Fréttablaðið - 09.05.2008, Page 10

10 9. maí 2008 FÖSTUDAGUR
ALÞINGI „Stjórnarliðar tala mjög afdráttarlaust gegn
einkavæðingu þannig að ætla má að hún sé ekki í
spilunum,“ sagði Kristinn H. Gunnarsson, þing-
flokksformaður Frjálslynda flokksins, í samtali við
Fréttablaðið eftir utandagskrárumræður um stefnu
ríkisstjórnarinnar í heilbrigðismálum á Alþingi í
gær.
Kristinn óskaði svara heilbrigðisráðherra við
nokkrum spurningum um heilbrigðiskerfið, enda
taldi hann nokkuð vanta upp á að stefna stjórnar-
innar lægi fyrir með skýrum og afdráttarlausum
hætti.
„Jú, málin skýrðust en ekki alveg. Eftir stendur
ósvarað hvaða breytingar á að gera á Landspítalan-
um og það er kannski vegna þess að ríkisstjórnin er
ekki búin að ákveða hvað hún ætlar að gera,“ sagði
Kristinn.
Í svari sínu vitnaði Guðlaugur Þór Þórðarson
heilbrigðisráðherra einkum í stefnuyfirlýsingu
ríkisstjórnarinnar en samkvæmt henni er stefnan sú
að veita heilbrigðisþjónustu á heimsmælikvarða.
Segir einnig að kostnaðargreina eigi heilbrigðisþjón-
ustuna og skapa svigrúm til fjölbreytilegra rekstrar-
forms. Tryggt verði þó að allir hafi jafnan aðgang,
óháð efnahag.
Álfheiður Ingadóttir VG túlkar stjórnarsáttmálann
á þann veg að hann boði einkavæðingu. Sagði hún
heilbrigðiskerfið í hættu og að almenningur óttaðist
um afdrif þess í höndum Sjálfstæðisflokksins.
Ásta R. Jóhannesdóttir Samfylkingunni sagði af
og frá að ætlunin væri að einkavæða; það sæist
best á því að fyrirmyndir að fyrirhuguðum
breytingum væru sóttar til Norðurlandanna. „Ef
ætlunin hefði verið að einkavæða, hefði þá ekki
verið leitað eitthvað annað?“ spurði hún og hét því
fram að ekkert væri að óttast.
Valgerður Sverrisdóttir Framsóknarflokki sagði
óöryggi ríkja gagnvart málaflokknum. „Hvað er
verið að bralla?“ spurði hún og lýsti sérstökum
áhyggjum af heilsugæslunni. Greindi Valgerður
svo frá því að framsóknarmenn hefðu ekki treyst
Sjálfstæðisflokknum fyrir heilbrigðismálunum í
þau tólf ár sem flokkarnir voru saman í ríkis-
stjórn. bjorn@frettabladid.is
Sýnist einkavæðing
ekki vera á dagskrá
Eftir umræður um stefnu stjórnarinnar í heilbrigðismálum telur Kristinn H.
Gunnarsson að einkavæðing sé ekki í spilunum. VG telur hið gagnstæða. Fram-
sókn segist ekki hafa treyst sjálfstæðismönnum fyrir heilbrigðismálunum.
RÆTT UM HEILBRIGÐISKERFIÐ Kristinn H. Gunnarsson, þingmaður Frjálslynda flokksins, spurði Guðlaug Þór Þórðarson heilbrigðis-
ráðherra um stefnu ríkisstjórnarinnar í heilbrigðismálum á Alþingi í gær.
ÍS
L
E
N
S
K
A
/S
IA
.I
S
/O
R
K
4
23
17
0
5/
08
• Orkuveita Reykjavíkur rekur stærstu jarðvarmaveitu í heimi. www.or.is
Ganga um
Hengils-
svæðið
Sunnudaginn 11. maí
verður farin gönguferð um
Engidal og inn í Marardal
í vestanverðum Henglinum. Gangan
er létt og tekur u.þ.b. 4 klst. Mæting
við Hellisheiðarvirkjun við Kolviðarhól
klukkan 13:00. Þátttaka er ókeypis
og allir velkomnir. Leiðsögumaður
er Almar Sigurðsson, kynningarfulltrúi
Hellisheiðarvirkjunar.
NÝFÆDDUR NASHYRNINGUR Þetta
nashyrningskríli kom í heiminn á
miðvikudag í dýragarðinum í Krefeld
í Þýskalandi. Myndin er tekin daginn
eftir fæðinguna. NORDICPHOTOS/AFP
Auglýsingasími
– Mest lesið
BANDARÍKIN, AP Barnaníðingurinn,
sem alþjóðalögreglan Interpol
lýsti eftir í vikunni, var í fyrra-
kvöld handtekinn í New Jersey í
Bandaríkjunum. Ronald Noble,
yfirmaður Interpol, segir árangur-
inn af myndbirtingu í fjölmiðlum
vera „ótrúlega góðan“.
Níðingurinn er 58 ára gamall
leikari, Wayne Nelson Corliss að
nafni, en gengur einnig undir lista-
mannsnafninu Casey Wayne. Hann
var handtekinn skömmu eftir mið-
nætti í Union City í New Jersey.
Alþjóðalögreglan Interpol hafði
undir höndum fjöldann allan af
myndum af þessum manni þar
sem hann sást níðast kynferðis-
lega á ungum drengjum. Myndirn-
ar fundust í tölvu í Noregi, en ekki
var vitað hver maðurinn var.
Interpol brá á það ráð að birta
mynd af honum opinberlega á
þriðjudag í þeirri von að einhver
bæri kennsl á manninn, og fljót-
lega bárust sterkar vísbendingar
sem leiddu til handtöku aðeins
tveimur dögum síðar.
Noble segir Interpol nú íhuga að
beita þessari aðferð á fleiri eftir-
lýsta glæpamenn, ekki aðeins
barnaníðinga heldur einnig hættu-
lega menn.
„Ég er sannfærður um að fleira
fólk, sem hefur tekið myndir af
sjálfum sér við að misnota börn
fari að hugleiða það að gefa sig
fram,“ sagði Noble. - gb
Myndbirting Interpol á bandarískum barnaníðingi bar árangur:
Barnaníðingur handtekinn
WAYNE NELSON CORLISS Bandaríska
lögreglan hafði hendur í hári hans stuttu
eftir miðnætti á fimmtudag.
FRÉTTABLAÐIÐ/AP
RÚSSLAND, AP Rússar og Banda-
ríkjamenn hafa undirritað
samning um samstarf að
borgaralegri nýtingu kjarnorku.
Samkvæmt samningnum fá
ríkin gagnkvæman aðgang að
sérfræðiþekkingu á sviði
kjarnorkuvinnslu.
Samvinna Rússa og Bandaríkj-
anna í kjarnorkumálum hefur
verið lítil á síðustu árum, ekki
síst vegna ágreinings um það
hve mikil hætta stafar af
kjarnorkuvinnslu í Íran.
Bandaríkin hafa gert sam-
bærilegan samning við Kína og
fleiri ríki.
- gb
Rússland og Bandaríkin:
Nýr samningur
um kjarnorku