Fréttablaðið - 16.03.2008, Qupperneq 86

26 16. mars 2008 SUNNUDAGUR
sport@frettabla-
HANDBOLTI Eins og Fréttablaðið greindi frá í gær þá
klúðraði HSÍ Noregsleikjunum sem áttu að fara
fram um páskana og reyndu þess utan að leyna
klúðrinu og komu ekki hreint fram. Einar Þorvarð-
arson, framkvæmdastjóri HSÍ, hefur sent Frétta-
blaðinu yfirlýsingu vegna málsins sem er hér birt í
heild sinni.
„Þegar að ég fæ nefndan tölvupóst sendan
frá Noregi í nóvember fer hann framhjá mér.
Þegar ég fæ svar frá Norðmönnum í febrúar
förum við að leita af póstinum og er hann þá í
pósthólfi hsi@hsi.is Þar kemur fram að tölvu-
póstfangið mitt var í þessum pósti og þar
með kom í ljós að ég fékk póstinn sem
ég hafði ekki tekið eftir.
Þegar að svarið kom frá Norð-
mönnum í seinna skiptið í febrúar
var þetta ekkert mál fyrir okkur
varðandi landsliðið þar sem að
Guðmundur Guðmundsson hafði
ekki áhuga á að spila leikina við
Norðmenn um páskana vegna
þess að þeir vildu eingöngu
spila á þriðjudegi 18.mars og
miðvikudegi 19.mars og margir leikmenn okkar að
spila leiki í Meistaradeildinni á sunnudegi 16.mars
og þurftu að ferðast heim til Íslands á mánudegin-
um 17.mars.
Jafnframt eru Ólafur Stefánsson og Sigfús Sig-
urðsson að leika gegn hvor öðrum með sínum félags-
liðum á miðvikudag 19. mars og hefðu ekki
komist í landsleikina.
Ég vil koma því á framfæri að ég hefði
aldrei talað við blaðamenn um fyrirhugaða
landsleiki við Norðmenn í janúarlok 2008
hefði þessi tiltekni tölvupóstur ekki farið
framhjá mér nóvember 2007. Það sem
eftir stendur er að þetta voru mín
mistök og bera hvorki Guðmundur
Ingvarsson né Guðmundur Guð-
mundsson ábyrgð á þeim. Lands-
liðsþjálfarinn hafði þess utan
enga vitneskju um tilurð tölvu-
póstanna.“
- hbg
Framkvæmdastjóri HSÍ sendir frá sér yfirlýsingu vegna Noregsleikjanna:
Einar Þorvarðarson tekur á sig sökina
EINAR ÞORVARÐARSON Segir for-
mann HSÍ og landsliðsþjálfara ekki
bera ábyrgð í Noregsleikjamálinu.
Kvennalið Vals tekur á móti franska liðinu Merignac
í Vodafone-höllinni klukkan 20 í kvöld. Þetta er
seinni leikur liðanna í átta liða úrslitum í áskor-
endakeppni Evrópu. Fyrri leik liðanna lyktaði með
sex marka sigri þeirra frönsku, 36-30, þannig að
Valskvenna bíður verðugt verkefni að vinna þann
mun upp.
Ágúst Jóhannsson, þjálfari Vals, vill ekki meina að
munurinn á liðunum sé þetta mikill en búlgarskir
dómarar drógu taum franska liðsins verulega í fyrri leiknum
að mati Ágústs.
„Það er líklegt að sex marka sigur dugi því við skoruðum það
mikið á útivelli. Mitt mat er að við eigum að vinna þetta lið og
þá sérstaklega á heimavelli. Hvort við náum að leggja þær
með sex marka mun er svo annað mál en við trúum því stað-
fastlega að það sé hægt,“ sagði Ágúst en hvað þarf að smella
til að það takist?
„Við þurfum að laga varnarleikinn hjá okkur. Svo verða
smá áherslubreytingar hér og þar frá fyrri leiknum. Við
fórum illa með dauðafæri úti sem var líka dýrkeypt. Við þörfnumst
jafnari leiks því leikur okkar úti var allt of sveiflukenndur. Þetta
verður þolinmæðisverk og við þurfum að taka eitt skref í einu
og ekki örvænta of snemma. Við munum keyra upp hraðann í
fyrri hálfleik og sjá svo hver staðan er í leikhléi,“ sagði Ágúst
en hvað þarf helst að varast hjá franska liðinu?
„Þær hafa góðan miðjumann sem skoraði 11 mörk
í fyrri leiknum og við verðum að stöðva
hana. Svo eru þær fljótar og keyra góð
hraðaupphlaup en þær munu eflaust
reyna að hægja á leiknum núna. Þær hafa verið að
spila 6/0 vörn en ég geri ráð fyrir að þær taki Evu Barna úr
umferð núna og við erum að undirbúa okkur fyrir það,“
sagði Ágúst en allir leikmenn liðsins eru klárir í slaginn að
sögn Ágústar.
Það er frítt á völlinn í kvöld og Ágúst hvetur fólk til þess
að fjölmenna. „Við þurfum virkilega á stuðningi áhorf-
enda að halda í kvöld og ég vona að fólk nýti sér að
það sé frítt inn og fjölmenni.“
ÁSKORENDAKEPPNI EVRÓPU: VALSSTÚLKUR TAKA Á MÓTI FRANSKA LIÐINU MERIGNAC KLUKKAN 20 Í KVÖLD
Þurfum virkilega á stuðningi áhorfenda að halda
FÓTBOLTI Það verða tímamót í
íslenskri knattspyrnusögu í dag
þegar A-landslið karla keppir í
fyrsta skipti innandyra. Andstæð-
ingurinn eru Færeyingar og vett-
vangurinn hið stórglæsilega knatt-
spyrnuhús Kórinn í Kópavogi. Um
vináttulandsleik er að ræða og þar
sem þetta er ekki alþjóðlegur leik-
dagur er íslenska liðið aðeins skip-
að leikmönnum sem spila hér á
landi fyrir utan einn.
„Við fögnum því alltaf að spila
leiki. Vissulega er svolítið sérstakt
að spila innandyra og á gervigrasi
en aðstæður hér heima bjóða bara
ekki upp á neitt annað þannig að
við tökum því sem að höndum ber.
Það er betra að spila inni en spila
ekki,“ sagði Ólafur Jóhannesson
landsliðsþjálfari við Fréttablaðið í
gær. Hann segir alla leikmenn
liðsins vera heila. Helgi Sigurðs-
son æfði ekki á föstudagskvöldið
en er orðinn góður líkt og Húsvík-
ingurinn Hallgrímur Jónasson
sem hefur verið veikur.
„Að sjálfsögðu stefnum við á
sigur en við föllum ekkert í þá
gryfju að vanmeta þetta færeyska
lið. Fótboltinn er nú bara þannig
að það getur allt gerst og því verð-
um við að hafa varann á. Ég mun
spila 4-5-1 leikkerfi sem við vorum
að vinna með á Möltu. Þá gekk vel
er við einblíndum á varnarleikinn
en við fengum á okkur mörk um
leið og við lögðum meiri áherslu á
sóknina. Ég er að vona að menn
séu komnir betur inn í þá hluti
sem við æfðum á Möltu og það
skili sér í ágætum leik,“ sagði
Ólafur sem lítur alls ekki á leikinn
sem einhvern skyldusigur.
„Það er ekki hægt í fótbolta að
tala um einhverja skyldusigra.
Það eru margir ágætir fótbolta-
menn í þessu færeyska liði og þeir
hafa sýnt í gegnum tíðina að þeir
geta vel spilað fótbolta. Fram hjá
því verður samt ekki litið að við
eigum að vera með betri leikmenn
og ef við náum að sýna okkar rétta
andlit þá vinnum við þennan leik.
Ég er alveg sannfærður um það,“
sagði Ólafur.
Aðspurður sagðist Ólafur ekki
búast við því að upplýsa um byrj-
unarliðið fyrr en nokkrum tímum
fyrir leik í dag. Íslenska liðið æfði
tvisvar í gær og Ólafur sagðist
ætla að leggjast yfir liðið eftir síð-
ari æfinguna.
„Ég hef svona nokkuð skýra
mynd af því hvernig ég muni stilla
upp liðinu,“ sagði Ólafur en hann
hafði ekki ákveðið heldur hvort
hann ætlaði að skipta mikið inn á
eður ei.
henry@frettabladid.is
Við munum ekki vanmeta
færeyska landsliðið
Fyrsti A-landsleikur karla innanhúss fer fram í Kórnum klukkan 16 í dag er
Ísland tekur á móti Færeyjum. Ólafur Jóhannesson landsliðsþjálfari segir alltaf
jákvætt að fá leiki, sama hvort það sé innan- eða utandyra.
ALLT KLÁRT Ólafur Jóhannesson landsliðsþjálfari sést hér á landsliðsæfingu í Kórnum
með skeiðklukkuna, blaðið og vestin. FRÉTTABLAÐIÐ/STEFÁN
FRJÁLSAR Sleggjukastarinn Bergur
Ingi Pétursson úr FH stóð sig
frábærlega á vetrarkastmóti sem
fram fer í Split í Króatíu um
helgina.
Bergur Ingi stórbætti Íslands-
met sitt í gær er hann kastaði 73
metra slétta. Íslandsmet Bergs
Inga var 70,52 metrar. Bergur
Ingi er nú aðeins einum metra frá
Ólympíulágmarkinu en hann
stefnir ótrauður á að komast til
Peking.
Bergur var efstur í B-hópi
keppninnar og verður því aldrei
neðar en í 11. sæti mótsins sem
ku vera geysisterkt. - hbg
Sleggjukast karla:
Íslandsmet hjá
Bergi Inga
BERGUR INGI PÉTURSSON Stórbætti
Íslandsmet sitt í gær. FRÉTTABLAÐIÐ/ANTON
> Leikur tvö hjá KR og Grindavík
Annar leikur Grindavíkur og KR í úrslitakeppni Iceland
Express-deildar kvenna fer fram í Grindavík klukkan 19.15
í kvöld. KR-stúlkur sigruðu hina nýkrýndu bikarmeistara
með miklum mun, 81-68, í fyrsta leik liðanna
sem fram fór vestur í bæ. Hildur Siguðardótt-
ir fór á kostum í liði KR á föstudaginn og
Grindavíkurstúlkur verða að stöðva hana.
Heimavöllurinn hefur ráðið úrslitum í
öll þau skipti sem þessi lið hafa mæst í
vetur og verður áhugavert að sjá hvort
heimavöllurinn haldi áfram í kvöld.
HANDBOLTI FH vantar aðeins eitt
stig í síðustu fimm leikjum sínum
í 1. deildinni til þess að komast
upp í úrvalsdeild.
Víkingur og ÍR berjast um hitt
lausa sætið en þau eru jöfn að
stigum í öðru sætinu. - hbg
1. deildin í handbolta:
FH á leið í úr-
valsdeildina
Nánar á expressferdir.is
eða í síma 5 900 100
128.900 kr.
Verð á mann í tvíbýliBarcelona
25.–28. apríl
Innifalið: Flug með sköttum og öðrum greiðslum, gisting á 4* hóteli ásamt
morgunverði, miði á kappaksturinn, rútuferðir alla dagana og íslensk
fararstjórn.
102.900 kr.
Verð á mann í tvíbýliSilverstone
4.–7. júlí
Innifalið: Flug með sköttum og öðrum greiðslum, gisting á Holiday Inn
Regent's Park ásamt morgunverði, miði á kappaksturinn, rútuferðir alla
dagana og íslensk fararstjórn.
Formúla 1
FÓTBOLTI Framkvæmdastjórn
alþjóða knattspyrnusambandsins,
FIFA, leggst gegn þeirri hugmynd
enskra knattspyrnuliða að bæta
einni umferð við deildarkeppnina
sem leikin yrði erlendis.
„Þessi hugmynd að leika 39.
umferðina á erlendri grundu
gengur einfaldlega ekki upp,“
sagði Sepp Blatter, forseti FIFA.
„Liðin væru að spila þar sem er
tólf tíma tímamismunur fyrir
vestan og 24 tíma munur í suðri.
Meira að segja Geoff Thompson,
fyrrverandi formaður enska
knattspyrnusambandsins, leggst
gegn þessum hugmyndum.“
Forsvarsmenn ensku úrvals-
deildarinnar eru hættir við fund í
lok febrúar þar sem þeir ætluðu
að ræða við Blatter. Í yfirlýsingu
frá ensku úrvalsdeildinni kemur
fram að deildin muni kanna
jarðveg þessarar hugmyndar
frekar áður en fundað verði með
Blatter. - hbg
Sepp Blatter, forseti FIFA:
Á móti auka-
umferð í enska
boltanum
FORSETI FIFA Blatter hugnast ekki hug-
myndir enskra. NORDIC PHOTOS/GETTY IMAGES