Fréttablaðið - 04.03.2008, Síða 32

4. MARS 2008 ÞRIÐJUDAGUR10 ● fréttablaðið ● verktakar
Stálsmiðir hafa jafnan verið álitnir karlar í
krapinu. Plötu- og ketilsmiðir er þó „rétta“
heitið yfir þá sem leggja stund á þessa
starfsgrein.
Guðbjartur Þór Sævarsson er handlaginn á sínu sviði.
„Í sumar vann ég með tveimur mönnum sem voru
svona ekta stálkarlar af gamla skólanum; stórir og
miklir, með þykkar hendur, gengu rólega til starfa og
unnu jafnt og þétt án þess að vera með nokkurn skark -
alahátt,“ segir Guðbjartur. „Þetta voru ekta stáltýpur
sem mikið var af á gullöld stálsmiðanna, sennilega um
1960, á síldarárunum, þá voru þeir allstaðar úti um
hvippinn og hvappinn.“
Þó Guðbjartur hafi ekki verið stálsmiður í gamla
daga saknar hann samt tímanna. „Þá,“ segir hann,
„vönduðu menn sig rosalega og hlutir voru byggðir
til að endast. Þá tók kannski mánuð að smíða það sem
tekur viku í dag.“
Guðbjartur, eða Batti eins og hann er iðulega
kallaður af vinnufélögunum, segir það krefjast mikils
tækjakosts að geta smíðað úr stáli og ekkert verkfæri
sé mikilvægara en annað, sama hve mikið það kostar.
„Við notum til dæmis suðuvélar, borvélar, sax og
beygjuvélar. Týpískt verk fer þannig fram: ég saxa
niður, eða klippi, risastórar plötur í ákveðna stærð.
Síðan fer ég í beygjuvélina og beygi eitthvað. Loks sýð
ég það saman,“ segir Guðbjartur.
En hver er mikilvægasti eiginleiki góðs plötu- og
ketilsmiðs? „Þolinmæði,“ segir Guðbjartur ákveðinn
og með ströngu augnaráði. „Af hverju? Það er góð
spurning. Því að þú getur ekki flýtt því sem þú gerir
nema með lélegum vinnubrögðum. Þetta er mikil
nákvæmnisvinna, þó hún sé stundum lögð fyrir róða
nú til dags,“ segir Guðbjartur og hristir hausinn.
Að sögn Guðbjarts eru fáir sem fara í fagið í dag. En
hann tekur fram að starfið sé gott fyrir þá sem hafa
áhuga á að búa eitthvað til með höndunum. „Eins og
mér var sagt af tengdaföður mínum fyrrverandi fyrir
löngu síðan, sem var stál smiður sjálfur: „skítadjobb“.
Það var of seint, ég var búinn að fá sveinsprófið,“
segir Guðbjartur glettinn og bætir við að sér finnist
skemmtilegast þegar gamlir karlar komi til sín með
gömlu pottana sem þeir vilji fá lagaða. „Þeir koma
meira að segja með sleifar. Mér finnst það æðislegt!“
sagði Guðbjartur. -nrg
Þolinmæði er mikilvæg-
asti eiginleiki stálsmiða
Guðbjartur Þór Sævarsson, plötu- og ketilsmiður, við vinnu
sína. FRÉTTABLAÐIÐ/STEFÁN
 




   


 

    
  
   ! " # $ %&'  Meirapróf
Upplýsingar og innritun í síma 567 0300
Næsta námskeið byrjar 5. mars
Akralind 4, 210 Kópavogur - Sími 544 4656 - Fax 544 4657 - email: mhg@mhg.is - www.mhg.is
K 750
K 1250
K 2500
K 3600
DM 230
HP 40 Bensínglussa dæla
Kjarnaborar Steinsagarblöð
Husqvarna construction Products
steinsagir, kjarnaborvélar, gólf og vegsagir