Fréttablaðið - 05.06.2008, Qupperneq 46

4 ● tíska&lífsstíll
Hjólabrettaverslunin Reykjavík
Skateshop verður opnuð í Veltu-
sundi 1 í dag klukkan 16 en hún er
í kjallara veitingastaðarins Einars
Ben. Megináhersla er lögð á hjóla-
bretti og þann búnað sem fylg-
ir hjólabrettaiðkun. Má þar nefna
hjálma, hlífar, skó og fatnað. Meðal
merkja eru Créme, Kr3w, Supra,
Independent og Santa Cruze svo
einhver séu nefnd.
Búðin er vel staðsett með til-
liti til þess að hjólabrettaiðkendur
halda mikið til á Ingólfstorgi. „Við
vonumst ekki til þess að bretta liðið
líti við heldur ætlumst til þess,“
segir annar eigendanna, Sigurður
Árni Jósefsson, glaður í bragði.
Sigurður stendur á bak við búð-
ina ásamt Kristjáni Þór Gústafs-
syni en þeir reka einnig „street-
wear“-verslunina Noland á Lauga-
vegi 32 sem var opnuð fyrir um
mánuði. Í Noland eru örlítið aðrar
áherslur en þar má finna buxur,
boli, skyrtur, jakka og skó á karl-
menn. „Innan tíðar munum við
bæta stelpufötum við,“ segir Sig-
urður.
Þeir Kristján og Sigurður eru
engir nýgræðingar í verslunar-
rekstri en Sigurður opnaði Hol-
una á Akureyri fyrir tólf árum.
Hann rak einnig Týnda hlekk-
inn á Laugavegi en búðirnar voru
báðar með brettavörur og tengdan
fatnað. Kristján starfaði hjá NTC-
verslunarkeðjunni í ellefu ár og
þekkir götutísku því vel.
Undirheimar brettafólks
● Verslun með hjólabretti og tengdan búnað opnuð neðanjarðar í hjarta Reykjavíkur í dag.
Þeir Sigurður Árni Jósefsson og Kristján Þór Gústafsson, eigendur Reykjavík Skat-
eshop og Noland, hafa áralanga reynslu af verslunarrekstri. Reykjavík Skateshop
opnar í dag klukkan fjögur.
Kr3w-peysa
á12.990
krónur.
Lilja Dögg Gylfadóttir kennari hefur fundið sína leið til að byggja
sig upp jafnt andlega sem líkamlega.
„Ég fer í jóga tvisvar til þrisvar í viku og svo hef ég líka verið
í annarri leikfimi með því. Á sumrin fer ég út að ganga og hreyfi
mig með fjölskyldunni. Ég upplifði það í vetur að mér fannst það
vera griðastund að fara í jóga og þar náði ég að gleyma stað og
stund,“ segir Lilja Dögg sem finnst jóga mikil hvíld fyrir hugann
frá amstri dagsins.
„Mér hefur stundum þótt
þetta jafnast á við góða sál-
fræðimeðferð en Auður
jógakennari hjá Lótus jóga-
setri er líka einstök. Auk
þess að vera líkamsrækt
þá er þetta sjálfsstyrking
og kennir manni að vera
sáttur við sjálfan sig,“ út-
skýrir Lilja Dögg og bætir
við að einnig skipti máli að
jóga er engin keppni held-
ur geri hver og einn eins vel
og hann getur. „Maður er
þarna bara fyrir sjálfan sig
á sínum eigin forsendum.“
Auk þess að vera íhugun
getur jóga líka tekið veru-
lega á líkamlega. „Ég kem
heim með harðsperrur og
þess háttar,“ segir Lilja
Dögg kímin en hún byrj-
aði í meðgöngujóga sumar-
ið 2006 og fór í framhaldi
af því í mömmujóga og kundalini-jóga. „Þegar barnið var svona
tveggja mánaða upplifði ég að mér hafði ekki liðið svona vel í lang-
an tíma. Ég fann fyrir miklu jafnvægi og þroska. Maður temur
sér að lifa meira í núinu og vera sáttur við sjálfan sig. Eða eins
og Auður segir svo oft: Þú ert nú þegar allt sem þú þarft að vera,“
segir Lilja Dögg ánægð og bætir við að jóga hafi hjálpað henni í
samskiptum og að takast á við erfiðleika. - hs
Ræktar líkama og sál
Lilja Dögg segist þrífast best með því að
rækta sjálfa sig og að þannig geti hún
gefið meira af sér. Hún er auk þess mikill
náttúruunnandi og nýtur þess að fara með
fjölskyldunni í gönguferðir. FRÉTTABLAÐIÐ/RÓSA
Á laugardaginn munu fé-
lagarnir standa fyrir bretta-
móti á Ingólfstorgi í tilefni
af opnun Reykjavík Skate-
shop ásamt því að gleðjast í
búðinni. - ve
Kr3w-buxur
á 10.900
krónur.
Supra-skór á 11.900 krónur.
Supra-skór á
13.900 krónur.
● Í eldhúsinu leynast ýmis fegurðarmeðul og eru græn-
meti og ávextir kjörin til að hressa upp á útlitið. Klass-
ískt er að leggja gúrkusneiðar yfir augun
en safinn úr þeim frískar
augun, gefur þeim raka og
endurnærir. Ódýr og einföld
lausn fyrir þreytt augu.
Lífrænn augnmaski
5. JÚNÍ 2008 FIMMTUDAGUR