Fréttablaðið - 24.02.2008, Blaðsíða 80

28 24. febrúar 2008 SUNNUDAGUR
sport@frettabladid.is
Að fylgjast með framgöngu
Handknattleikssambands síðustu
daga og vikur er eins og að fylgj-
ast með hádramatískum harm-
leik. Það er fyrir löngu orðið
átakanlegt að fylgjast með
klaufagangnum í kringum ráðn-
ingu landsliðsþjálfara og sér ekki
fyrir endann á þeirri vitleysu.
Steininn hefur síðan algjörlega
tekið úr síðustu daga og verður
ekki lengur orða bundist.
Þorbergur Aðalsteinsson,
stjórnarmaður HSÍ, varð sjálfum
sér og handknattleiksforystunni
til háborinnar skammar í þættin-
um Utan vallar á Sýn. Fyrir það
fyrsta var maðurinn í mjög
annarlegu ástandi og alls ekki í
því ástandi sem menn eiga að
vera þegar þeir fara í sjónvarps-
viðtöl fyrir hönd handknattleiks-
forystunnar. Maðurinn var
ölvaður. Það getur undirritaður
staðfest enda var hann á staðn-
um. Það geta fleiri einnig stað-
fest sem voru á staðnum.
Hegðun hans í þættinum er
síðan kapitúli út af fyrir sig. Þar
ræðst Þorbergur mjög ómaklega
að sumum af bestu drengjum
handboltans. Þess utan braut
hann trúnað við stjórn sem og þá
þjálfara sem hafa verið í viðræð-
um við HSÍ. Það er háalvarlegt.
Neita að axla ábyrgð
Stjórn HSÍ beit síðan höfuðið af
skömminni með því að taka ekki
föstum tökum á málinu á neyðar-
fundi síðasta föstudag. Þess í stað
var ákveðið að stinga höfðinu í
sandinn.
Þorbergur sjálfur hefði þess
utan átt að sjá sóma sinn í því að
stíga til hliðar. Með því hefði
hann séð til þess að HSÍ héldi ein-
hverjum trúverðugleika en
niðurstaðan er álitshnekkir fyrir
sambandið, sem er nú rúið öllum
trúverðugleika.
Handknattleiksforystan sýndi
svo um munaði með viðbrögðum
sínum að hún er ekki starfi sínu
vaxin. Þær útskýringar að Þor-
bergur hefði verið þarna sem
persónan Þorbergur en ekki
stjórnarmaðurinn Þorbergur
halda engu vatni og eru í raun
svo barnalegar að það tekur engu
tali.
Ef Þorbergur hefði eingöngu
tjáð sig um sinn landsliðsþjálfara-
feril og handboltann almennt
hefði þessi afsökun gengið. Hann
talaði aftur á móti um nánast ekk-
ert annað en málefni HSÍ. Ekki
bara innri málefni sambandsins
heldur þau allra innstu. Þessi
málsvörn HSÍ er líklega sú slak-
asta síðan Maradona sagði hendi
Guðs hafa skorað frægt mark
gegn Englendingum á HM 1986.
Þorbergur segir að HSÍ hefði
orðið við öllum kröfum þeirra
Dags og Arons en þeir hafi samt
sagt nei. Það skilur hann ekki.
Hann gleymir því aftur á móti
að þegar menn ákveða að þiggja
störf skoða þeir einnig vinnu-
umhverfið og ekki síst þá ein-
staklinga sem þeir þurfa að vinna
með. Má segja að ástandið innan
herbúða HSÍ hafi kristallast í
hegðun Þorbergs og stjórnar-
innar síðustu daga og ég lái þess-
um mönnum ekki að hafna starf-
inu.
Hver vill vinna með einstakl-
ingum sem koma svona fram og
öðrum sem leggja blessun sína
yfir slíka framkomu? Þessi fram-
koma er á allan hátt óverjanleg
og til háborinnar skammar. HSÍ
stendur nú eftir án þjálfara, trú-
verðugleika og virðingar.
UTAN VALLAR HENRY BIRGIR GUNNARSSON SEGIR SÍNA SKOÐUN
Harmleikur handknattleikssambandsins
Fram og Haukar mætast í toppbaráttuleik N1-deildar karla í
handbolta í Framhúsinu í Safamýri kl. 16 í dag. Liðin skildu
jöfn 29-29 í Framhúsinu í lok september og Haukarnir
unnu 26-20 tæpum mánuði síðar að Ásvöllum í
N1-deildinni fyrr í vetur.
Gunnar Berg Viktorsson, fyrrverandi leik-
maður Fram og núverandi leikmaður Hauka,
telur leikinn afar mikilvægan fyrir bæði lið.
„Eins og þetta er að spilast er þetta
bara einn af úrslitaleikjum N1-deildar-
innar, það er nokkuð ljóst. Við erum
búnir að tapa þremur stigum upp á
síðkastið og gerum okkur fyllilega
grein fyrir því hversu mikilvægur
þessi leikur er upp á framhaldið.
Ef við vinnum komum við okkur
aftur í þægilega stöðu til að
anda aðeins og við stefnum
að sjálfsögðu að sigri eins og
alltaf,“ sagði Gunnar Berg, sem telur Haukaliðið ekki endilega vera að
koma á óvart með því að sitja á toppi deildarinnar.
„Við stefndum alltaf að því að vera í toppbaráttunni og það er eitt
af því sem þjálfarinn Aron Kristjánsson kom með inn í Haukaliðið,
það er þessi sigurvilji og þetta sigurhugarfar,“ sagði Gunnar Berg
og Andri Berg Haraldsson, leikmaður Fram, er ekki síður hrifinn af
áhrifum þjálfara síns Ferenc Antal Buday á Fram-liðið.
„Ég er gríðarlega ánægður með Ferenc og hann er að
koma með nýjar æfingar inn í þetta og jafnvel æfingar
sem maður hefur ekki kynnst áður á Íslandi,“ sagði Andri
Berg, sem er gamall FH-ingur og á því ekki í miklum
erfiðleikum með að gíra sig upp í leikinn gegn Haukum.
„Ég hef nú reyndar ekki verið mjög sigursæll gegn
Haukaliðinu í gegnum tíðina og hef fulla löngun til að
breyta því með Fram í framtíðinni. Bæði við og Haukar
höfum verið að spila fastan varnarleik og fínan
sóknarleik í deildinni og ég held að þessi leikur
verði klárlega einn af leikjum ársins,“ sagði Andri
Berg að lokum.
GUNNAR BERG ÚR HAUKUM OG ANDRI BERG ÚR FRAM: VERÐA Í ELDLÍNUNNI Í STÓRLEIK Í FRAMHÚSINU Í DAG
Klárlega einn af leikjum ársins í N1-deildinni
Enska úrvalsdeildin:
BIRMINGHAM CITY - ARSENAL 2-2
1-0 James McFadden (28.), 1-1 Theo Walcott
(49.), 1-2 Walcott (55.), 2-2 McFadden, víti (95.).
FULHAM - WEST HAM UNITED 0-1
0-1 Nolberto Solano (87.).
LIVERPOOL - MIDDLESBROUGH 3-2
0-1 Tuncay Sanli (9.), 1-1 Fernando Torres (28.),
2-1 Fernando Torres (29.), 3-1 Fernando Torres
(61.), 3-2 Stewart Downing (83.).
PORTSMOUTH - SUNDERLAND 1-0
1-0 Jermain Defoe (69.).
WIGAN ATHLETIC - DERBY COUNTY 2-0
1-0 P. Scharner (60.), 2-0 Antonio Valencia (84.)
NEWCASTLE - MAN. UTD 1-5
0-1 Wayne Rooney (25.), 0-2 Cristiano Ronaldo
(45.), 0-3 Cristiano Ronaldo (56.), 1-3 Diagne
Faye (78.), 1-4 Wayne Rooney (80.), 1-5 Louis
Saha (90+1).
STAÐA EFSTU OG NEÐSTU LIÐA:
Arsenal 27 19 7 1 56-20 64
Man. Utd 27 19 4 4 55-15 61
Chelsea 26 16 7 3 38-17 55
Liverpool 26 12 11 3 43-19 47
Everton 26 14 5 7 41-23 47
------------------------------------------------------------
Bolton 26 6 7 13 26-35 25
Birmingham 27 5 8 14 27-40 23
Reading 26 6 4 16 30-53 22
Fulham 27 3 10 14 25-45 19
Derby County 27 1 6 20 13-57 9
ÚRSLIT
> Eggert tryggði Hearts sigur
Landsliðsmaðurinn Eggert Gunnþór Jónsson tryggði
skoska úrvalsdeildarliðinu Hearts 1-0 sigur á einu af
toppliðum deildarinnar, Motherwell. Eggert átti langskot
að marki sem fór í Stephen Craigan, fyrirliða
Motherwell, og í markið. Markið var skrifað
á Craigan. Hearts fór fyrir vikið í sjöunda
sæti deildarinnar en sex efstu liðin komast
í keppni um skoska titilinn á meðan þau sex
neðstu keppa um að sleppa við fallið.
HANDBOLTI Þorbergur Aðalsteins-
son sendi frá sér yfirlýsingu í
gær þar sem hann biðst afsökun-
ar á því að hafa brotið trúnað við
HSÍ og þá Dag Sigurðsson, Geir
Sveinsson og Aron Kristjánsson
með orðum sínum í þættinum
Utan vallar á Sýn. Hann biður
Einar Þorvarðarson, fram-
kvæmdastjóra HSÍ, einnig
afsökunar vegna orða um
samskipti Einars og Ólafs
Stefánssonar.
Þorbergur ítrekar í yfirlýsing-
unni að hann hafi mætt í þáttinn
sem áhugamaður um handbolta
en ekki sem stjórnarmaður HSÍ
sem hann er. - hbg
Yfirlýsing frá Þorbergi:
Biður menn
afsökunar
FÓTBOLTI Man. Utd minnkaði for-
skot Arsenal á toppi úrvalsdeildar-
innar í þrjú stig í gær. Þá lagði
United lið Newcastle, 1-5, á St.
James‘s Park á meðan Arsenal
varð að sætta sig við jafntefli, 2-2,
gegn Birmingham. Fernando
Torres fór svo á kostum með Liver-
pool gegn Middlesbrough þar sem
hann skoraði þrennu í 3-2 sigri.
Það hreinlega rauk úr Arsene
Wenger, stjóra Arsenal, eftir leik-
inn í gær. Martin Taylor braut
hrottalega á Eduardo da Silva eftir
aðeins þrjár mínútur. Framherj-
inn brotnaði svo illa að ekki var
hægt að sýna í sjónvarpi. Hann
spilar ekki meira á leiktíðinni og
kemur líklega ekki til baka fyrr en
seint á þessu ári.
„Þessi maður ætti aldrei aftur
að spila fótbolta. Hvað er hann
eiginlega að gera á fótboltavelli?
Ég hef lengi sagt að lið líti svo á að
þau þurfi að sparka okkur niður til
að eiga möguleika og því kemur
þetta mér ekki á óvart,“ sagði
Wenger alveg brjálaður.
Alex McLeish, stjóri Birming-
ham, sagði að Taylor væri með
böggum hildar vegna atviksins.
„Drengurinn er í molum yfir
þessu. Það er ekki í eðli hans að
meiða leikmenn,“ sagði McLeish.
Leikurinn var annars dramat-
ískur en jöfnunarmark Birming-
ham kom úr vítaspyrnu þegar
rúmar fjórar mínútur voru komn-
ar fram yfir venjulegan leiktíma.
Sir Alex Ferguson, stjóri Man.
Utd, var eðlilega himinlifandi með
frammistöðu sinna manna. „Miðj-
an var fersk hjá okkur en hæfi-
leikar framherjanna sáu um þenn-
an leik fyrir okkur enda voru
framherjarnir stórkostlegir. Við
hefðum getað skorað fleiri mörk.
Ég er mjög sáttur enda aldrei auð-
velt að koma hingað,“ sagði Fergu-
son kátur.
Fernando Torres sá til þess að
Liverpool komst aftur í fjórða
sæti deildarinnar með þrennunni
sem hann skoraði gegn Middles-
brough. Hann hefur nú skorað 21
mark í deildinni en þetta er í fyrsta
skipti í fimm ár sem framherji
Liverpool skorar yfir tuttugu
mörk á tímabili. „Það er ekki auð-
velt fyrir erlenda leikmenn að
aðlagast ensku deildinni hratt og
örugglega en Torres hefur gert
það frábærlega. Hann hefur kraft
og getur gengið frá hvaða varnar-
manni sem er með hraða sínum,“
sagði Rafa Benitez, stjóri Liver-
pool, um stjörnuframherjann sinn.
henry@frettabladid.is
Wenger vill lífstíðarbann
Arsene Wenger, stjóri Arsenal, vill að Martin Taylor, leikmaður Birmingham,
verði settur í lífstíðarbann eftir ruddatæklingu hans sem mölbraut fót Eduardos
da Silva. Arsenal gerði jafntefli í leiknum. Man. Utd minnkaði forskotið.
Í LOSTI Cesc Fabregas sá manna fyrstur hversu illa Eduardo var meiddur og hann
greip fyrir andlit sér og gat ekki horft á. Leikmenn Arsenal voru hreinlega í losti
næstu mínútur eftir meiðslin hræðilegu. NORDIC PHOTOS/GETTY IMAGES