ar og hertrukkar hafa verið send á
staðinn og eru til taks ef ákvörðun
verður tekin um fjöldabrottflutn-
ing fólks frá þorpinu Melipeacu,“
segir Carmen Fernandez, forstjóri
almannavarna í Chile.
- gb
Eldgos í fjallinu Lliama í Chile:
Hundruð flýja
LLIAMA GÝS Lítil hætta er enn á
ferðum. FRÉTTABLAÐIÐ/AP
SAMGÖNGUR Vinna við að undirbúa
ferjusiglingar milli Vestmanna-
eyja og Bakkafjöru er í fullum
gangi og segir Elliði Vignisson,
bæjarstjóri Vestmannaeyjabæjar,
að framkvæmdir fyrir höfnina í
Bakkafjöru muni hefjast á næstu
dögum. Siglingar hefjast svo árið
2010.
Ný ferja, svipuð Herjólfi, verður
smíðuð á undirbúningstímanum en
ráðgert er að hún muni taka um 50
til 55 bíla og 300 til 350 farþega.
Heildarkostnaður er áætlaður
5,6 milljarðar króna. Þar af er
kostnaður smíði á ferju áætlaður
tæpir 1,8 milljarðar. Lagður verður
nýr rúmlega ellefu kílómetra lang-
ur vegur frá Suðurlandsvegi að
Bakkafjöru og er áætlað að lagning
hans kosti um 450 milljónir. Hann
mun stytta leiðina að Bakkafjöru
um 18 kílómetra fyrir þá sem koma
austan að en tvo kílómetra fyrir þá
sem koma vestan frá.
Þá er áætlað að rúmlega 3,4
milljörðum verði ráðstafað til
hafnargerðar, hönnunar varnar-
garða og skjólgarða, til dýpkunar
og uppbyggingu fyrir aðstöðu á
svæðinu.
„Nú er búið að opna fyrir útboð á
smíði og rekstri skipsins en fjögur
fyrirtæki komust í gegnum
forvalið,“ segir Elliði. „Það eru
Eimskip, Samskip, Nýsir og svo
hópur heimamanna undir forystu
Vinnslustöðvarinnar og bæjarins.
Þetta mun þýða að farnar verða
sex til átta ferðir á dag sem taka
hálftíma í stað tveggja til þriggja
ferða nú sem taka um þrjár klukku-
stundir. Ég vil meina að þessi sam-
göngubót hafi sömu þýðingu fyrir
okkur og það hefði fyrir Ísfirðinga
ef Ísafjörður yrði færður til
Borgar fjarðar.“
Elliði segir að nú þegar hafi
eftirspurn eftir lóðum á hafnar-
svæðinu í Vestmannaeyjum stór-
lega aukist. „Menn sjá náttúrlega
möguleikana, það tekur um tólf
tíma að sigla til Reykjavíkur en
þegar þessi leið opnast verður
hægt að koma varningi mun fljót-
ar á milli. Og ef Kjalarvegur verð-
ur opnaður aukast möguleikarnir
enn frekar.“
Fyrirhuguð höfn hefur fengið
vinnuheitið Landeyjahöfn og segir
Elliði líklegt að það verði og form-
legt heiti hennar þegar fram líða
stundir. jse@frettabladid.is
Framkvæmdir
við Landeyja-
höfn hefjast
Framkvæmdir við hafnargerð í Bakkafjöru hefjast
á næstu dögum. Áætlað er að framkvæmdir vegna
ferjusiglinga milli lands og Eyja kosti 5,6 milljarða.
Á annatímum mun ferjan fara átta ferðir á dag.
EKKI LANGT MILLI LANDS OG EYJA Eins og sést á myndinni er ekki langt milli lands
og Eyja en þegar Landeyjahöfn verður risin árið 2010 og ferjan farinn að sigla á milli
mun fólki þykja jafnvel enn styttra enda getur það þá komist á milli á hálftíma.
ELLIÐI VIGNISSON
KOSNINGAHREINGERNING Þessi kona
í Georgíu brá sér út í gær til að sópa
götuna sem liggur meðfram vegg
með kosningaspjöldum, sem límd
hafa verið upp fyrir forsetakosningar á
morgun. NORDICPHOTOS/AFP