Fréttablaðið - 27.03.2008, Page 60

27. mars 2008 FIMMTUDAGUR
Ótrúleg ferðasaga teikninga úr
nokkrum af frægustu teiknimynd-
um Disney-fyrirtækisins hefur
fengið farsælan endi.
Upprunalegar teikningar úr
kvikmyndum á borð við Þyrnirós
frá árinu 1959 og styttri teikni-
myndum frá fjórða áratugnum
fundust í skáp í Chiba-háskólanum
í Japan fyrir fjórum árum. Mynd-
irnar höfðu upphaflega komið til
Japans á sjöunda áratugnum til
sýninga. Að sýningartímanum
loknum gaf Disney-fyrirtækið
Nútímalistasafninu í Tókýó mynd-
irnar, en forstöðumönnum safns-
ins þóttu myndirnar ekki passa
inn í safneignina og gáfu því
Chiba-háskólanum teikningarnar í
von um að þær myndu veita nem-
endum í listadeildum skólans inn-
blástur. Skömmu síðar átti sér stað
stefnubreyting innan háskólans
og listnámsbraut var lögð niður.
Því fór svo að Disney-teikningun-
um var pakkað niður og stungið
inn í skáp og þar fengu þær að
dúsa í rúmlega 40 ár.
Þegar myndirnar fundust að
nýju voru sumar þeirra illa farnar
vegna rakaskemmda. Því tóku við
stórfelldar viðgerðir sem stóðu
yfir í heilt ár. Að þeim loknum
voru myndirnar sendar í sýning-
arferðalag um Japan við mikinn
fögnuð almennings.
Stjórn Chiba-háskólans, sem
ekki hefur endurvakið listnáms-
braut sína, tók svo þá ákvörðun að
teikningunum væri best komið hjá
Disney-fyrirtækinu, þar sem þar
væri framtíð þeirra tryggð.
Teikningar úr teiknimyndum
þóttu á árum áður heldur ómerki-
legur varningur og voru til að
mynda seldar í Disney-World
skemmtigarðinum á einn dollara
stykkið. Þetta viðhorf hefur
breyst; teiknimyndir teljast nú
löggilt listform og eru því upp-
runalegar teikningar úr gömlum
teiknimyndum ákaflega verðmæt-
ar og ganga kaupum og sölum
fyrir svimandi háar upphæðir. Til
að mynda hefur ekki en tekist að
verðmeta safnið sem Disney-fyr-
irtækið endurheimti frá Japan þar
sem sumar teikninganna eru svo
sjaldgæfar og gamlar að ekkert
fordæmi er fyrir verðlagningu
þeirra.
Það er því ljóst að forsvarsmenn
Chiba-háskólans báru hag menn-
ingarsögu Bandaríkjanna fyrir
brjósti þegar ákvörðun var tekin
um að skila teikningunum til
Disney-fyrirtækisins. Reyndar
umbunaði fyrirtækið skólanum
með einnar milljónar dollara styrk
fyrir vikið, en það er víst hugur-
inn sem gildir. - vþ
Disney-teikningar á heimleið
ÚR TEIKNIMYNDINNI BLÓM OG TRÉ FRÁ 1932 Ómetanleg list sem nú hefur ratað
heim eftir svaðilfarir í japanskri geymslu.
FIMMTUD. 27. MARS KL. 20
TÍMAMÓT - GUÐNÝ GUÐMUNDS-
DÓTTIR
ÁSAMT FYRRVERANDI OG
NÚVERANDI NEMENDUM O.FL.
KONSERTMEISTARI 60 ÁRA!
FÖSTUD. 28. MARS KL. 20 OG
LAUG. 29. MARS KL. 16 OG
KL. 20
SÖKNUÐUR - TÓNLEIKAR Í MINNINGU
VILHJÁLMS VILHJÁLMSSONAR.
UPPSELT!
SUNNUD. 6. APRÍL KL. 20
TÍBRÁ: SÖNGTÓNLEIKAR
MARGRÉT HRAFNSDÓTTIR OG
HRÖNN ÞRÁINSDÓTTIR.
FRUMRAUN Í TÍBRÁ!
Engisprettur
eftir Biljana Srbljanovic
Leikstjóri: Þórhildur Þorleifsdóttir
Fyndið og sorglegt leikrit eftir eitt magnaðasta leikskáld Evrópu í dag
Sjáðu og heyrðu meira á leikhusid.is
Frumsýning á Stóra sviðinu í kvöld
30. mars - uppselt
3. april
4. april
10. april
11. april
17. april
18. april
23. april
24. april
Þjóðleikhúsið
um helgina
Engisprettur
frumsýn. 27/3 uppselt, 28/3 örfá sæti laus
Baðstofan
sýn. fös 28/3, lau 29/3
Sólarferð
sýningar. lau. 29/3 örfá sæti lau
Vígaguðinn
sýn. lau. 29/3 örfá sæti laus
Skilaboðaskjóðan
sýninga sun. 30/3 örfá sæti laus