Fréttablaðið - 16.02.2008, Blaðsíða 42

● hús&heimili
Páll hefur í nógu að snúast og kvart-
ar ekki undan verkefnaskorti en
segir þó hrunið á verðbréfamark-
aðnum hafa sett nokkur verkefni
í bið. „Það er aðeins dauður tími
núna í „kreppunni“ en þá hef ég
bara haft tíma til að vinna í mínum
eigin verkum,“ segir Páll og bendir
á litla kaffibolla sem hann er með á
vinnuborðinu.
„Bollarnir eru tiltölulega nýt-
ilkomnir en þeir spunnust upp úr
þrætumáli sem ég átti við mann
um það hvenær bolli er bolli. Þú
getur brotið af kaffibolla hand-
fangið en hann er samt einhvern
veginn ennþá bolli en ef þú brýtur
til dæmis haldið af ausu þá er hún
orðin skál. Mér fannst þetta eitt-
hvað asnalegt og bjó því til bolla
sem er háður handfanginu, það
er hann getur ekki staðið án þess.
Hann er þá kannski tæknilega séð
ausa!“
Milli þess sem hann rótar fyrir
rokkara hannar Páll
sína eigin vöru
og hefur hannað
nokkra rofa til að
kveikja og slökkva
ljós. Hann vinn-
ur með ánægj-
una í því að fram-
kvæma einhverjar
aðgerðir og segist
ekkert hrifinn af
því hvernig allar
aðgerðir í daglegu
lífi eru einfaldaðar.
„Rofinn með stóra
skaftinu er svona
barnsleg fantasía
um það hvernig á
að slökkva sem mér
finnst vera mikil aðgerð og dramat-
ísk hreyfing. Við viljum alltaf vera
að létta okkur vinnuna, gera minni
takka fyrir minni aðgerð en þá
tökum við alla gleðina úr,“ útskýr-
ir Páll og vill meina að til dæmis sé
miklu skemmtilegra að mala kaff-
ið sjálfur og hella upp á en að labba
að einhverju tæki, ýta á „latte“ og
bíða bara.
Allir rofarnir kalla á meiri að-
gerð en að ýta bara á takka og þarf
til dæmis að skrúfa frá
krana, taka tappa úr nið-
urfalli og velta stórri
kúlu fram og
aftur til að
slökkva eða
kveikja ljósið.
Rofana sýndi
Páll á hönnunar-
sýningunni Kviku á
Kjarvalsstöðum síðasta
sumar og fékk góðar und-
irtektir. „Eftir sýninguna fékk
ég til dæmis tölvupósta frá erlend-
um ferðamönnum sem höfðu mikið
fyrir þvi að finna netfangið mitt, og
vildu kaupa,“ segir hann og bætir
við að gírstöngin og tappinn hafi
verið vinsælastir hjá gestum að
prófa, svo vinsælir að það tókst að
brjóta gírstöngina nokkrum sinn-
um.
En hvort er maður að kveikja
eða slökkva ljósið þegar tappinn er
tekinn úr? „Ég er ekki alveg búinn
að ákveða mig,“ segir Páll og klórar
sér í hausnum. „Ég vil hafa kveikt
þegar tappinn er úr því ef maður
hugsar sér rafmagn sem flæði þá
ertu að opna fyrir rennslið þegar þú
tekur tappann úr en loka fyrir það
og slökkva með því að setja tapp-
ann í. Á móti kemur hins vegar að
tappinn fer í þegar þú ferð í baðið
og þá ætti að setja tappann í til að
fá ljós en taka hann úr til slökkva
því þá læturðu renna úr baðinu,“
segir Páll og virðist engu nær um á
hvorn veginn tappinn eigi að virka.
Aðspurður hvernig íslensk hönn-
un standi í dag segist Páll sjá mikið
af hæfileikaríku fólki vera að koma
fram núna og kraftur og þrjóska
einkenni hönnunarbransann. Hann
segir þó íslenska hönnun þurfa að
sanna sig frekar. „Mér finnst við
ekki vera búin að skapa nógu mik-
inn samhljóm í íslenskri hönnun
til að hægt sé að fara að gera hana
út en það er mikið af hæfileikarík-
um hönnuðum sem komast áfram
á þrjósku og þvermóðsku og hafa
þetta viðhorf að „ef enginn vill ráða
mig þá geri ég þetta bara sjálfur“
sem mér finnst rosalega gott við-
horf.“ - rat
Hvenær er kaffibolli
bolli eða ausa?
● Páll Einarsson vöruhönnuður hefur ýmislegt á prjónunum og hannar kaffibolla og ljósarofa
meðfram því að kenna í Listaháskóla íslands og Iðnskólanum í Hafnarfirði og róta fyrir rokkara.
Páll Einarsson vöruhönnuður með kaffibollana á vinnuborðinu. FRÉTTABLAÐIÐ/VILHELM
Þessi rofi kallar á að láta fikta í sér en til
að kveikja og slökkva ljósið þarf að velta
stálkúlunni úr sessi.
Hvort kviknar eða slökknar ljósið þegar
tappinn er tekinn úr?
Ef maður hugsar
rafmagn sem
rennsli á þessi rofi
vel við til að skrúfa
frá ljósinu.
Skaftið eða
gírstöngin var
svo vinsæl á
Kviku-sýning-
unni að hún
brotnaði.
1. Furðulegt tól Miðað við útlit-
ið gæti þetta áhald alveg eins átt
heima á bílaverkstæði eins og í eld-
hússkúffunni. Til hvers á að nota það?
Jú, til að skrúfa lokið af krukkum.
Krukkuskrúftöngin kostar 1.609 krónur í Byggt og
búið í Kringlunni.
2. Stór spurning Þessi þrjú áhöld eru falleg en til
hvers á að nota þau? Hjá Búsáhöldum í Kringlunni
fengust þær upplýsingar að þetta væru sítrusskeri,
sítrusrifjárn og smjörrúlla og hvert er nú hvað?
Smjörrúllan og sítrusskerinn kosta hvort
1.500 krónur en sítrusrifjárnið 1.135 krónur.
3. Bananaskeri Þó að hægt sé að nota hníf til
að skera niður banana er þetta áhald til að sneiða
niður heilan banana í einu handtaki. Gæti komið
sér vel við að undirbúa bananasplitt eða þegar
smyrja þarf samlokur með banana ofan í marga.
Bananaskerinn kostar 499 krónur í Byggt og búið í
Kringlunni.
Gestaþrautir í eldhúsinu
● Úrvalið af sérhæfðum eldhúsáhöldum er endalaust og ótrú-
legustu verkfæri sérsniðin fyrir eitthvað sem kannski væri
einfaldast að nota bara hníf í. Stundum eru þau líka
svo margslungin í laginu að það er hreinasta
gestaþraut að átta sig á í hvað á að
nota þau.
2
3
1
16. FEBRÚAR 2008 LAUGARDAGUR4