Fréttablaðið - 25.01.2008, Síða 53

tortrygginn því maður heldur að fólk
sé bara að grínast,“ segir Klara. En ann-
ars fara þær fögrum orðum um breska
aðdáendur og segja þá mjög þakkláta.
Elska að gigga
Hvað finnst þeim um íslenska tónlist-
armarkaðinn?
„Það er ekkert samasemmerki á
milli þess að vera með vinsælasta lagið
í útvarpinu og vera uppi á sviði alla
daga. Það er takmarkaður hópur sem
getur lifað af því að „gigga“ út í eitt á
Íslandi. Það er ekki verið að bóka
popphljómsveit marga daga í viku eins
og við myndum vilja hafa það,“ segir
Alma og það heyrist á röddinni í henni
að hún myndi helst vilja vera uppi á
sviði alla daga. Þær verða dreymnar á
svip þegar þær rifja upp stemninguna
sem ríkti í Bretlandi þegar þær túruðu
um landið. „Performans sem slíkt úti
er líka allt öðruvísi en hérna heima.
Það er ekki að syngja ballöður með
undirspili á diski. Úti vilja menn bara
töff lúkk og poppatriði,“ segir Klara.
Þær eru sammála um að það vanti
svolítið upp á glamúrinn á Íslandi
miðað við „giggin“ í Bretlandi. „Íslend-
ingar eru líka mjög feimnir og þora
ekki að sleppa fram af sér beislinu,“
segir Steinunn. Þær eru sammála um
að Kaupþingstónleikarnir hafi verið
með þeim bestu og þær vildu óska að
það væru haldnir fleiri slíkir tónleikar
á Íslandi.
Nú eruð þið búnar að gera alla þessa
hluti, eruð þið búnar að græða mikið
af peningum? „Já, á köflum höfum við
gert það og lifað á þessu. En á köflum
höfum við ekki lifað á þessu,“ segir
Alma og stelpurnar taka undir það.
Þegar þær eru spurðar út í mesta lúx-
usinn sem fylgir poppstjörnulífinu þá
nefna þær humar og sumarbústaða-
ferðir í sömu andrá. „Við elskum að
fara upp í sumarbústað saman og þá
höldum við humarveislu,“ segja þær
nánast í kór og sleikja út um þegar þær
minnast á allan humarinn og hvít-
laukssmjörið sem þær eru búnar að
innbyrða undanfarin ár. Humarveisl-
urnar eru þó alls ekki haldnar viku-
lega, bara spari.
Allt á útopnu
Þótt það hafi verið í nógu að snúast
hjá hljómsveitinni hafa stelpurnar
nýtt tímann vel. Steinunn rak leikhús
um tíma en nú er hún að byrja í
alþjóðaviðskiptafræði. Hún ætlar þó
ekki í fullt nám. „Svo hef ég verið að
vinna svolítið með Rauða krossinum
ásamt því að sinna markaðsmálum
fyrir fjölskyldufyrirtækið, Gull og silf-
ur. Það er mjög gaman,“ segir Stein-
unn. Klara er líka í námi. Hún byrjaði í
stjórnmálafræði í haust og kann vel
við sig. Auk þess hefur hún gert það
gott sem fatahönnuður en hettupeys-
ur hennar hafa hlotið mikið lof en þær
hefur hún selt í versluninni Figúríu á
Skólavörðustíg. Alma segir að Klara
hafi varla haft undan að sauma en
sjálf vill hún ekki gera mikið úr því.
„Svo er ég að vinna í félagsmiðstöð í
Hafnarfirði. Það finnst mér algert æði
því mér finnst svo gaman að vera í
kringum fólk,“ segir hún. Alma geyst-
ist fram á ritvöllinn á síðasta ári og
skrifaði bókina Postulín ásamt Freyju
Haraldsdóttur. „Það var brjáluð vinna
að skrifa bókina og ná að gefa hana út
fyrir jólin. Það var mjög mikið stress í
kringum hana og mikið að gera í því
fyrir jólin. Þetta var mitt aðalstarf síð-
ustu mánuðina meðfram Nylon. Svo
var ég að byrja í fjarnámi frá Bifröst,
þetta er grunnnám í rekstrarfræði og
heitir Máttur kvenna. Þetta er mjög
spennandi en í þessu er farið yfir aðal-
atriðin sem maður þarf að kunna til
að geta plummað sig í eigin rekstri.
Þetta eru aðallega markaðsmál og
fjármál,“ segir Alma og Steinunn skýt-
ur því inn í að þetta sé bara gert til að
undirbúa framtíð Nylon. Ásamt þessu
hefur Alma haldið sjálfstyrkingarnám-
skeið fyrir unglinga.
Hvernig er að vera búnar að vera eins
og samlokur síðustu fjögur ár, verðið þið
aldrei þreyttar á hver annarri? „Jú, það
gerist reglulega enda erum við mannleg-
ar,“ segir Alma. Þær stöllur segjast hvíla
sig á hver annarri þegar þær finna fyrir
þreytu. „Stundum er maður líka bara
þreyttur á áreiti og stundum þráir maður
bara eitthvað rólegt. Þá þarf maður bara
að fara heim og fá góðan svefn,“ segir
Alma og hinar taka undir að það séu
aldrei nein leiðindi í gangi og þær fái frá-
hvarfseinkenni þegar þær séu ekki
búnar að hittast í tvo daga.
Þegar þær eru spurðar að því hvað
þær hafi lært á þessum fjórum árum
nefna þær mannleg samskipti. „Ég er
komin með mastersgráðu í þeim og
búin að öðlast mikla víðsýni. Ég veit
hvað mér finnst gaman og geri það sem
mig langar hvort sem einhverjum finnst
það asnalegt eða ekki. Mér finnst ég hafa
lært að vera ánægð með það sem ég geri
og vera stolt af því,“ segir Steinunn og
hinar taka undir þetta. Hún segir jafn-
framt að hún hafi lært það að feimni
borgi sig ekki. „Hún kemur í veg fyrir að
maður geti upplifað draumana sína.“
Næsta skref er að taka upp tvö ný lög
fyrir Bretlandsmarkað. Í kjölfarið þurfa
þær að gera myndband við lagið og svo
verða lukkudísirnar að sjá um restina.
En jákvæðnin geislar af þeim og þær vita
líka að hljómsveitin hefur bara ákveðinn
líftíma og því er eins gott að nýta tímann
vel.
DINU HAFA VERIÐ ÞRÁLÁTAR SÖGUR Í GANGI UM AÐ NYLON SÉ HÆTT. ÞAÐ ER EKKERT TIL Í ÞEIM SÖGU-
TTIR FÉKK AÐ HEYRA SANNLEIKANN OG SÖGURNAR ÚR BRANSANUM.
ÐINU
25. JANÚAR 2008 | SIRKUS | BLS. 9