Fréttablaðið - 01.03.2008, Blaðsíða 102

78 1. mars 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT
2. steypuefni 6. tveir eins 8. mjöl 9.
struns 11. leita að 12. ull 14. leiðsla
16. tveir eins 17. utan 18. umfram 20.
tveir eins 21. sæla.
LÓÐRÉTT
1. mjög 3. 999 4. peningagræðgi 5.
rá 7. dráttur 10. ætt 13. rotnun 15. sál
16. efni 19. mun.
LAUSN
LÁRÉTT: 2. gifs, 6. ff, 8. mél, 9. ark,
11. gá, 12. reyfi, 14. snúra, 16. tt, 17.
inn, 18. auk, 20. dd, 21. unun.
LÓÐRÉTT: 1. afar, 3. im, 4. fégirnd,
5. slá, 7. frestun, 10. kyn, 13. fúi, 15.
anda, 16. tau, 19. ku.
„Já, það hefur heldur betur geng-
ið vel. Og við erum ekki byrjuð
að kynna þetta neitt,“ segir Birna
Guðmundsdóttir, markaðsstjóri
Iceland Express. Nokkur hundr-
uð miðar hafa þegar selst á tón-
leika Bubba Morthens í Kaup-
mannahöfn í október á þessu ári.
Sala hófst á fimmtudag og segir
Birna að þau verði vör við mikinn
áhuga Íslendinga á tónleikunum.
„Það hefur mikið verið hringt í
okkur og fólk sendir tölvupóst
með fyrirspurnum. Þetta eru
bæði hópar, fyrirtæki og ein-
staklingar,“ segir Birna. Þeir
miðar sem nú eru til sölu eru
pakkaferðir með flugi, hóteli og
miða á tónleikana. Um er að ræða
bestu sætin á tónleikunum. Þegar
er farið að styttast í að pakka-
ferðirnar seljist upp. Almenn
miðasala hefst síðar.
Tónleikar Bubba í Kaupmanna-
höfn verða 18. október í Falconer-
salen sem er 2.200 manna salur á
Fredriksberg.
Nokkrir íslenskir listamenn
munu hita upp fyrir Bubba en
ekki fæst uppgefið að svo stöddu
hverjir þeir eru. Bubbi hefur
sjálfur sterk tengsl við Dan-
mörku.
Móðir hans var dönsk og Bubbi
hefur margoft spilað á tónleikum
í Danmörku. Þetta verða hins
vegar langstærstu tónleikar hans
þar í landi til þessa. - hdm
Ótrúleg eftirspurn á Bubba í Köben
KÓNGURINN Í KÖBEN Bubbi Morthens heldur stórtónleika í Kaupmannahöfn í októ-
ber. Rífandi sala hefur verið á pakkaferðum með Iceland Express á tónleikana.
FRÉTTABLAÐIÐ/GVA
Dansþyrstum Íslendingum gefst
kostur á að spreyta sig á milli-
stríðsáradansinum Lindy hop um
helgina. Félagsskapur að nafni
Lindy Ravers stendur fyrir nám-
skeiði um helgina, og á sunnu-
dagskvöld verður blásið til dans-
leiks í Iðnó við undirleik
Stórsveitar Suðurlands.
Hakan Durak er einn stofnenda
Lindy Ravers, sem leit dagsins
ljós fyrir ári. „Ég er búinn að
dansa Lindy hop í tvö ár og sann-
færði eiginlega vini mína um að
læra. Við vorum sex til að byrja
með, en nú eru um þrjátíu manns
í hópnum,“ útskýrir Hakan, sem
hefur spreytt sig á ýmsum dans-
stílum í gegnum tíðina. Hann er
fæddur og uppalinn í Tyrklandi,
þar sem hann dansaði lengi tyrk-
neska þjóðdansa. „Ég prófaði líka
smá tangó og salsa, og svo upp-
götvaði ég þennan dans á
youtube,“ segir Hakan, sem hefur
ekki litið um öxl síðan. „Þetta er
bara eins og fíkniefni, það er ekki
hægt að hætta,“ segir hann og
hlær við. Hakan hefur sótt fjölda
námskeiða utan landsteinanna, en
um helgina kemur hins vegar
einn færasti Lindy hop dansari
Bandaríkjanna hingað til lands.
Hakan segir fólk ekki þurfa að
hræðast dansinn. „Stelpurnar eru
að vísu svolítið í því að fljúga, en
það er ekki fyrr en maður er kom-
inn aðeins lengra. Það má líka
kalla þetta swingdans,“ segir
hann.
Upplýsingar um námskeiðin
um helgina er að finna á heima-
síðunni www.lindyravers.com.
Dansleikurinn í Iðnó hefst um
klukkan átta, en áður verður farið
í grunnspor dansins. Hann er
einnig opinn þeim sem bara vilja
hlusta á stórsveitina. Frekari upp-
lýsingar er að finna á heimasíðu
hópsins. - sun
Millistríðsárastemning í Iðnó
LINDY HOP Félagsskapurinn Lindy
Ravers og Stórsveit Suðurlands blása til
Lindy hopp dansleiks í Iðnó á sunnu-
dag, þar sem fólki gefst kostur á að
spreyta sig á millistríðsáradansinum.
Örlygur Smári
Aldur: 36 að verða 37.
Starf: Hljóð- og tónlistamaður.
Fjölskylda: Giftur með þrjú börn.
Foreldrar: Jakob Smári, prófessor
í sálfræði, og Malin Örlygsdóttir,
fyrrverandi verslunarkona.
Búseta: Kópavogur.
Stjörnumerki: Krabbi.
Örlygur Smári (Smári er ættarnafn)
samdi Eurovisionlag Íslands í ár, This Is
„Ég ætla ekki að bera þetta upp
opinberlega en mun ræða þetta við
æðstu yfirmenn þegar tími gefst
til,“ segir Jónatan Garðarsson um
yfirlýsingu Gay Pride þar sem
samkynhneigðir og transgender-
fólk eru hvött til að fara ekki á
Eurovision í Serbíu vegna land-
lægs ofbeldis í þeirra garð. Jónat-
an fer á fund með aðstandendum
keppninnar í Zagreb hinn 17. mars
og ætlar að fara yfir stöðu mála
með æðstu mönnum.
Jónatan viðurkennir hins vegar
að yfirlýsingin komi honum nokk-
uð á óvart og bendir á að sigurveg-
ari síðasta árs, söngkonan Marija
Serifovic, hafi meðal annars lýst
yfir samkynhneigð sinni. „En þetta
er vissulega nokkuð sem má ræða
þótt það verði ekki gert á opinber-
um vettvangi,“ segir Jónatan en
Friðrik Ómar Hjörleifsson, annar
söngvari Eurobandsins, hefur
talað opinberlega um samkyn-
hneigð sína í fjölmiðlum.
Jónatan fer fyrir Eurovision-
hópnum á ný eftir ársfjarveru
vegna meiðsla. Og segir að árið líti
út fyrir að vera ár hinna föllnu.
Vísar þar meðal annars til Guð-
mundar Þ. Guðmundssonar sem
tekinn er við íslenska landsliðinu í
handknattleik á ný. Jónatan glímdi
við erfitt brjósklos í baki og missti
um tíma mátt í vinstri fæti. Hann
hefur verið í erfiðri endurhæfingu
undanfarið eitt og hálft ár og seg-
ist enn eiga gott ár eftir í slíkum
æfingum. „Annars er maður bara
alltaf jafngóður, ég man ekkert
hvernig ég var en ég veit hvernig
ég er núna,“ segir Jónatan, sem er
þekktur útivistarkappi en verður
að notast við tvo stafi þegar hann
fer utan vegar. „Ég get alveg misst
máttinn og styð mig þá við stafina.
Brjósklosið skemmdi taug sem
liggur í lærvöðvann og ég er enn
tilfinningalaus í hnénu,“ segir
Jónatan, sem vann þó bakvið tjöld-
in í fyrra eins og góðra þjálfara er
siður.
Jónatan segir að aðstandendur
keppninnar leggi mikið upp úr
öryggismálum, þeir séu metnaðar-
fullir og geri sér fyllilega grein
fyrir því að keppnin sé kærkomið
tækifæri til að bæta ímynd sína á
opinberum vettvangi. „Eurovision
hefur líka verið haldið áður á
róstusömum tímum; í Úkraínu
þegar appelsínugula byltingin
braust út,“ útskýrir Jónatan.
„Gæslan verður gríðarlega mikil,
óeinkennisklæddir lögregluþjónar
fylgjast vel með öllum keppendum
og yfirstjórn EBU er búin að gefa
út yfirlýsingu um að allt verði með
felldu. Ég veit fyrir víst að örygg-
isgæslan verður alveg pottþétt
enda er hún eitt af forgangsatrið-
um Serba fyrir þessa keppni,“
segir Jónatan.
freyrgigja@frettabladid.is
JÓNATAN GARÐARSSON: SNÝR AFTUR Í EUROVISION EFTIR ERFIÐ MEIÐSL
Kannar aðstæður fyrir
Eurobandið í Serbíu
ERFIÐ MEIÐSL Brjósklosið olli því að Jónatan Garðarsson missti allan mátt í vinstri
fæti. Hann hefur nú verið í endurhæfingu í rúmt ár. FRÉTTABLAÐIÐ/STEFÁN
Mikið verður um
dýrðir hjá Finni
Ingólfssyni,
fyrrum ráðherra og
seðlabankastjóra,
um helgina. Finnur
hefur nýlokið við
byggingu glæsi-
legs sumarhúss
í Rangár-
vallasýslu og
hyggst halda reisugilli fyrir vini og
vandamenn. Óstaðfestar fregnir
herma að yfir þrjú hundruð gestum
sé boðið til veislunnar.
Verslunin Hobby Room var opnuð
á fimmtudag. Í versluninni eru seld
sérstök pókerspilaborð og annar
varningur til að spila póker eins
og atvinnumenn gera. Alþingis-
maðurinn Birkir Jón Jónsson var
sérstaklega boðinn í opnun versl-
unarinnar, en talsvert
hefur verið fjallað um
þátttöku hans í póker-
spilum síðustu daga.
Birkir lét ekki sjá sig við
opnunina en aðstand-
endur verslunarinn-
ar segja hann
þó velkominn
hvenær sem er.
Borgarfulltrúi Samfylk-
ingarinnar, Oddný
Sturludóttir, nýtti sér
aldagamla hefð og
bar fram bónorð til
unnusta síns, Hall-
gríms Helgasonar,
á hlaupársdag
í gær. Oddný
nýtti sér blogg
sitt á Eyjunni
til þess og þurfti því ekki að skella
sér á skeljarnar. Samkvæmt frétt
Vísis var Hallgrímur hins vegar ekki
á landinu heldur staddur
í Lettlandi og hafði
ekki séð bónorðið
en hann gæti þá
vafalítið nýtt sér
athugasemdakerfið til
að svara sinni
heittelskuðu.
- hdm/fgg
FRÉTTIR AF FÓLKI