Fréttablaðið - 29.02.2008, Side 27

][
Norður-Noregur hefur ýmislegt
að bjóða ferðamönnum, svo
sem stórbrotna náttúru, nyrsta
odda Evrópu, veiðar og aðra
útivist bæði að sumri sem vetri.
Gamanið kostar þó sitt.
Í yfir 300 ár hafa ferðamenn tíðk-
að komur sínar á nyrsta odda Evr-
ópu, sem fyrir daga skipulagðrar
ferðamennsku bar nafnið Knyska-
nes en er nú þekkt um víða veröld
undir nafninu Nordkapp. Það nafn
er reyndar norsk aðlögun enska
heitisins, North Cape, sem enski
könnuðurinn Richard Chancellor
gaf hinu 307 m háa bjargi þegar
hann árið 1553 sigldi fram hjá því
þar sem það skagar út í nyrsta
haf.
Þótt ætla megi að skipaumferð
framhjá Nordkapp aukist til muna
ef Norðaustur-siglingaleiðin
skyldi opnast þá er hún töluverð
nú þegar, enda stórar rússneskar
hafnarborgir þar austur af. Auk
þess gengur Hurtigruten-strand-
siglingaferjan norska allan ársins
hring alla leið norður og austur að
Kirkjunesi við rússnesku landa-
mærin, með viðkomu í öllum
helstu byggðarlögum á hinni löngu
leið um stórskorna strandlengju
Noregs. Að því ógleymdu að fisk-
veiðar eru enn helsta lífsviður-
væri íbúa Finnmerkur og fiskiskip
því mörg, enda gjöful fiskimið á
norðurslóð eins og kunnugt er.
Fyrir Íslendinga í ferðahug er
vert að vita að frá höfninni í Björg-
vin, þar sem Norræna hefur við-
komu í viku hverri, til Nordkapp
eru 2.311 vegkílómetrar. Stór hluti
þessarar vegalengdar er seinfar-
inn, enda er norskt landslag lítt til
landsamgangna fallið. Þeim sem
hafa hug á að ferðast á eigin bíl um Noreg skal því bent á þann
möguleika að leggja hluta leiðar-
innar að baki um borð í Hurtigru-
ten-ferju.
Þá er auðvitað einnig hægt að
fljúga. Næsta flugbraut við Nord-
kapp er við útgerðarbæinn Hun-
angsvog á Magurey (Mageröya).
Þangað er boðið upp á áætlanaflug
á sumrin bæði frá Tromsö („höf-
uðborg Norður-Noregs“) og Osló.
Stærsti bærinn í grennd við Nord-
kapp er annars Hammerfest, en
þar er nú mikill uppgangur vegna
vinnslu jarðgass af Mjallhvítar-
svæðinu svonefnda. Þangað er
hægt að fljúga og leigja bíl til að
aka síðasta spölinn norður eftir og
líta aðra töfra Finnmerkur augum
í leiðinni. Svo sem hreindýrahjarð-
ir sem gjarnan skoppa upp á þjóð-
veginn fyrirvaralaust.
Eins og engum ætti að koma á
óvart þarf ferðamaður á þessar
slóðir að hafa vel þroskað verðþol.
Aki til dæmis tveir fullorðnir
saman í bíl á Nordkapp kostar það
um 9.000 íslenskar krónur bara í
gangatoll og aðgangseyri. Þessi
gjaldheimta bætist semsé ofan á
allan annan kostnað við ferðalagið.
Þeim sem þekkja íslenskt ann-
nesjaloftslag ætti heldur ekki að
koma á óvart, að þótt gott veður sé
inni í landi þá er oft þoka og rok
úti á nyrsta tanga Evrópu. Heim-
sókn þangað svíkur þó engan, enda
er það sérstök tilfinning að hafa
stigið fæti á ystu mörk okkar eigin
heimsálfu, norðan við 71. breidd-
argráðu.
audunn@frettabladid.is
Nánari upplýsingar:
www.reisnordover.no
www.visitnorthcape.com
www.finnmark.com
www.hurtigruten.no
Á norðurodda Evrópu
Knyskanes, eða Nordkapp, er nyrsti oddi Evrópu. Bjargið er 307 metra hátt.
NORDICPHOTOS/GETTY
Skíðaferðir er hægt að fara innanlands í veðurfarinu þessa
dagana. Ekki þarf heldur að leita langt yfir skammt heldur fara á
gönguskíðum í stuttar gönguferðir kringum hverfið.
71°10‘21‘‘N: Gestir á Nordkapp skilja
gjarnan einhver skilaboð eftir sig.
LJÓSMYND/AUÐUNN ARNÓRSSON
- Styrkir bak og kvið
- Aukinn styrk
- Eykur orku og þol
- Losar spennu
- Æfir djúpa öndun
Leitið upplýsinga í síma 895 9016 eða so@hive.is
Nýtt!
Rope yoga Eiðistorgi
Ný námskeið hefjast 3 - 6 mars. 2008
Þráin er fræ sköpunarinnar - Vertu breytingin - Lifðu í núinu
Iðkun Rope Yoga gefur þér: