Fréttablaðið - 03.05.2008, Qupperneq 44

● heimili&hönnun
Veggfóður í hressandi litum getur verið góð leið til að
fríska upp á heimilið. En fyrir þá sem ekki vilja æpandi
liti á veggina en eru þó að leita að tilbreytingu gæti
þrívítt veggfóður verið lausnin. Breski hönnuðurinn
Selina Rose hefur hannað veggfóður sem hún kallar
Flutterby Wallpaper. Veggfóðrið er einlitt, hvítt og
í það eru skorin fiðrildi. Vængi fiðrildanna er svo
hægt að brjóta upp á og lyfta frá veggnum svo þau
standi út úr. Selena líkir tilfinningunni við að brjóta
upp á vængina við það þegar hún opnaði glugga á
jóladagatalinu sem barn. Fiðrildaveggfóðrið er hluti
af vörulínu eftir Selenu þar sem hún notar fiðrildi, til
dæmis skorin út í filt og sem mynstur prentað á púða
og lampaskerma.
Hægt er að skoða hönnun Selenu Rose á heima-
síðu hennar, www.selenarose.co.uk - rat
Fiðrildi á veggina
Þegar búið er að brjóta upp á vængina standa þrívíð fiðrildin út úr veggnum.
● LIFANDI BLÓM Flestir
vilja leggja fallega á borð þegar
von er á matargestum og á
sumrin getur verið gaman að
nýta sér sprettuna í garðinum.
Tilvalið er að setja fallegan
blómvönd í vasa og dreifa svo
laufblöðum á dúkinn. Afskorin
blóm fara síðan vel með
servíettu á disknum.
Borðskraut
Blóm eru tilvalin á borðið.
3. MAÍ 2008 LAUGARDAGUR10