Fréttablaðið - 15.03.2008, Side 98

HANDBOLTI Eins og fram kemur í
fréttinni hér til hliðar greindi
formaður HSÍ, Guðmundur
Ingvarsson, ekki frá öllum öllum
hliðum „Noregsmálsins“ á
blaðamannafundi á fimmtudag.
Hann var þráspurður út í leikina
en sá ekki ástæðu til þess að
greina frá því að þeir hefðu verið
af borðinu fyrir um mánuði síðan
heldur lét í það skína að HSÍ hefði
afþakkað leiki sem því hreinlega
stóðu ekki til boða.
Guðmundur þverneitaði að
segja Fréttablaðinu í gær af
hverju ekki hefði verið greint frá
því á fundinum sem nú er komið í
ljós.
Guðmundur vildi í fyrstu ekki
heldur svara því hvort hann teldi
sig hafa komið heiðarlega fram á
fundinum. Eftir að hafa verið
spurður þrisvar fékkst hann þó til
að gefa svar.
„Það hefði hugsanlega mátt
orða hlutina öðruvísi en það sem
skiptir máli er að niðurstaðan
sem fékkst var sú besta fyrir
okkur,“ sagði Guðmundur.
Formaður HSÍ:
Hefði mátt
orða hlutina
öðruvísi
GUÐMUNDUR INGVARSSON Neitar að
svara því af hverju ekki var greint frá
öllum hliðum Noregsmálsins á fimmtu-
dag. FRÉTTABLAÐIÐ/VILHELM
HANDBOLTI Eins og fram kom í Fréttablaðinu í
gær verða engir landsleikir við Norðmenn um
páskana eins og til stóð. Guðmundur Ingvars-
son, formaður HSÍ, og Guðmundur Guðmunds-
son landsliðsþjálfari sögðu á blaðamannafundi
á fimmtudag að þeir hefðu ákveðið að afþakka
leikina þar sem dagarnir sem Norðmenn væru
til í að koma einfaldlega hentuðu ekki. Því hefði
það verið talinn betri kostur að afþakka leikina
og æfa frekar eingöngu um páskana í staðinn.
Eftir því sem Gunnar Pettersen, landsliðsþjálf-
ari Noregs, segir voru þeir nafnar ekki að segja
fullkomlega satt og rétt frá við fjölmiðlamenn
á fundinum enda var það ljóst fyrir um mánuði
að leikirnir gætu aldrei farið fram.
HSÍ svaraði ekki tölvupósti
„Við gerðum samkomulag við HSÍ í ágúst
2007 um að spila tvo leiki á Íslandi. Við sendum
tölvupóst til HSÍ vegna málsins sem var svarað
og leikirnir bókaðir. Ákveðið var að spila á
þriðjudegi og miðvikudegi fyrir páska. Við
sendum svo aftur tölvupóst þann 28. nóvember
í leit að staðfestingu og spurðum hvort sam-
komulagið væri enn til staðar. Við skrifuðum
einnig í tölvupóstinn að ef við fengjum ekki
svar þá litum við svo á að leikirnir færu ekki
fram. HSÍ svaraði aldrei þeim tölvupósti. Í
kjölfarið sagði ég leikmönnum mínum að það
yrðu engir leikir um páskana og að þeir fengju
frí,“ sagði Pettersen við Fréttablaðið í gær og
hann segir norska sambandið ekkert hafa heyrt
frá HSÍ fyrr en á dögunum.
„HSÍ hafði samband fyrir um tveim vikum
og spyr hvenær við ætlum að koma til lands-
ins? Við svöruðum því einfaldlega til að við
hefðum sent tölvupóst í nóvember sem ekki
var svarað og því gerðum við ekki ráð fyrir
neinum leikjum. Þeir staðfestu að hafa fengið
póstinn, sögðust hafa gert mistök, báðust
afsökunar og skildu því vel af hverju við
værum ekki að koma,“ sagði Pettersen en hann
ku ekki fara alveg rétt með dagsetningu á
tölvupósti HSÍ en hann er sagður hafa borist í
byrjun febrúar.
Orðrómur var í gangi þess efnis að Norð-
menn ætluðu að hefna sín á HSÍ fyrir að senda
B-lið á Posten Cup í janúar með því að senda
sitt B-lið hingað um páskana. Pettersen segir
þann orðróm ekki eiga við rök að styðjast.
Ekki fúlir út af Posten Cup
„Við vorum vissulega ekki hrifnir af því
að HSÍ sendi B-lið á Posten Cup en það
hefur ekkert með það að gera að leikirn-
ir fara ekki fram um páskana. Við vild-
um spila þessa leiki enda góð æfing að
spila við íslenska liðið. Það eru engin
leiðindi í þessu og við viljum halda áfram
því góða samstarfi sem við höfum átt
við HSÍ. Vonandi finnum við nýja
dagsetningu á þessa leiki,“ sagði
Pettersen.
Einar Þorvarðarson, fram-
kvæmdastjóri HSÍ, var ábyrg-
ur fyrir samskiptunum við
Norðmenn. Hann staðfestir
að hafa fengið umræddan
tölvupóst í nóvember.
„Ég fékk þennan póst
og það er rétt að þar
kemur skýrt fram
að Norðmenn
líti svo á
að leik-
irnir
muni
ekki fara
fram ef póst-
inum verði
ekki svarað.
Ég veit ekki
alveg hvað
gerðist hjá
mér en þetta
fór alveg fram
hjá mér ein-
hverra hluta
vegna. Ég hef
mislesið póst-
inn eða eitthvað á þessum tíma því miður. Þetta
eru mín mistök og því miður dýr mistök,“ sagði
Einar við Fréttablaðið.
Klúðrið uppgötvast of seint til að fá leiki við
aðra þjóð
Leiða má líkum að því að ef málið hefði
komið fyrr upp hefði mátt fá aðra þjóð til
að spila við Ísland á hentugri dögum um
páskana. Landsliðsþjálfarinn sagði á
blaðamannafundinum að hann hefði
ekki útilokað að vilja spila á hentugri
dögum ef sá möguleiki hefði verið fyrir
hendi. Það reyndist aftur á móti ekki
unnt í ljósi þess hversu seint HSÍ
kemst að því að hafa klúðrað
málinu.
Fréttablaðið óskaði eftir
því við bæði HSÍ og norska
handknattleikssamband-
ið að fá áðurnefnda
tölvupósta. Norska
sambandið hafnaði
beiðninni en HSÍ
svaraði henni ekki.
henry@frettabladid.is
HSÍ klúðraði Noregsleikjunum
Þó svo Guðmundur Guðmundsson hefði viljað leika við Norðmenn næstkomandi þriðjudag og miðvikudag
er ljóst að af leikjunum hefði aldrei getað orðið. Norðmenn slógu leikina út af borðinu í nóvember á síð-
asta ári er HSÍ svaraði ekki tölvupósti. HSÍ hefur vitað af málinu í mánuð án þess að greina frá því.
GUNNAR PETTERSEN Landsliðs-
þjálfari Noregs segir það hafa
verið ljóst í nóvember að ekki
yrði leikið við Ísland um páskana.
HSÍ uppgötvaði það ekki fyrr en í
byrjun febrúar. NORDIC PHOTOS/AFP
Sérverslun vélhjólamannsins ::: Laugavegi 168
Sími 511 2121
Opnum nýjan
gám fullan af
úrvalshjólum
á frábæru
verði!
Fyrstur kemur fyrstur fær!
Verðdæmi:
2006 HONDA VT750DCA6 SHADOW SPIRIT 660.000,-
2001 KAWASAKI VN750A17 VULCAN 455.000,-
2001 KAWASAKI VN750A17 VULCAN 455.000,-
2005 TRIUMPH SPRINT ST 935.000,-
2006 HARLEY-DAVIDSON VRSCD NIGHT ROD 1.520.000,-
2004 SUZUKI (MC) VS1400GLPK4 INTRUDER 735.000,-
Vorum að fá gám af mótorhjólum í hús. Síðasti gámur
seldist upp á viku. Verðið á hjólunum í þessum gám er
jafnlágt og þá. Hjólin eru til sýnis um helgina, bæði
laugardag og sunnudag frá kl. 12 - 18. Ólíklegt að svona
verð bjóðist aftur eins og gengið er að þróast. Komið og
skoðið um helgina.
FR
UM
SÝ
NI
NG
UM
H
EL
GI
NA
!