Fréttablaðið - 20.04.2008, Blaðsíða 69

SUNNUDAGUR 20. apríl 2008
Miðasala er hafin á tónleika hins
heimsþekkta baritónsöngvara Sir
Willard White sem fara fram í
Íslensku óperunni 29. apríl næst-
komandi kl. 20. Sir Willard kemur
hingað með tónleikadagskrá sem
farið hefur sigurför um heiminn.
Yfirskrift tónleikanna er „Kvöld-
stund með Willard White – til heið-
urs Paul Robeson“ og eru tileinkað-
ir tónlist sem bandaríski söngvarinn
og baráttumaðurinn Paul Robeson
var þekktur fyrir að flytja. Hér er
um að ræða lifandi og skemmtilega
dagskrá af fjölbreyttri tónlist sem
flestir þekkja; negrasálma, rússn-
esk lög, þjóðlög frá Bretlandseyj-
um, gömul djasslög og jafnvel tón-
list eftir Gershwin og Kern.
Tónlistarflutningurinn blandast
frásögn af lífi Robesons sem tengir
saman atriðin á efnisskránni.
Sir Willard White er óumdeilan-
lega einn af þekktustu óperusöng-
vurum samtímans. Hann syngur
reglulega í stærstu óperuhúsum
heims undir stjórn þekktustu
hljómsveitarstjóra óperuheimsins.
Meðal verkefna hans nú í vetur eru
hlutverk Barbe-Bleue í Ariane et
Barbe-Bleue við Bastilluóperuna í
París, Bláskegg í Kastala Blá-
skeggs í Liceu-óperunni í Barce-
lona, Klingsor í Parsifal við Kon-
unglegu óperuna í Covent Garden,
Óðinn í Valkyrjunni í Salzburg og
Wanderer í nýrri uppfærslu á Sieg-
fried á tónlistarhátíðinni í Aix-en-
Provence ásamt Berlínarfílharm-
óníunni undir stjórn Sir Simon
Rattle.
Þessi mikli söngvari heiðrar
Íslendinga með komu sinni í fyrsta
sinn í lok mánaðarins, en með
honum í för eru Neal Thornton á
píanó, sem ennfremur hefur útsett
öll lögin fyrir tónleikana, og
Richard Bolton á gítar. - vþ
Miðasala hafin á
tónleika White
SIR WILLARD WHITE Syngur í Íslensku
óperunni í lok mánaðarins.
Í tilefni af því að hin virtu Booker-bókmenntaverð-
laun eiga fjörutíu ára afmæli í ár hefur verið tekið
upp á þeirri nýjung að veita, auk sjálfra aðalverð-
launanna, sérleg Booker-verðlaun fyrir skáldsögur
sem koma út á arabísku. Fyrsti verðlaunahafi
þessara hliðarverðlauna er Bahaa Taher, 73 ára
Egypti, sem hlýtur verðlaunin fyrir skáldsögu sína
Sunset Oasis sem kom út á síðasta ári. Sagan fjallar
á gagnrýninn hátt um þá stöðnun sem orðið hefur í
egypsku þjóðfélagi í valdatíð Hosni Mubarak.
Taher var gerður útlægur frá Egyptalandi á
áttunda áratug síðustu aldar og vann í fjórtán ár sem
þýðandi fyrir Sameinuðu þjóðirnar. Hann flutti síðar
aftur til Egyptalands og býr þar nú ásamt konu
sinni. Hann er einn virtasti núlifandi rithöfundur
arabískrar tungu og hefur skrifað sex skáldsögur.
Enn hefur engin bóka hans komið út í enskri
þýðingu, en gera má ráð fyrir að á því verði snarlega
ráðin bót í kjölfar verðlaunanna. - vþ
Fyrstu arabísku
Booker-verðlaunin
BAHAA TAHER
Fyrsti verðlaunahafi
arabísku Booker-
verðlaunanna.
Gallerí Borg heldur listmunaupp-
boð á Hilton-Reykjavík-Nordica
hótelinu í kvöld kl. 20.30. Hvorki
meira né minna en 86 verk verða
boðin upp og eru flest þeirra eftir
gömlu meistarana.
Boðin verða upp átta verk eftir
Þorvald Skúlason sem komu
nýlega í leitirnar og höfðu varð-
veist hjá danska listamanninum
Erling Friis. Sem kunnugt er skildi
Þorvaldur eftir fjölda verka í
franska bænum Tours er hann
flúði í skyndi undan nasistum. Þá
verða einnig boðin upp þrjú verk
eftir Mugg ásamt verkum eftir
Kjarval, Svavar Guðnason, Ásgrím
Jónsson, Júlíönu Sveinsdóttur og
fjögur afar fágæt málverk eftir
„huldukonuna“ Kristínu Þorláks-
dóttur, svo nokkrir listamenn séu
nefndir. Á uppboðinu má jafn-
framt finna verk eftir hinn þekkta
færeyska málara Eiðun av Reyni,
ásamt verkum fleiri listamanna
frá Færeyjum. Uppboðsverkin
verða sýnd í Gallerí Borg í dag á
milli kl. 13 og 15 fyrir þá sem vilja
kynna sér málið nánar. - vþ
Listmunauppboð í kvöld
JÓHANNES SVEINSSON KJARVAL Hvaða
verk hans ætli verði boðið upp í kvöld?
17 - 18 - 24 - 30. apríl
kl 20.00 alla daga
ÞRJÁR SÍÐUSTU
SÝNINGAR Á ÁST