Fréttablaðið - 16.02.2008, Blaðsíða 68
40 16. febrúar 2008 LAUGARDAGUR
F
lugfreyjustarfið, –
æskudraumur sem
rættist,“ segir Elín Ida
Kristjánsdóttir, sem
hefur starfað sem flug-
freyja hjá Icelandair í
níu ár. „Ég held mig hafi langað til
að verða flugfreyja frá því ég fór
fyrst til útlanda sem smástelpa.
Svo passaði ég líka fyrir flug-
freyju og heillaðist enn meira af
starfinu.“
Flugfreyjustarfið er afar fjöl-
breytilegt. Flugfreyjur eru alltaf
að hitta nýtt fólk, bæði meðal far-
þega og samstarfsmanna því að
ekki er alltaf sama fólkið í áhöfn
og farþegarnir koma og fara.
Flugfreyjurnar fá vaktaskipulag
einn mánuð fram í tímann og afar
misjafnt er hvernig vaktirnar rað-
ast. Elín Ida segir að flugfreyj-
urnar vinni á vöktum og stundum
komi tarnir þar sem þær fljúga
marga daga í röð en svo komi frí
inni á milli.
Vaktavinnan hentar Elínu Idu
vel og hún segist meta það mikils
að geta verið meira með stelpun-
um sínum á daginn. „Ég sé mig
ekki fyrir mér vinna frá níu til
fimm,“ segir hún.
Flugfreyjustéttin er fjölmenn,
mörg hundruð félagar eru í Flug-
freyjufélagi Íslands, þar af starfa
flestar flugfreyjur og flugþjónar
hjá Icelandair. Flugfreyjur eru í
miklum meirihluta þó að strákun-
um í stéttinni hafi fjölgað töluvert
undanfarin ár.
Elín Ida segir að flugið gangi
nánast alltaf vel en auðvitað komi
stundum eitthvað upp á, til dæmis
veikindi. Þau fái hins vegar mikla
þjálfun í að bregðast við mismun-
andi aðstæðum. Upprifjunarnám-
skeið séu haldin á hverju ári þar
sem farið sé yfir öryggismál og
skyndihjálp ásamt ýmsu öðru.
„Það virðist nánast alltaf vera
læknir eða hjúkrunarfræðingur
um borð sem leitað er til ef eitt-
hvað alvarlegt kemur upp á. Yfir-
leitt getum við þó sjálf sinnt því
sem upp á kemur,“ segir hún og
rifjar upp að sér hafi brugðið
aðeins þegar hún í fyrsta skipti sá
líða yfir farþega þegar hún var
nýbyrjuð í starfi.
Langflestir farþeganna eru
tengifarþegar á leið milli Evrópu
og Ameríku. Elín Ida segir mis-
munandi hvernig stemning mynd-
ast um borð eftir farþegasam-
setningu. Stundum geti verið fjör
í landanum meðan útlendingarnir
séu rólegri.
Vaktavinnan á vel við mig
Flugfreyjustarfið er fjölbreytilegt og líflegt starf. Flugfreyjurnar eru alltaf að hitta nýtt og nýtt fólk og
vita aldrei hvernig vaktin þeirra verður nema einn mánuð fram í tímann. Guðrún Helga Sigurðardóttir
blaðamaður og Vilhelm Gunnarsson ljósmyndari kynntu sér hvernig vinnuvikan gengur fyrir sig hjá
Elínu Idu Kristjánsdóttur flugfreyju.
ELÍN IDA MÆTIR TIL VINNU Flugfreyjur vinna á vöktum og stundum koma tarnir þar sem þær fljúga marga daga í röð en svo koma löng frí inni á milli. Elín Ida Kristjánsdóttir
hefur starfað sem flugfreyja í millilandafluginu í níu ár. Hér mætir hún til vinnu á Hótel Loftleiðum með áhafnabílinn í baksýn. FRÉTTABLAÐIÐ/VILHELM
Í RÆKTINNI Þegar Elín Ida er í vaktafríi fer hún stundum í ræktina.