Fréttablaðið - 15.03.2008, Blaðsíða 60
● hús&heimili
Svart fyrir börnin
Hermann hefur úr miklu að moða í klósettbókmenntum sínum. FRÉTTABLAÐIÐ/GVA
Til er fólk hér á landi sem heldur
klósettbókmenntum á lofti. Sumir
gera ekkert í þessu á meðan aðrir
leggja mikið í þessa tegund bók-
mennta og einn af þeim er Her-
mann Fannar Gíslason, starfs-
maður á plani hjá N1 og liðsmaður
KF-Nörd. Hermann hefur miklar
skoðanir á klósettbókmenntum og
segir að þar eigi fólk ekki að lesa
hvað sem er.
„Klósettbókmenntir eru einar
mikilvægustu bókmenntir sem til
eru. Þetta er tími til þess að slaka
aðeins á og er því tilvalið að leggj-
ast í smá lestur,“ segir Hermann
stoltur og heldur áfram: „Vinsæl-
asta efnið sem ég les eru fræði-
bækur og -blöð. Svo verða ýmsar
teiknimyndasögur fyrir valinu
þegar þannig liggur á manni.“
Hermann segir það afar mikil-
vægt að lesa eitthvað létt en ekki
vera með miklar bókmenntir sem
fólk gleymir sér í. „Manni er nú
skylt að bera virðingu fyrir öðrum
íbúum heimilisins með því að sitja
ekki lengi við lestur. Svo las ég
um daginn í einu fræðiriti að það
er ekki hollt að sitja of lengi,“ út-
skýrir Hermann fræðilega og
bætir við að hann hafi lært margt
annað við iðju þessa.
Heima fyrir hefur Hermann
hillu fyrir klósettbókmenntir sínar
og telur það mikið þarfaþing, sem
eigi að vera til á öllum klósettum
landsins. Hann gerir sitt besta til
að endurnýja lesefnið svo það sé
alltaf ferskur fróðleikur í boði.
„Oft hefur verið tilfellið hjá mér
að ég gríp í sjampóbrúsa þegar ég
hef lesið allt fram og til baka og
einnig ef ég hef verið latur við að
endurnýja lesefnið,“ segir hann.
- mmr
Gott er að grípa í bók
verði manni brátt í brók
●HÚSGÖGN
Barnahúsgögn eru gjarnan í sterkum litum en
hollenski vöruhönnuðurinn Ineke Hans hannaði
húsgögn fyrir börn í svörtu.
Hún ákvað að hafa þau svört eftir að hún komst
að því í gegnum vinnu sína að flest efnin sem hún
notar fást bara í hvítu, svörtu og beisbrúnu. Einnig
fannst henni skipta máli sú staðreynd að börn
bregðast ekki eingöngu við litum heldur líka við
formum og tækifærunum sem hluturinn býður upp
á við leik.
Í svörtu barnalínunni Black beauties hannaði hún þrettán hluti úr
endurunnu svörtu plasti sem þola vel að vera úti, mega blotna og upplitast
ekki í sól. Litli rugguhesturinn hentar börnum frá eins árs aldri og uppúr. - rat
Fólk með skerta starfsorku, fatlaðir og hreyfihamlaðir, geta fengið aukalán
til að gera breytingar á íbúðarhúsnæði eða til að kaupa eða byggja
húsnæði vegna sérþarfa sinna. Lánið kemur til viðbótar 18 milljóna
króna hámarksláni Íbúðalánasjóðs. Einnig er heimilt að veita aukalán til
forsvarsmanna þeirra sem búa við sérþarfir.
Nánari upplýsingar er að finna á heimasíðu Íbúðalánasjóðs www.ils.is,
ils@ils.is eða í síma 569 6900 og 800 6969.
90% af kaupverði eða
byggingarkostnaði
80% af viðbótar- og
endurbótakostnaði
100% af brunabótamati
og lóðarmati
Lánamöguleikar
vegna sérþarfa:
Hámarksupphæð 5 milljónir
Vextir 5,75% eða 5,50%
með uppgreiðsluákvæði
Lántökugjald 0,5% af
lánsupphæðinni
15. MARS 2008 LAUGARDAGUR20