Fréttablaðið - 09.05.2008, Side 42

City Surfer-hjól eru ný og handhæg
samgöngutæki. Þau henta vel í stutta
túra innanbæjar og eins á ferðalögum
enda má fella þau saman svo lítið fari
fyrir þeim.
Hermann Fannar Valgarðsson og Valdi-
mar Geir Halldórsson reka fyrirtækið Trail
around Iceland, sem býður City Surfer-hjól-
in til leigu og sölu. Þau eru framleidd í Kína
en sams konar hjól njóta vaxandi vinsælda í
stórborgum víða um heim. Þetta eru létt og
þægileg hjól sem eru þeim eiginleika gædd að
hægt er að fella þau saman þannig að lítið fari
fyrir þeim. Þau eru því tilvalin á ferðalögum
og komast vel fyrir í bílskotti.
„Við sjáum fyrir okkur að ferðamenn og
aðrir áhugasamir geti nýtt sér þessi hjól
innan bæjar og verðum með leigu bæði í
Reykjavík og á Akureyri. Þá eru hjólin einnig
til sölu en þau má hæglega taka með sér í
ferðalög. Þá þarf engan krók aftan á bílinn
heldur má bara fella þau saman og skella
þeim í skottið,“ útskýrir Valdimar.
„Hjólin eru til dæmis
sniðug fyrir húsbílaeig-
endur, sem geta kippt þeim
með í fríið. Þá er hægt að kanna
næsta nágrenni við áfangastaðina
með stuttum hjólatúr án þess að
þurfa endilega að fara í spandex-
gallann,“ bætir
Hermann við.
Hægt er
að fella hjól-
in saman
með tveimur
handtökum. Pe-
dalarnir eru felldir inn og grindin brotin
saman þannig að dekkin verði samhliða. Þá er
auðveldlega hægt að taka hnakkinn og stýrið
af ef hjólið þarf að taka enn minna pláss.
Hermann segir hjól sem þessi njóta vin-
sælda í stórborgum víða um heim þar sem
fólk þarf að leggja langt frá vinnu. „Þá
eru margir með svona hjól í skottinu og
hjóla síðasta spölinn,“ segir hann og tekur
dæmi af sams konar aðstæðum hér heima.
„Hafnfirskur félagi minn lenti í stökustu
vandræðum á leið til vinnu á meðan vörubíla-
mótmælin stóðu sem hæst. Hann var á leið
til Reykjavíkur en sat pikkfastur í Garðabæ.
Hann brá á það ráð að sækja hjólið í skottið og
hjóla í vinnuna á meðan sambýliskona hans,
sem vinnur í Garðabæ, hélt leiðar sinnar á
bílnum.“
Hermann og Valdimar segja hjólin einnig
tilvalinn kost nú þegar eldsneytisverð nær sí-
fellt nýjum hæðum. „Ef lítrinn fer upp í 300
krónur kostar um bil jafn mikið að fylla tank-
inn eins og að kaupa hjól,
sem er um leið mun um-
hverfisvænni ferðamáti.“
Hermann og Valdimar verða
með hjólin til sölu og leigu á
Hljómalindarplaninu við Lauga-
veg í sumar en þau verður
einnig hægt að leigja á göngu-
götunni á Akureyri.
Fram að því má nálg-
ast hjólin með því
að senda póst á
netfangið trail-
iceland@trail-
iceland.com.
- ve
9. MAÍ 2008 FÖSTUDAGUR6 ● fréttablaðið ● heilsa og lífsstíll
Valdimar og Hermann verða með hjólaleigu og -sölu á Hljómalindarplaninu í sumar. FRÉTTABLAÐIÐ/GVA
Hjól sem lítið fer fyrir
Hægt er að
fella hjólið saman
á einfaldan hátt. Pedal-
ar eru felldir inn og
grind brotin saman svo
dekkin verði samhliða.