Fréttablaðið - 16.03.2008, Page 11

SUNNUDAGUR 16. mars 2008 11
Alþjóðahúsið gerði nýjan samn-
ing við Reykjavíkurborg á föstu-
daginn síðastliðinn. Samningur-
inn kveður á um starfsemi í Efra-
Breiðholti og gildir til eins árs.
Reykjavíkurborg mun sam-
kvæmt samningnum leggja 30
milljónir króna til starfseminn-
ar sem er 10 milljónum krónum
meira en á síðasta ári. Síðastlið-
in sjö ár hefur Reykjavíkurborg
greitt til starfsemi Alþjóðahúss
eða frá árinu 2001. Ein veigamesta
nýjungin í samningnum er umsjón
Alþjóðahúss með menningar-og
frístundastarfsemi erlendra íbúa
í Efra-Breiðholti. Þar verður lögð
sérstök áhersla á starfsemi fyrir
börn og fjölskyldur þeirra og náið
samráð verður haft við íbúa í Efra-
Breiðholti um mótun starfseminn-
ar. Þá verður reglubundið samstarf
við helstu borgarstofnanir í hverf-
inu, en verið er að leita að hent-
ugu húsnæði. Þetta kemur fram í
fréttatilkynningu frá Reykjavík-
urborg fyrir helgi.
Í samningnum er enn fremur
kveðið á um að Alþjóðahús annist
aðstoð og ráðgjöf við Reykjavík-
urborg um útgáfu kynningarefn-
is um þjónustu borgarinnar. Í því
skyni mun Alþjóðahús bera ábyrgð
á þýðingu kynningarefnisins á 10
tungumálum. Með samningnum
vill Reykjavíkurborg styðja við
öfluga starfsemi Alþjóðahúss og
stuðla að því að íbúar nýti kosti
fjölmenningarlegs samfélags þar
sem jafnrétti og gagnkvæm virð-
ing einkennir samskipti fólks af
ólíkum uppruna. Einnig er mik-
ilvægt að gera útlendingum sem
flutt hafa til borgarinnar kleift að
taka virkan þátt í íslensku samfé-
lagi með aðkomu Alþjóðahúss.
Allar nánari upplýsingar er
að finna á vef Alþjóðahúss.
www.ahus.is
Alþjóðahúsið í Efra-Breiðholti
SAMIÐ UM FJÖLMENNINGU Í
EFRA-BREIÐHOLTI Einar Skúlason
hjá Alþjóðahúsinu ásamt Ólafi F.
Magnússyni borgarstjóra.
Íþróttasamband fatlaðra og Vetr-
aríþróttamiðstöð Íslands á Akur-
eyri hafa staðfest formlegt sam-
starf við Winter Park í Colorado.
Samstarfið kveður á um þróunar-
starf á sviði vetraríþrótta- og úti-
vistar fyrir fatlaða.
Tengsl mynduðust við Winter
Park í kjölfar námskeiðs árið
2006. Þá var fulltrúi Winter Park
í hópi leiðbeinenda frá Challenge
Aspen, sem hafa verið samstarfs-
aðilar Íþróttasambands fatlaðra
og Vetraríþróttamiðstöðvar und-
anfarin ár. Erna Friðriksdóttir
sem er frá Egilsstöðum og hreyfi-
hömluð, æfir nú og keppir í Winter
Park.
Á fundi í Hlíðarfjalli fyrir
skömmu var rætt samstarf á sviði
fræðslu og þjálfunar. Þessi fund-
ur var haldinn í tengslum við nám-
skeið sem fram fór í Hlíðarfjalli
um þarsíðustu helgi. Fjórtán fatl-
aðir einstaklingar sóttu námskeið-
ið sem haldið var á vegum ÍF, VM
og Winter Park.
Einn af forstöðumönnum Winter
Park, Beth Fox, var aðalleiðbein-
andi en aðrir leiðbeinendur voru
íslenskir.
Á námskeiðinu voru bæði börn
og fullorðnir með mismunandi
fötlun. Mjög erfitt hefur reynst
að ná til blindra einstaklinga og er
því mikill sigur að fá í fyrsta skipti
blindan einstakling til þátttöku að
því er fram kemur í fréttatilkynn-
ingu frá forsvarsmönnum. Fyrsti
blindi þátttakandinn var Bergvin
Oddsson en í kjölfarið fylgdi for-
maður Öryrkjabandalag Íslands,
Halldór Guðbergsson, sem er
sjónskertur. Hann var einnig þátt-
takandi á námskeiðinu.
Blindir og sjónskertir keppa á
Paralympics, bæði í norrænum
greinum og alpagreinum. Einn-
ig er fjölmargt blint fólk erlendis
sem stundar skíði sér til gamans
eins og aðrir. Í fyrsta skipti var
einnig kennt á snjóbretti en óskað
var eftir því fyrir hreyfihamlaðan
dreng og gekk það mjög vel.
Fatlaðir
komast á
skíði
SKÍÐASTUÐ Í HLÍÐARFJALLI Fatlað-
ir skíðamenn á öllum aldri fá nú
möguleika á að stunda skíðaíþróttina
á Íslandi.
H
V
ÍT
A
H
Ú
S
IÐ
/S
ÍA
–
0
8
-0
3
3
7
Tökum við umsóknum núna
www.hr.is