Fréttablaðið - 05.06.2008, Qupperneq 2

2 5. júní 2008 FIMMTUDAGUR
Árni, áttu þeir aldrei, aldrei,
aldrei, aldrei, aldrei að vinna
á ísbirninum?
„Ég held að þetta geti reynst okkur
bjarnargreiði.“
Náttúruverndarsamtök Íslands gagnrýndu
að ísbjörninn í Skagafirði hafi verið
felldur og segja að það vanti viðbragðs -
áætlun fyrir svona tilfelli. Árni Finnsson er
formaður Náttúruverndarsamtakanna.
Opið virka daga frá kl. 10 til 18
og á laugardögum frá kl. 12 til 16
Bílaland B&L, Grjóthálsi 1 - 110 Reykjavík
575 1230 - luxusbilar@bilaland.is. 575 1230
INNFLUTTUR
OG ÞJÓNUSTAÐUR
AF UMBOÐI
L.R. DISCOVERY 3 HSE Diesel
Nýskr: 03/2006, 2700cc, 5 dyra,
sjálfskiptur, svartur, ekinn 75.000 þ.
Verð: 7.190.000
DÓMSMÁL Ásgeiri Davíðssyni, eig-
anda súlustaðarins Goldfinger í
Kópavogi, hefur verið dæmd ein
milljón króna í miskabætur vegna
umfjöllunar um meint mansal á
staðnum í tímaritinu Ísafold.
Jón Trausti Reynisson, þáver-
andi ritstjóri Ísafoldar, og blaða-
maðurinn Ingibjörg Dögg Kjart-
ansdóttir eru dæmd til að greiða
bæturnar, málskostnað og 300 þús-
und krónur fyrir birtingu dómsins
í dagblöðum.
Öll ummæli í greininni um man-
sal og tengsl Ásgeirs við mafíuna
eru dæmd dauð og ómerk, en þó er
sýknað fyrir bróðurpart þeirra
ummæla sem stefnt var vegna.
Málinu verður áfrýjað og
Hreinn Loftsson hefur tekið að sér
að verja Jón Trausta og Ingibjörgu
Dögg fyrir Hæstarétti. Hreinn er
stjórnarformaður Birtings,
útgáfufélags Ísafoldar, sem hefur
sameinast Nýju lífi undir ritstjórn
Ingibjargar, og útgáfufélags DV,
sem Jón Trausti ritstýrir. Hreinn
hefur ekki stigið fæti í Hæstarétt
sem lögmaður árum saman. En nú
blöskrar honum.
„Mér rennur blóðið til skyld-
unnar að reyna að gera eitthvað til
að stöðva þessa vitleysu,“ segir
Hreinn. Hann telur að með dómn-
um sé vegið alvarlega að tjáning-
arfrelsinu og er bjartsýnn á að
honum fáist hnekkt. „Ég tel að
þarna hafi dómarinn slegið alvar-
lega feilnótu sem verður að leið-
rétta.“ - sh / sjá síðu 58
Ritstjóri og blaðamaður Ísafoldar dæmdir fyrir grein um mansal á súlustað:
Geiri á Goldfinger fær milljón
KÁTUR SÚLUKÓNGUR Ásgeir var að
vonum ánægður með að ummælin
væru dæmd dauð og ómerk.
FRÉTTABLAÐIÐ/ANTON
BRUSSEL, AP Um 400 sjómenn frá
Frakklandi, Ítalíu, Spáni og
Portúgal lokuðu í gær fyrir
umferð um þá götu í Brussel þar
sem flestar skrifstofur Evrópu-
sambandsins eru til húsa til að
vekja athygli á kröfum sínum
um að sambandið grípi til
aðgerða til að milda áhrif
hækkaðs olíuverðs á lífsafkomu
þeirra.
Patrick Tabone hjá skrifstofu
sjávarútvegsstjóra ESB mælti
með því að útgerðarmenn sættu
sig við kröfur um niðurskurð
veiðigetu fiskiskipaflotans til að
vinna gegn ofveiði og draga úr
kostnaði. - aa
Sjómenn mótmæla í Brussel:
Krefjast aðgerða
vegna olíuverðs
Ísl. Stærðfr. Enska
Reykjavík 6,8 6,1 7,1
SV kjördæmi 6,9 6,3 7,1
NV kjördæmi 6,5 5,3 6,5
NA kjördæmi 6,6 5,5 6,7
Suðurkjördæmi 6,2 5,0 6,5
Landið allt 6,7 5,8 6,9
Meðaltal eftir landshlutum úr
samræmdum prófum í 10. bekk
FJÖLMIÐLAR Umfjöllun um
hvítabjörninn sem felldur var í
Skagafirði í fyrradag hefur ratað
á síður erlendra fjölmiðla. Í Mail
Online er fyrirsögnin að fyrsti
hvítabjörninn sem leggi leið sína
til Íslands í fimmtán ár hafi verið
skotinn fyrir framan áhorfendur.
Í Berlingske tidende segir að
hvítabirninum sem var þreyttur
eftir sund frá Grænlandi hafi
ekki verið til setunnar boðið á
Íslandi heldur hafi yfirvöld gefið
tilmæli um að skjóta þreyttan
ferðalanginn. - jse
Erlendir fjölmiðlar:
Drepinn í viður-
vist áhorfenda
MENNTUN Nemendur í tíunda bekk
sem luku námi frá grunnskólum
landsins með samræmdum
prófum í vor fengu að meðaltali
6,23 í einkunn.
Af töflum Námsmatstofnunar
má lesa að besta meðalárangrin-
um í stærðfræði, íslensku og
ensku náðu nemendur í Suðvest-
urkjördæmi. Síst gekk hjá
nemendum í þessum kjarnagrein-
um í Suðurkjördæmi. - gar
Íslensk grunnskólabörn:
Brautskráð með
einkunnina 6,23
SJÁVARÚTVEGUR Þorskkvótinn verður ekki minnkað-
ur í samræmi við veiðiráðgjöf Hafrannsóknastofn-
unar, segir Einar K. Guðfinnsson sjávarútvegsráð-
herra.
Hafrannsóknastofnun kynnti veiðiráðgjöf sína í
gær. Tillögur stofnunarinnar gera ráð fyrir
niðurskurði þorskkvóta um 6.000 tonn miðað við
núverandi kvóta, úr 130.000 tonnum í 124.000 tonn.
Ríkisstjórnin hafði hins vegar áður búið til
aflareglu sem gerir ráð fyrir 130.000 tonna kvóta
að lágmarki. Sjávarútvegsráðherra staðfesti svo í
gær að þeirri stefnu yrði fylgt.
Einar segir tillögur Hafrannsóknastofnunar hafa
verið fyrirsjáanlegar. „Það kemur í sjálfu sér
ekkert á óvart í þessum tillögum. Skýrsla stofnun-
arinnar frá því í fyrra gaf okkur vísbendingar um
hver stærð viðmiðunarstofnsins yrði. Jákvæðu
tíðindin eru þau að það er meiri vöxtur í hrygning-
arstofnunum en menn höfðu gert ráð fyrir. Það
ætti að skila okkur jákvæðum afrakstri þegar
fram í sækir,“ segir Einar.
Tillögur Hafrannsóknastofnunar gera einnig ráð
fyrir að
dregið verði úr afla á ýsu úr 95 þúsund tonnum í
83 þúsund tonn, og að aflamark á ufsa lækki úr 60
þúsund tonnum í 50 þúsund tonn.
Þá er lagt til að veiði á humri verði aukin úr 1900
tonnum í 2200 tonn. - kg
Veiðiráðgjöf Hafrannsóknastofnunar gerir ráð fyrir 6.000 tonna niðurskurði:
Þorskkvótinn ekki minnkaður
EINAR K. GUÐFINSSON Sjávarútvegsráðherra mun ekki minnka
þorskkvóta í samræmi við veiðiráðgjöf Hafró.
BJÖRNINN Í HEIMSPRESSUNNI Í Mail
Online segir að fyrsti hvítabjörninn sem
synt hafi til Íslands í fimmtán ár hafi
verið skotinn fyrir framan áhorfendur.
DÝRALÍF Talsvert hefur verið um að
fólk hafi tekið unga sem fallið hafa
úr hreiðrum og farið með þá í Fjöl-
skyldu- og húsdýragarðinn. Það
getur þó verið hættulegt fyrir ung-
ana og dregið mjög úr lífslíkum
þeirra. Fremur á að leyfa þeim að
vera. Þetta segir
Tómas Óskar Guð-
jónsson, forstöðu-
maður Fjölskyldu-
og
húsdýragarðsins.
„Það er á þess-
um árstíma sem
ungar eru að klekj-
ast úr eggjum og
komast á legg.
Gríðarlega mikið
er um að fólk
„bjargi“ ungum sem falla úr hreiðr-
um, og jafnvel hlaupi þá uppi. Fólk
telur sig vera að gera góða hluti, en
er í raun að minnka lífslíkur ung-
anna til muna. Við viljum eindregið
hvetja fólk til þess að láta fuglana
vera,“ segir Tómas. „Að sjálfsögðu
tökum við þó á móti ungum í brýnni
neyð, til dæmis hafi verið keyrt yfir
móður þeirra. Þá má koma með þá í
Húsdýragarðinn og við tökum niður
upplýsingar um fundarstaðinn, hver
hafi fundið þá og fleira.“
Krakkarnir á Vitastíg 20 fundu
unga í garðinum hjá sér sem fallið
hafði úr hreiðri sínu. Bryndís Ólafs-
dóttir, móðir Margrétar Nínu Geirs-
dóttur, varð vitni að fundinum:
„Þetta var voðalega spennandi og
mikið ævintýri fyrir krakkana. Ég
held að þetta hafi verið starra- eða
þrastarungi,“ segir hún. Þau brugð-
ust réttilega við og leyfðu unganum
að vera. gunnlaugurh@frettabladid.is
Ungarnir eiga að bíða
eftir mömmu sinni
Forstöðumaður Fjölskyldu- og húsdýragarðsins mælir ekki með því að fólk
„bjargi“ fuglsungum sem fallið hafa úr hreiðri og taki þá í garðinn. Það getur
stefnt lífi ungans í hættu. Heldur á að bíða eftir því að móðir sæki ungann.
EVA ULRIKE SCHMIDHUBER Mælir ekki með því að farið sé með unga sem hafa fallið
úr hreiðrum sínum í Húsdýragarðinn. FRÉTTABLAÐIÐ/GVA
BRYNDÍS
ÓLAFSDÓTTIR
MARGRÉT NÍNA OG EINAR STEINN Krakkarnir fundu unga í garðinum sínum. Þau
brugðust rétt við og leyfðu honum að vera.
SLÖKKVILIÐ Konu á Hávallagötu
tókst að slökkva eld í potti með því
að fleygja yfir hann eldvarnar-
teppi síðdegis í gær. Samkvæmt
upplýsingum frá slökkviliði sem
kallað hafði verið á vettvang var
konan með barn á handleggnum
þegar hún réði niðurlögum eldsins.
Slökkviliðsmenn fóru í Hafnar-
fjarðarhöfn laust fyrir fjögur í
gær vegna nokkur hundruð lítra af
olíu sem láku í sjóinn við togarann
Víði. Stóð á endum að þegar olían
hafði verið þrifin upp barst
tilkynning um eld í mannlausu húsi
þar í höfninni. Hann var slökktur.
- gar
Hetjudáð á Hávallagötu:
Slökkti eld með
barn í fanginu
LÖGREGLUMÁL Mildi þykir að ekki
urðu alvarleg slys á fólki þegar
trukkur með tengivagn valt á
veginum frá Vesturlandsvegi að
Álfsnesi um klukkan 16 í gær.
Trukkurinn var fullhlaðinn og vó
um 45 tonn.
Ökumaður hlaut höfuðáverka
þegar bíllinn valt eina og hálfa
veltu. Var hann fluttur á
slysadeild. Ekki er talið að
meiðsli hans séu alvarleg, en
lögregla hafði ekki enn tekið af
honum skýrslu í gærkvöldi. - kg
Bílvelta á Vesturlandsvegi:
Valt með 45
tonna farm
Ölvaður og ökuréttindalaus ökumað-
ur var tekinn á 171 kílómetra hraða
á Suðurlandsvegi í gær. Minnstu
munaði að maðurinn keyrði framan á
lögreglubílinn sem stöðvaði hann.
LÖGREGLUMÁL
Ölvaður í ofsaakstri
SPURNING DAGSINS