Fréttablaðið - 13.03.2008, Blaðsíða 22

22 13. mars 2008 FIMMTUDAGUR
hagur heimilanna
Útgjöldin
> Strætisvagnafargjald fullorðinna í Reykjavík, einn miði:
HEIMILD: HAGSTOFA ÍSLANDS OG STRAETO.IS
Framboðsfrestur vegna formannskjörs í Neytendasamtökunum
rann út um síðustu mánaðamót, samkvæmt því sem fram kemur á
vefsíðu Neytendasamtakanna. Eitt framboð barst og var það
frá núverandi formanni samtakanna, Jóhannesi Gunnarssyni.
Jóhannes er því sjálfkjörinn sem formaður Neytendasam-
takanna fyrir næsta kjörtímabil 2008-2010 en kjörtíma-
bilið hefst á næsta þingi Neytendasamtakanna upp úr
miðjum september.
■ Neytendasamtökin
Jóhannes Gunnarsson sjálfkjörinn
Vöruverð á að vera rétt í auglýsingum og samræmi þarf að vera á milli myndar
og verðs svo ekki sé brotið í bága við ákvæði laga um eftirlit með óréttmætum
viðskiptaháttum og gagnsæi markarðins. Verð í auglýsingum og bæklingum er
hins vegar ekki bindandi.
Sé vara auglýst á of lágu verði, til dæmis vegna prentvillu, á neytandi ekki rétt
á að fá vöruna á því verði ef seljandi upplýsir um villuna áður en viðskiptin eiga
sér stað. Það er því ekki hægt að krefjast þess að kaupa vöru eða þjónustu á
verði sem fram kemur í auglýsingu. Að gefa upp rangt verð af ásetningi brýtur
þó í bága við lög og getur neytandinn krafist bóta. Ekki er gerð krafa um að
verð komi fram í auglýsingum. Sé verð gefið upp þarf auglýst verð að vera end-
anlegt verð til neytenda. Þetta þýðir að virðisaukaskattur á að vera innifalinn í
auglýstu verði. Sé vara auglýst með afborgunarkjörum á bæði staðgreiðsluverð
og heildarverð með vöxtum og kostnaði að koma fram.
■ Verð í auglýsingum
Ekki hægt að krefjast prentvilluverðs
„Þessi tækni fer vaxandi hér á landi þótt enn sem
komið er sé hún ekki mikið notuð,“ segir Þuríður
Hjartardóttir, framkvæmdastjóri Neytendasamtak-
anna, um örmerkjatæknina RFID sem sífellt er meira
notuð um heiminn.
Tæknin, sem á ensku kallast Radio Frequence
Indentification, byggist á litlum merkjum í eða utan á
vörum eða kortum sem gerir fólki kleift að rekja
hvert stykki sérstaklega. Þannig er auðvelt að ganga
úr skugga um framleiðsludag, uppruna vöru eða
hegðunarmynstur manneskja sem notar tæki sem
innihalda þessi örmerki. Þuríður segir að vaxandi
notkun þessara merkja kalli á ýmsar spurningar sem
varði friðhelgi einkalífs. Nefnir hún sem dæmi að á
Englandi sé þessi merki að finna í sumum lestarmið-
um og því hægt að rekja ferðir fólks. Þá hafi merkjun-
um einnig verið komið fyrir í sumum greiðslukortum
á Spáni og þá er hægt að fylgjast með neysluvenjum
eigenda kortanna.
„Þessi tækni getur verið mjög hentug en fólk
verður að vera upplýst um að slík merki séu í tækjum
eða vörum sem það notar og vita hvað er hægt með
henni,“ segir Þuríður og bendir á að sé slík flaga í
greiðslukortum þurfi þjófar ekki annað en að ganga
með RFID-lesara til að komast að fullu nafni eigenda
kortanna og kortanúmeri. Hún segir að það sé þó bót í
máli að nú vinni Evrópusambandið að reglugerð um
tæknina sem eigi meðal annars að stuðla að friðhelgi
einkalífs fólks og sjá til þess að neytendur séu
upplýstir um hvaða möguleikum þau búa yfir. - kdk
Mikilvægt að neytendur séu vakandi yfir möguleikum örtæknimerkja:
Fylgst með ferðum og innkaupum
NEYTENDUR VERÐA AÐ VITA HVAÐ BÝR Í TÆKNINNI Þuríður
Hjartardóttir, framkvæmdastjóri Neytendasamtakanna, segir
örtæknimerkin RFID lítið notuð hér á landi. FRÉTTABLAÐIÐ/PJETUR
„Ég geri góð kaup í hverjum einasta
mánuði þegar ég greiði lítinn fjögur
hundruð kall fyrir að vera með
aðgang að vefbókum Eddu,“ segir
Kristrún Heiða Hauksdóttir, kynningar-
stjóri Þjóðleikhússins.
Kristrún kveðst alltaf hafa verið
löt við að fletta upp í orðabók-
um en netorðabækurnar létti
henni lífið. „ Þessi þjónusta
er alveg met. Maður skráir
sig einu sinni inn í kerfið og
hefur síðan aðgang að fjölda
orðabóka, skýringa og fleiri
upplýsinga sem gagnast vel
fólki sem er fast fyrir framan
tölvu nær allan daginn þarf
að senda frá sér skammlaus-
an texta,“ segir Kristrún, sem
er ekki frá því að henni hafi farið
fram í Scrabble eftir að hún byrjaði
að nýta sér þessa þjónustu.
Sín verstu kaup segir Kristrún
vera línuskauta. „Vinur minn
keypti þá fyrir mig dýrum dómi
á meginlandi Evrópu, dröslaði
þeim síðan með sér þvers
og kruss um lestarkerfi
álfunnar til að koma þeim
til mín. Ég held að ég hafi
farið svona þrisvar í þá og
öllum þeim ferðum lauk
á fremur niðurlægjandi
hátt. Mig minnir að þeir
séu enn uppi í skáp, mér
til háðungar og stöðugrar
áminningar um að halda
mig á jörðinni.“
1980 1990 2000 2006 2008
2 kr
42 kr
125 kr
200 kr
280 kr
Andrea
útvarpskona
var ekki lengi
að bregðast
við þegar
Fréttablaðið
innti hana eftir
góðu húsráði.
„Mitt húsráð
er einfaldlega
svona „slappið
þið bara af,
draslið fer ekki
neitt“. Ég held
að það sé ekki betra húsráð frá mér
að fá.“
Þetta var snögg afgreiðsla hjá
Andreu en eflaust þykir sitt hverjum
um þetta heilræði.
GÓÐ HÚSRÁÐ:
DRASLIÐ FER EKKERT
■Andrea Jónsdóttir útvarpskona hefur
það á hreinu hvað virkar best.
NEYTANDINN: KRISTRÚN HEIÐA HAUKSDÓTTIR KYNNINGARFULLTRÚI
Nytsamar og ódýrar netbækur