Fréttablaðið - 13.03.2008, Side 42

13. MARS 2008 FIMMTUDAGUR6 ● fréttablaðið ● fermingar
FERMINGARGJAFIR TÆKJAFRÍKSINS
Fermingarstyttur unnar af
hagleiksmanninum Páli Garð-
arssyni hafa átt vinsældum að
fagna síðustu ár.
Að Auðbrekku 4 í Kópavogi er lítið
handverkstæði sem ber hið hátíð-
lega nafn Himneskir herskarar.
Þar inni mundar Páll Garðarsson
útskurðarhnífana og um þessar
mundir er mikið að gera hjá honum
við smíði fermingarstyttna.
Sumar stytturnar eru spari-
klæddar, aðrar sportlegri. Jafn-
vel með ipodinn í eyrunum. Einnig
er mikið um sérpantaðar styttur
sem eru tálgaðar og málaðar með
ákveðið fermingarbarn í huga,
eftir áhugamálum þess.
Páll gerir þessar styttur alveg
frá A til Ö og notar við það ýmis
verkfæri. Hann kveðst hafa verið
í þessari framleiðslu í nokkur ár í
misjafnlega miklum mæli. Stytt-
urnar eru um það bil 10-12 senti-
metrar á hæð og sóma sér vel
hvort sem er ofan á kransaköku,
í fermingargjafapakkann eða
sem borðskraut við gestabókina í
veislunni.
Stytturnar selur Páll bara á
verkstæðinu sínu og þar er hann
flesta daga við iðju sína. „Það er
mitt aðalstarf að tálga,“ segir
hann. „Ég segi ekki að þetta sé
blómlegur bisness hvað varðar
afkomuna en það er alveg nóg að
gera.“ - gun
Með iPodinn í eyrunum
Páll Garðarsson tálgar fermingarstyttur
af lyst. FRÉTTABLAÐIÐ/VILHELM
Fjölskrúðugur hópur fermingarbarna.
Sumar stelpurnar eru með blómsveiga í kringum sig.
Þessi er tilbúinn í golfið.
● ÍSINN BROTINN Það
þykir góður siður að heilsa upp
á fermingarbarnið og í það
minnsta óska því til hamingju.
Fermingarveislur eru gjarnan
mannmargar og mikið af ætt-
mennum sem fermingarbarn-
ið hefur ef til vill ekki hitt í lang-
an tíma. Það vill því oft brenna
við að fermingarbarnið sitji í her-
berginu sínu ásamt félögum
sínum á meðan veislan stend-
ur og hitti engan. Sum þeirra eru
feimin og óframfærin og eiga
erfitt með að taka frumkvæð-
ið og tala við fólkið. Er það því
góður siður að gestirnir hafi sjálf-
ir fyrir því að gefa sig á tal við
fermingarbarnið. Ekki þarf mikið meira en að taka í höndina á barninu,
óska því til hamingju með daginn og jafnvel fá að kíkja á gjafirnar, það
þarf ekki mikið til að brjóta ísinn.
Sony DCC T70-Myndavél, Sony Center, kr. 34.900
Tölvur og tækni er góð lausn
í fermingarpakkann.
Gæðalegar gjafir sem
geta enst lengur en
fermingarbarnið endist í
foreldrahúsum.
Fireant-hátalarar
fyrir iPod. Apple
búðin, kr. 22.990
Nintendo DS lite
Ormsson, kr. 16.900
Sony Hifi-samstæða
með DVD-spilara,
USB-tengi og bluet-
ooth MP3-streymi.
Sony Center kr. 54.900