Fréttablaðið - 16.02.2008, Blaðsíða 2

2 16. febrúar 2008 LAUGARDAGUR
Lambafille
Country styleÞú sparar 900 kr.
2.698 kr.kg.
Spennandi helgarsteik
noatun.is
LÉTTIR ÞÉR LÍFIÐ
LEIT Tveimur frönskum skíða-
göngumönnum var bjargað af
hálendinu ofan Eyjafjarðar á
þriðjudaginn. Höfðu þeir ætlað að
ganga suður yfir hálendi Íslands
og lagt af stað fyrr um daginn.
Þegar þeir komu að Urðarvötnum
á Nýjabæjarafrétti var veður
orðið það slæmt að þeir urðu að
tjalda og halda kyrru fyrir.
Laust fyrir klukkan tvö óskuðu
þeir hjálpar og fóru þá björgunar-
sveitarmenn úr Dalbjörgu og frá
Súlum af stað til leitar. Fundust
mennirnir kaldir í tjöldum sínum
við GPS-punkt sem þeir höfðu
gefið upp og voru þeir komnir til
byggða um klukkan fimm sama
dag. - ovd
Skíðamönnum bjargað:
Biðu hjálpar í
tjöldum sínum
VONSKUVEÐUR VAR Á LEITARSVÆÐINU
Nítján manns tóku þátt í leitinni á jepp-
um, vélsleðum og snjóbíl.
MYND/NJÁLL Ó. PÁLSSON
KJARAMÁL Engin svör fengust um aðkomu ríkisstjórn-
arinnar að samningum á almennum vinnumarkaði á
fundi forystumanna Alþýðusambands Íslands, ASÍ,
og Samtaka atvinnulífsins, SA, með ríkis stjórninni í
gær. Geir H. Haarde forsætisráðherra sagði að
sérfræðingar myndu setjast yfir kröfurnar og svo
yrði fundað með forystumönnum á vinnumarkaði.
„Við sjáum hverju fram vindur,“ sagði hann. „Við
munum fara yfir hugmyndir sem tengjast skatta-
málum, húsnæðismálum, starfsmenntunarmálum.“
Ótímabært væri að ræða kostnað af aðgerðum
ríkisins. „Við þurfum að átta okkur á því hvað við
erum að tala um langt tímabil. Við viljum helst
tímasetja aðkomuna út allt kjörtímabilið að því
gefnu að kjarasamningar haldi megnið af því
tímabili. Þetta er eitt af því sem við eigum eftir að
vinna í.“
Ingibjörg Sólrún Gísladóttir utanríkisráðherra
sagði að greinilega væri „unnið út frá þeirri
grundvallarhugmynd að auka hér jöfnuð og tryggja
jafnvægi. Þetta tvennt verður að fara saman og
ríkisstjórnin hlýtur að vinna út frá því líka,“ og taldi
ólíklegt að svar bærist í dag. „Ég held að þetta taki
lengri tíma.“
ASÍ lagði fram endurnýjaða kröfugerð frá því í
desember. SA lagði fram kröfur um að launaþróun
opinberra starfsmanna yrði í takt við það sem
gerðist á almennum vinnumarkaði, breytingar á
peningastefnu Seðlabankans og lækkun á tekjuskatti
fyrir tækja. Enn fremur er farið fram á lægri
flutningskostnað, aðgerðir í atvinnumálum, endur-
hæfingar sjóð, starfsmenntunarsjóð og afnám þunga-
skatts.
Finnbjörn Hermannsson, formaður Samiðnar,
segir að ekkert hafi komið út úr fundinum í gær
annað en að „þau upplýstu okkur um að þau hefðu
ekki unnið heimavinnuna sína. Þau settu málið í
nefnd þannig að það er einhver skriður. Nú viljum
við sjá þeirra útfærslu og tillögur,“ segir hann.
„Við reiknuðum ekki með að fá svör við einstökum
atriðum,“ segir Vilhjálmur Egilsson, framkvæmda-
stjóri SA. „Við reiknum með að ráðherrarnir vinni
sína heimavinnu og niðurstaðan liggi fyrir tiltölu-
lega fljótt.“
Grétar Þorsteinsson, forseti ASÍ, sagði að ekki
yrði skrifað undir fyrr en aðkoma ríkisins væri ljós.
„Það einfaldar málið að við lögðum fram okkar
kröfur í byrjun desember. Ríkisstjórnin hefur haft
góðan tíma til að hugsa málið.“ ghs@frettabladid.is
Beðið eftir útspili
ríkisstjórnarinnar
Óvissa ríkir um aðkomu ríkisins að kjarasamningum. Forystumenn segja ríkis-
stjórnina ekki hafa unnið heimavinnuna. Vonast er eftir undirritun um helgina
en ekki verður skrifað undir fyrr en aðkoma ríkisstjórnarinnar liggur fyrir.
ÚT ALLT KJÖRTÍMABILIÐ „Við þurf-
um að átta okkur á því hvað við
erum að tala um langt tímabil. Við
viljum helst tímasetja aðkomuna
út allt kjörtímabilið,“ sagði Geir H.
Haarde. Farið yrði yfir hugmyndir
sem tengdust skattamálum, hús-
næðismálum og starfsmenntunar-
málum. FRÉTTABLAÐIÐ/STEFÁN
ORKA Stjórn Orkuveitunnar tók ekki ákvörðun um
hver yrði næsti stjórnarformaður REI á fundi sínum
í gær, en líklega verður fjallað um það á auka-
stjórnar fundi í næstu viku.
Fyrirtækið, sem meta má á sex milljarða hið
minnsta, hefur því verið án stjórnarformanns síðan
upp úr áramótum, er Bjarni Ármannson fór frá
störfum.
„Það liggur á því að starfhæf stjórn sé skipuð, því
núverandi stjórn REI er umboðslaus og ákvarðana-
fryst stjórn, sem er skipuð nokkrum starfsmönnum
Orkuveitunnar,“ segir Sigrún Elsa Smáradóttir,
borgarfulltrúi Samfylkingarinnar.
Spurður hvort ekki væri bagalegt að hafa engan
stjórnarformann, gat Hjörleifur B. Kvaran, forstjóri
Orkuveitunnar, ekki neitað því: „Þetta er mjög
bagalegt allt saman,“ sagði hann.
Alls er óvíst hver tekur við starfi stjórnarfor-
manns en ýmsir borgarfulltrúar Sjálfstæðisflokks
þykja koma til greina, ásamt fulltrúa F-lista, Ástu
Þorleifsdóttur.
Kjartan Magnússon, stjórnarformaður Orkuveit-
unnar, vill ekkert láta uppi um þetta. Mestu skipti að
nýr meirihluti hafi tekið málefni REI föstum tökum.
„Nú getum við látið fyrirtækið fara að fúnkera
almennilega,“ segir hann. Stór skref hafi verið stigin
í þá átt í gær. - kóþ
Nýr stjórnarformaður fyrirtækisins verður valinn innan skamms:
REI stjórnlaust enn um sinn
NÚVERANDI STJÓRN ORKUVEITUNNAR Hefur ekki tekið
ákvörðun um það hver verði stjórnarformaður REI, en hann
hefur vantað frá því upp úr áramótum. MYND/ORKUVEITAN
Sveinn, hvar er best að veiða
um helgina?
„Það er spurning, eru þeir ekki enn
að leita að þessari loðnu? Annars er
ég úr Skagafirði og myndi telja best
að veiða þar.“
Sveinn Margeirsson er deildarstjóri hjá
Matís, sem var að kynna nýjan hugbúnað
sem meðal annars segir til um hvar best
sé að veiða.
DANMÖRK, AP „Gerið það, hættið
þessu nú,“ sagði Mostafa
Chendid, einn helsti leiðtogi
múslima í Danmörku, í föstudags-
predikun sinni í mosku í Kaup-
mannahöfn í gær.
Hann beindi máli sínu til
ungmenna sem efnt hafa til
óeirða í Kaupmannahöfn og víðar
í landinu á hverju kvöldi nú í
vikunni. Margir telja að ofbeldið
hafi aukist eftir að helstu dagblöð
Danmerkur endurbirtu á mið-
vikudaginn umdeilda skopteikn-
ingu af Múhameð spámanni.
„Spámaðurinn kenndi okkur
ekki að brenna skóla, bifreiðar
eða samgöngutæki. Múhameð
kenndi okkur siðmenningu,“ sagði
Chendid. - gb
Leiðtogi danskra múslima:
Biður fólk að
hætta óeirðum
MOSTAFA CHENDID Einn helsti leiðtogi
múslima í Danmörku. FRÉTTABLAÐIÐ/AP
HEILBRIGÐISMÁL Aðeins tveimur
fóstrum af 27 sem greindust með
Downs-heilkenni frá 2002-2006
var ekki eytt. Í helgarblaði DV
kemur fram að afar fá börn séu
eftir á Íslandi með heilkennið
síðan fósturskimun hófst hér á
landi árið 1999.
Unnur Helga Óttarsdóttir,
formaður Félags áhugafólks um
Downs, segir í viðtali við blaðið
að ýmislegt megi bæta þegar
komi að upplýsingagjöf til
verðandi foreldra. - sþs
Downs-heilkenni útrýmt:
Aðeins tveimur
fóstrum hlíft
DÓMSMÁL Sautján ára drengur hefur verið dæmdur í
sex mánaða skilorðsbundið fangelsi fyrir kynferðis-
brot gegn stjúpsystur sinni. Hann var fimmtán ára
þegar brotin voru framin, hún átta ára.
Drengurinn játaði að hafa farið nokkrum sinnum
upp í rúm til stúlkunnar þegar hún gisti hjá föður
sínum, stjúpföður drengsins, og káfað á henni innan
sem utan klæða. Þetta gerðist frá 21. ágúst 2006 til 24.
mars 2007. Stúlkan þóttist vera sofandi þegar brotin
áttu sér stað.
Í úrskurði Héraðsdóms Reykjavíkur kemur fram að
drengurinn hafi sætt geðrannsókn vegna ungs aldurs,
og verið metinn sakhæfur. Litið hafi verið til alvarleika
brotanna þegar refsing hans var ákveðin, en tekið hafi
verið með í reikninginn að hann hafi sjálfur verið barn
í lagalegum skilningi þegar hann framdi brotin.
Stúlkan hefur átt við andlega erfiðleika að stríða í
kjölfar misnotkunarinnar, segir í úrskurði Héraðs-
dóms. Auk refsingarinnar var hann látinn greiða
stúlkunni hálfa milljón í bætur og eina milljón í
sakarkostnað. - sþs
Sautján ára drengur dæmdur í sex mánaða skilorðsbundið fangelsi:
Káfaði á átta ára stjúpsystur sinni
GISTI HJÁ GERANDA
■ Foreldrar stúlkunnar skiptu með sér forræði yfir
henni þegar brotin áttu sér stað. Hún gisti á sama
heimili og drengurinn aðra hvora viku.
■ Drengurinn fór nokkrum sinnum upp í rúm til stúlk-
unnar, ýmist þegar hún gisti á dýnu í herbergi hans eða
í næsta herbergi.
■ Stúlkan sagði móður sinni frá brotunum í maí í fyrra.
Hún fór til Barnaverndar Reykjavíkur, sem óskaði 1. júní
eftir því að brotið yrði rannsakað.
■ Við skýrslutöku hjá lögreglu sagðist drengurinn sjá
mikið eftir því sem hann gerði. Ástæðan hefði aðallega
verið forvitni og kynferðisleg örvun.
Fimmti morðinginn fundinn
Fimmti maðurinn hefur verið hand-
tekinn í tengslum við morðið á Benaz-
ir Bhutto, fyrrverandi forsætisráðherra
Pakistan. Maðurinn, Abdul Radheed,
er sagður lykilmaður í hópnum sem
stóð fyrir árásinni hinn 27. desember,
þar sem tuttugu aðrir létust.
PAKISTAN
REYKJANESBÆR Bæjarráð Reykja-
nesbæjar hefur samþykkt að
leggja til hvatagreiðslur, alls 35,1
milljón króna, til starfsmanna
Reykjanesbæjar. Hvatagreiðsl-
urnar verða greiddar einu sinni
til tvisvar á ári.
Markmiðið, að sögn bæjar-
stjóra, er að koma til móts við
aukið álag starfsmanna vegna
örrar fjölgunar íbúa í bæjarfélag-
inu, stuðla að góðri þjónustu og
draga úr starfsmannaveltu og
fjarvistum vegna veikinda. Við
úthlutanir verður tekið mið af
frammistöðu starfsmanna á liðnu
ári, fjarvista vegna veikinda og
gæða þjónustu. - áf
Launabónus í Reykjanesbæ:
Starfsmenn fá
hvatagreiðslur
SPURNING DAGSINS