Fréttablaðið - 04.03.2008, Page 24

4. MARS 2008 ÞRIÐJUDAGUR2 ● fréttablaðið ● verktakar
Girðir ehf. er, eins og nafnið vísar til,
girðingafyrirtæki. Það sérhæfir sig í
öllum tegundum girðinga en vítt og
breytt um landið, bæði í sveit og bæ,
má sjá girðingar sem Girðir hefur sett
upp.
„Við sérhæfum okkur í girðingum sama
hvaða nafni þær nefnast,“ segir Árni Garð-
ar Svavarsson, framkvæmdastjóri Girð-
is og einn af eigendum fyrirtækisins. „Það
eru hefðbundnar net- og rafmagnsgirðingar
til sveita, öryggis- og timburgirðingar, akst-
urshlið af öllum stærðum og gerðum, skjól-
veggir og pallar í kringum hús og síðast en
ekki síst þá merkjum við göngustíga með
stikum.“
„Göngustígamerkin með stikum er alveg
sér kapítuli í rekstri Girðis. Við höfum á
undanförnum árum verið að merkja göngu-
stíga fyrir Ferðamálasamtök Suðurnesja.
Númeraðar stikur eru merktar með nafni
göngustígsins og þær eru enn fremur allar
hnitsettar í GPS-kerfinu,“ segir Árni. Þess-
ar upplýsingar eru skráðar inn í gagna-
grunn hjá Neyðarlínunni (112) og gera það
að verkum að ef þeir sem eru á ferð um
merktan stíg og þurfa á aðstoð að halda,
þurfa aðeins að gefa upp nafn stígsins og
númerið á þeirri stiku sem er næst og þá
getur Neyðarlínan staðsett viðkomandi með
einföldum hætti. „Ég á mér þann draum að
hægt verði að setja upp svona heildstætt
kerfi, tengt Neyðarlínunni, sem nái til allra
merktra gönguleiða á Íslandi,” segir Árni.
Girðir er með tvær starfstöðvar aðra í
Mosfellsbæ og hina á Akureyri. „Það er
alltof langt að sækja héðan frá Mosfells-
bæ þegar við erum að vinna á Norður- og
Austurlandi og þess vegna er það ótvíræð-
ur kostur að geta líka gert út frá Akureyri,”
segir Árni.
Fyrirtækið starfar allan ársins hring, en
eins og gefur að skilja er háannatíminn frá
vori og þar til snemma vetrar. Yfir hávet-
urinn eru umsvifin hins vegar lítil. „Núna
erum við strax farnir að girða af fullum
krafti.
Með þeim tækjum og tólum sem við
höfum er ekkert mál þótt jörðin sé freð-
in,“segir Árni.
Við spurningu blaðamanns hvort þeir not-
ist enn við sleggjur og skóflur hlær Árni
við. „Ég segi nú oft að það hafi ekki sést
sleggja hjá fyrirtækinu í tíu ár, en hún er
reyndar til. Við erum hins vegar með tvær
fimm tonna gröfur, vörubíl og átta sexhjól,
þar af þrjú sem jaðra við að vera bílar. Það
eina sem vantar er að þau eru ekki með
húsi.“
Árni segir að undanfarið hafi aukist mjög
uppsetning á rafgirðingum. En þá eru raf-
magnsvírar einfaldlega strengdir og síðan
festir við staura. „Staurarnir eru ýmist
plast-, tré- eða járnstaurar. Svo setjum við
upp mikið af öryggisgirðingum sem steypt-
ar eru niður,“ segir Árni sem er að fara upp
í Kjós eftir helgi ásamt mannskapnum til
þess að reisa þar rafmagnsgirðingu. Girðir
ehf. er nú á sínu þrettánda starfsári og geng-
ur reksturinn vel. Fastir starfsmenn fyrir-
tækisins eru fimm og hafa þeir rétt tæplega
fimmtíu ára starfsreynslu í sínu fagi. -nrg
Girðingavinna allt árið um kring
Girt er árið um kring enda lítið mál að koma niður staurum í gaddfreðna jörð með þeim tækjum og tólum
sem Girðir ehf hefur yfir að ráða. Hér er Árni Garðar Svavarsson eigandi fyrirtækisins við störf í snjónum.
FRÉTTABLAÐIÐ/GVA
Nýlega voru teknar fyrstu
skóflustungurnar að byggingu
Hljómhallarinnar í Reykjanes-
bæ. Að viðstöddum fulltrúum
Reykjanesbæjar og annarra
aðila sem eiga þátt í byggingu
hallarinnar voru það Ragn-
heiður Skúladóttir tónlist-
arkennari, Böðvar Jónsson,
formaður bæjarráðs, og Rúnar
Júlíusson sem munduðu skófl-
urnar.
„Það er verið að breyta gamla
Stapa og byggja við hann,“ útskýr-
ir Samúel Guðmundsson, einn af
forráðamönnum framkvæmdar-
innar og starfsmaður THG Ar-
kítekta. „Stapinn sjálfur verð-
ur allur tekinn í gegn að innan en
samt haldið í upprunalegt útlit
hans enda vilja menn ekki missa
sögufræg tengsl bæjarins við
þennan stað. Svo verður hugað
sérstaklega að hljóðvist.“ Stapinn
mun áfram gegna sínu gamla hlut-
verki sem tónlistarhús. Í viðbygg-
ingunni verður svo tónlistarskóli
og poppminjasafn, en einnig verð-
ur gert ráð fyrir aðstöðu til ráð-
stefnuhalds.
„Fyrst og fremst er hugmyndin
sú að byggja þarna tónlistarskóla,“
segir Samúel. „Aðalmálið verður
að sameina þessa tvo tónlistarskóla
sem starfa í Reykjanesbæ í sama
húsið. Þeir voru reyndar sameinað-
ir í rekstri en hafa verið á tveimur
stöðum. Það er mikil tónlistarhefð
í Reykjanesbæ, hefur verið það til
fjölda ára og ásóknin er mikil í tón-
listarnám.“ Poppminjasafn Íslands
hefur verið starfrækt í Reykja-
nesbæ í nokkur ár en á nú að fá al-
mennilegt húsnæði. Hlutverk þess
er að segja sögu poppsögu Íslands
og bjarga ómetanlegum menning-
arverðmætum frá glötun. Vonast
er til að það að dragi til sín ferða-
menn og aðra sem vilja kíkja við í
bænum.
En það eru margir sem vinna að
byggingu hljómhallarinnar enda
um stórt verkefni að ræða segir
Samúel: „Arkitektinn er Guð-
mundur Jónsson hjá Arkitektkont-
or í Noregi, verkfræðingar eru frá
VGK hönnun sem sér um lagn-
ir, þeir sem eru með hljóðhönn-
un eru á Verkfræðistofu Sigurðar
Thoroddsen í samstarfi við Stefán
Einarsson, Landslag sér um lóðar-
hönnun, Þróun og ráðgjöf er með
verkefnisstjórnun heildarverk-
efnisins og THG Arkitektar sjá
um verkefnisstjórnun bygginga-
framkvæmda.“
Nýlega var gerður samningur
við Atafl um bygginguna og verða
þeir aðalverktakar í verkinu. Þó
verður gert ráð fyrir að bjóða út
alla þætti eins og lagnavinnu og
rafmagnsvinnu sameiginlega af
verkkaupa og verktaka.
Heildarkostnaður við fram-
kvæmdina er 1.300 milljónir króna
og á húsið að vera tilbúið fyrir
skólaárið 2009, en gert er ráð fyrir
að Hljómhöllin verði vígð form-
lega á Ljósanótt það sama ár. - nrg
Margslungin Hljómhöll í Reykjanesbæ
Stapi eins og hann kemur til með að líta út.
Í Hljómhöllinni verður til hús, tónlistarskóli og poppminjasafn. Þar verður einnig
hægt að halda tónleika. Ómar Örn verkstjóri fylgist grannt með verkefninu.
Stapi er fornfrægur staður og verður reynt að halda í upprunalegt útlit að einhverju
leyti. MYND/ ÞORGILS JÓNSSON