Fréttablaðið - 04.03.2008, Síða 26

4. MARS 2008 ÞRIÐJUDAGUR4 ● fréttablaðið ● verktakar
Verkefnin hjá Umhverfisprýði
eru fjölbreytt, allt frá hellu-
lögnum, vegghleðslum og
sólpallasmíði til almennrar
jarðvegsvinnu.
„Á vetrum jafnt sem sumrum
smíðum við sólpalla og grind-
verk,“ segir Kristinn Ólafsson hjá
Umhverfisprýði, sem sér um allt
sem snýr að umhverfinu í kring-
um húsbyggingar fyrirtækja,
stofnana og heimila. Kristinn
segir að garðvinna sé langt frá því
að vera bara sumarvinna. Starfs-
menn fyrirtækisins séu fjölhæfir
enda hafa þeir mikla reynslu á
sviði garðvinnu. Hellulagnir, tré-
verk, útiljós og allur frágangur er
þeirra sérsvið.
Fyrirtækið Umhverfisprýði á
sér 25 ára sögu, en á heimasíðunni
www.umhverfisprydi.is er hægt
að nálgast myndir af verkum
fyrirtækisins. Húsdýragarðurinn
í Laugardal er eitt þeirra. „Við
getum boðið viðskiptavinum
okkar að sjá um „allan pakkann“.
Allt frá því að skipta um jarðveg
fyrir hellulagnir eða útvega sér-
hæfða aðila, eins og pípulagn-
ingamenn, garðhönnuði og arki-
tekta. Við gerum fólki tilboð og
það að sjálfsögðu án allra skuld-
bindinga.“
Stanislas Bohic er sá garðhönn-
uður sem þeir hjá Umhverfis-
prýði hafa starfað mikið með um
árin. Ef um er að ræða teikningar
frá garðhönnuðum og arkitektum
getur tilboðsgerðin tekið aðeins
lengri tíma. Kristinn tekur fram
að þeir í Garðdeildinni í Mest hafi
einnig verið hugmyndaríkir hvað
varðar allar nýjungar á markaðn-
um. „Margar nýjungar hafa komið
á markaðinn undanfarin ár, eins
og ýmis lögun og gerð af hellum.
Eitt af því eru forsteyptar eining-
ar eins og forsteyptir sökklar, út-
veggir, stoðveggir og kantsteinar.
Skrautsteinar úr marmara geta
verið skemmtileg viðbót í garðinn
og henta þeir vel í blómabeð.“
„En að mörgu þarf að huga þegar
leggja á hellur fyrir framan mann-
virki. Huga þarf að niðurföllum og
réttum halla í landinu. Undirlag
eins og möl og sandur þarf að vera
í réttum hlutfjöllum.“ Kristinn
nefnir sérstaklega að mikilvægt sé
að jarðvegurinn sé frostfrír áður en
sjónbræðslukerfið er lagt. „Allur
frágangur, eins og rétt útfærsla á
lýsingu, getur skipt sköpum þegar
á heildina er litið,“ bendir Kristinn
á að lokum. - vg
Garðvinna um vetur
Kristinn Ólafsson hjá Umhverfisprýði segir garðvinnu stundaða allan ársins hring.
FRÉTTABLAÐIÐ/GVA
Burðarbitar frá Kerto-límtrjám
eru notaðir í margar nýbygg-
ingar í dag. Meðal annars í þak
Grand Hótels.
Burðarbitar eiga það til að taka
allt of mikið pláss við húsbygg-
ingar og gjarnan reynist þraut-
in þyngri að koma þeim fyrir, sér-
staklega þar sem erfitt er að koma
fyrir krana. „Kerto-límtréð er svo
mikið meðfærilegra en stálbit-
ar eða aðrir sambærilegir burð-
arbitar,“ segir Steingrímur Ólafs-
son, markaðsstjóri hjá TM Mos-
fell sem flytur inn og selur efnið.
„Þegar burðarbitarnir eru þetta
mikið léttari þá losna húsbyggj-
endur líka við óþarfa burðarsúl-
ur og klæðningu sem stálbitarnir
þurfa á að halda.“
Samkvæmt heimasíðu TM Mos-
fell er Kerto-límtréð byggingar-
efni framtíðarinnar og kannski er
það ekki orðum aukið því kostirn-
ir eru margir. Samkvæmt Stein-
grími er brunaþol efnisins mun
hærra en á sambærilegum bitum,
eins er umgengni og öll vinna með
það auðveldari. „Við seljum öllum
stærstu verktökunum og þetta er
notað í flestar nýbyggingar í dag,
þetta er til dæmis í húsi KB banka
og er notað í öllu þakinu á hinu nýja
Grand Hóteli í Reykjavík svo fátt
eitt sé nefnt.“
Kerto er framleitt hjá Finnforest
í Finnlandi og hefur þá eiginleika
fram yfir annað límtré að trefjarn-
ar í viðnum liggja allar eftir lengd
bitans sem kallar fram hámarks-
burðarþol efnisins. Með því að
nota þriggja millimetra límingar-
lög verður tréð kvistalaust sem er
enn ein ástæða þess að efnið heldur
þeim styrk sem lýst er. Að auki er
hægt að nota efnið í milligólf. Kost-
irnir við það er að Kerto er þunnt og
tekur þannig minna pláss í uppsetn-
ingu sem er mikill kostur við lagn-
ingu milligólfa.
Frá árinu 1995 hefur TM Mosfell
haft efnið nánast stöðugt á lager.
„Það er alltaf hægt að nálgast efnið
hjá okkur því við höfum nóg af því
í vöruskemmu okkar í Sandgerði,
það er ekki nema í örfáum tilfell-
um sem við sérpöntum ef um um-
talsvert magn er að ræða.“ Stein-
grímur telur að í nánast öllum til-
fellum skili efnið sínu hlutverki
eins vel og mögulegt er og að allir
þeir sem reynslu hafa af notkun
þess séu hæstánægðir. „Það er erf-
itt að benda á eitthvað slæmt því
að í flestum tilfellum kemur Kerto
betur út í samanburði við alla sam-
bærilega vöru.“
Lengdin getur verið allt að 23
metrar sem gerir það að verkum að
hægt er að byggja yfir lengra svæði
og auk þess getur miðjufjarlægðin
verið meiri, bæði í burðar- og þak-
grindum. Efnið er sagt hafa tuttugu
prósenta meira brotþol og sextán
prósenta meira eldþol en hefðbund-
ið límtré samkvæmt heimasíðu TM
Mosfell. Svo er einnig athugandi
fyrir húseigendur að það lítur tals-
vert betur út en hinir fyrirferðar-
miklu stálbitar. - kik
Finnsk gæðavara í burðinn
Kerto-límtré var meðal annars notað
við byggingu á þaki Grand Hótels í
Reykjavík.
Trefjarnar í viðnum liggja allar eftir
lengd bitans sem kallar fram hámarks-
burð efnisins.
Steingrímur Ólafsson, markaðsstjóri TM Mosfell, og Pavel Landry fara yfir lagerstöð-
una. MYND/KRISTJÁN KRISTJÁNSSON
60% MARKAÐSHLUTDEILD Á ÍSLANDI ÁRIÐ 2004
MANITOU skotbómulyftarar - Þarfur þjónn, sem uppfyllir ströngustu gæði og væntingar þeirra kröfuhörðustu.
HANN ER GRIMMUR!
MANITOU MLT 634 TURBO INTERCOOLER
- VIÐURKENND VARAHLUTAÞJÓNUSTA í 44 ár
- Útvegum notaða skotbómulyftara
- Úrval notaðra lyftara á lager
Fjórhjóladrifinn
Fjórhjólastýrður
Lyftigeta: 3.400 KG
Lyftihæð: 6.050 MM
Gafflar: 1.200 MM
Vél: Perkins Turbo intercooler, 123 HÖ
LOAD SENSING!! Samtímis glussahreyfingar
án aukins snúningshraða vélar.
SKOTBÓMULYFTARI
PON PÉTUR O. NIKULÁSSON ehf.
Melabraut 23 • 220 Hafnarfjörður
Símar 552 2650 & 552 0110 • FAX: 552 1588 • e-maiL: pon@pon.is