Fréttablaðið - 01.03.2008, Qupperneq 8

8 1. mars 2008 LAUGARDAGUR
Auglýsingasími
– Mest lesið
KENÍA, AP Stjórnarandstöðuleiðtog-
inn Raila Odinga lýsti í gær yfir að
hann yrði forsætisráðherra í nýrri
samsteypustjórn í Kenía sem muni
binda enda á þau blóðugu átök sem
hafa geisað í landinu frá umdeild-
um kosningum 27. desember síð-
astliðinn. Ekki var greint frá
hvenær Odinga tæki við forsætis-
ráðherraembættinu til að stjórna
landinu við hlið Mwai Kibaki for-
seta en Kibaki sagðist ætla að
kalla saman þingið 6. mars næst-
komandi til að hefja vinnu við þær
stjórnarskrárbreytingar sem til
þarf. Odinga og Kibaki, sem var
endurkjörinn forseti í kosningun-
um, náðu samkomulagi á fimmtu-
daginn með aðstoð Kofi Annan,
fyrrverandi framkvæmdastjóra
Sameinuðu þjóðanna, sem hefur
unnið að því að miðla málum í deil-
unni undanfarinn mánuð.
Odinga sakaði Kibaki um að
hafa staðið fyrir umfangsmiklu
kosningasvindli og Kibaki sakaði
Odinga um slíkt hið sama. Deil-
urnar um úrslit kosninganna
leiddu til átaka víða um Kenía,
sem hefur verið eitt stöðugasta
ríki álfunnar. Yfir þúsund manns
hafa fallið í átökunum og 600.000
flúið heimili sín.
Mikið af átökunum átti sér stað
milli ættbálka þar hinn valdamikli
Kikuyu-ættbálkur, sem Kibaki til-
heyrir, hefur átt í útistöðum við
flesta aðra ættbálka landsins.
Stjórnmálamenn hafa einnig verið
sakaðir um að kynda undir ófriðar-
bálinu. Fyrsta stóra verkefni
nýrrar samsteypustjórnar verður
að koma á friði í landinu og
afvopna hópa sem hafa gengið
harðast fram í átökunum undan-
farnar níu vikur.
Odinga sagðist í samtali við AP
fréttastofuna í gær viss um að
þetta samkomulag héldi og að
hann byggist ekki við því að Kibaki
„gengi á bak orða sinna“.
sdg@frettabladid.is
Samið um
frið í Kenía
Eftir níu vikna ófrið í Afríkuríkinu Kenía eru horfur
á friði. Stjórnarandstöðuleiðtoginn Raila Odinga
verður forsætisráðherra við hlið Mwai Kibaki forseta.
SAMKOMULAG UM SAMSTEYPUSTJÓRN Mwai Kibaki og Raila Odinga skrifuðu undir
samkomulagið undir vökulu auga Kofi Annan, fyrrverandi framkvæmdastjóra Sam-
einuðu þjóðanna. NORDICPHOTOS/AFP
TRÚMÁL Íslamstrú og heimi mús-
lima hefur verið ranglega lýst í
fjölmiðlum vesturlanda. Lykillinn
að skilningi og friði milli ólíkra
trúar- og menningarhópa í
sí minnkandi heimi nútímans er að
sýna vilja til að kynnast náungan-
um fordómalaust. Þetta segir
íslamsfræðingurinn dr. Mohamad
Bashar Arafat, sem jafnframt er
imam eða safnaðarformaður mús-
limasöfnuðar í Maryland í Banda-
ríkjunum.
Arafat, sem er af sýrlenskum
uppruna en flutti vestur um haf
fyrir um fimmtán árum, flutti í
gær erindi um íslamska guðfræði í
Háskóla Íslands en hann mun í
hádeginu í dag fjalla um líf mús-
lima í Bandaríkjunum á málfundi á
vegum ungliðahreyfinga stjórn-
málaflokkanna. Fundurinn verður
á kaffihúsinu Sólon.
Arafat er stofnandi og stjórn-
andi samtaka sem á ensku kallast
Civilizations Exchange and
Co operation Foundation (CECF),
en markmiðið með starfsemi þeirra
er að stuðla að auknum skilningi
milli ólíkra trúarhópa og forða því
að trúarbragðadeilur leiði til átaka.
Arafat er nýkominn úr ferð á
vegum samtakanna með bandarísk
ungmenni til Jórdaníu og Egypta-
lands. Hann gerir sér líka vonir um
að Íslendingar sýni því áhuga að
taka þátt í að kynna sér líf og við-
horf fólks í múslimalöndum. Það
geti þeir til dæmis gert með því að
taka þátt í starfi CECF. - aa
MOHAMED BASHIR ARAFAT Boðar sam-
lyndi trúarhópa. FRÉTTABLAÐIÐ/STEFÁN
Sýrlensk-bandarískur íslamsfræðingur fjallar um hagi múslima í Bandaríkjunum:
Stuðlað að skilningi trúarhópa