Fréttablaðið - 29.05.2008, Síða 46

29. MAÍ 2008 FIMMTUDAGUR10 ● fréttablaðið ● vesturland
Flatey er perla Breiðafjarðar.
MYNDIR/FRANK BRADFORD OG KRISTINN MAGNÚSSON.
Hótel Flatey tekur fallega á móti fólki.
Varla er völ á ferskara fæði en skelfiski beint úr Breiðafirðinum.
Hér virðir Svanborg Siggeirsdóttir fyrir sér Látrabjarg.
Óviðjafnanlegt fuglalíf, eyðibyggðir og óspillt
náttúra eru meðal þess sem farþegar fá að kynn-
ast í fjögurra daga ævintýrasiglingu Sæferða um
Breiðafjörð. Aðalbækistöð er Hótel Flatey.
„Ef fólk vill kynnast algerlega ósnortinni náttúru er
þetta ferðin,“ segir Svanborg Siggeirsdóttir, starfs-
maður Sæferða, um fjögurra daga ferð sem fyrirtækið
býður upp á í fyrsta sinn í ár. Svanborg segir hana hafa
verið í undirbúningi um skeið og einkum markaðs setta
erlendis. „Við siglum á Brimrúnu,“ segir hún aðspurð.
„Það skip má taka 120 farþega en þetta eru lúxus ferðir
fyrir fáa í einu, svona 15 til 20 manns.“
Aðallúxusinn segir Svanborg felast í móttökum og
viðurgjörningi í Hótel Flatey en þar er hvílst og gist
í ferðinni, snæddur morgunverður og dýrindis kvöld-
verður. Að sjálfsögðu er farið í kirkjuna í Flatey og
fleira markverkt skoðað í eynni. „Fólk fær notið
einstakra þæginda á kvöldin og nóttunni og svo horfið
aftur til fortíðar á daginn og fræðst um lifnaðarhætti
fólks á fyrri tíð. Þá er færi rennt í sjó, siglt milli eyj-
anna og fuglalífið skoðað,“ lýsir hún. „Einnig er farið
í land á Svínanesi á sunnanverðum Vestfjörðum. Þar
er gengið upp á hæð og það er sama hvert litið er, ekk-
ert byggt ból er að sjá. Hins vegar má búast við að
villta refi beri fyrir augu og jafnvel örn. Svo er siglt
undir Látrabjargið og farið í bað í heitri náttúrulaug
við Brjánslæk. Í Suðureyjaferð er sýnishorn af botn-
dýralífinu lagt á borð. Þar geta ferðalangar skoðað og
smakkað skelfisk og varla er völ á ferskari matvælum.
Andstæðunni kynnast þeir svo í Bjarnarhöfn þar sem
staldrað er við í bakaleið og smakkað á hákarli og
harðfiski. Allt er þetta eitt stórt ævintýri.
Margir ferðamenn hafa prófað ótal ólíka hluti en
þarna finna þeir eitthvað nýtt,“ fullyrðir Svanborg
að lokum og bendir á heimasíðu fyrirtækisins www.
saeferdir.is. - gun
Ævintýri og einstök þægindi