Fréttablaðið - 05.06.2008, Síða 72

48 5. júní 2008 FIMMTUDAGUR
SKÍRNIR, vorheftið 2008, er komið út. Ritstjóri er Halldór Guð-
mundsson. Meðal efnis er ritgerð
eftir Pál Skúlason um Menningu og
markaðshyggju, Kristín Þórarinsdóttir
skrifar um List og listsköpun Steins
Steinars á tilurðarárum Tímans og
vatnsins, Jón
Karl Helga-
son fjallar
um Vikivaka
eftir Gunnar
Gunnarsson,
Viktor Smári
Sæmundsson
og Sigurður
Ingólfsson
gera grein
fyrir rann-
sóknum
sínum á
meintum
fölsunum
í fölsunarmálinu, Gunnar Karlsson
skrifar um sagnfræði og sannleik,
Ásta Kristín Benediktsdóttir fjallar
um Dægurvísu Jakobínu Sigurðar-
dóttur og Gísli Sigurðsson um sögu
Guðmundar ríka. Þá eru skrif í ritinu
um íslam auk umsagna um bækur,
ljóð eftir Matthías Johannessen og
myndlistarmaður þessa heftis er
Hreinn Friðfinnsson. Heftið er 275
síður að lesmáli.
Tímarit Máls og menningar er komið út og er það annað hefti
69. árgangs. Þar birtir Vilborg Dag-
bjartsdóttir fjórtán hækur til heiðurs
Helga Hálfdanarsyni, Aðalbjörg
Bragadóttir fjallar um Flateyjargátu
Viktors Arnar Ingólfssonar, Úlfhildur
Dagsdóttir skrifar um myndasögur
og sögur í
myndum,
Grete Cox
segir af
kynnum
sínum af
Málfríði
Einarsdóttur,
Stefán Sig-
urkarlsson
skrifar minn-
ingabrot úr
Hólmanesi,
Magnús Karl
Pétursson
læknir segir frá ferðum sínum um
Miðjarðarhafslönd 1955-6, Bragi Þor-
grímur Ólafsson fjallar um deilur um
lestur rómana á síðari hluta 19. aldar.
Þá eru birt í heftinu sögubrot og ljóð
eftir Guðrúnu Hannesdóttur, Jón Atla
Jónasson, Óttar Norðjörð, Ögmund
Bjarnason og fleiri, auk umræðu um
menningarvettvanginn. Heftið er 144
síður að lesmáli og er útgefandi Mál
og menning en ritstýra Silja Aðal-
steinsdóttir.
Ritið: 2-3/2007 er komið út í ritstjórn Gauta Kristmundsson-
ar og Ólafs Rastrick. Það er helgað
innflytjendum. Eiga Guðfríður Lilja
Grétarsdóttir, Viðar Þorsteinsson, Jón
Magnús-
son, Sverrir
Jakobsson
og Stefanía
Óskarsdóttir
skoðana-
skipti um
innflytj-
enda“vand-
ann“.
Þemagreinar
tengjast
sama efni
og eru eftir
Jón Ólafsson,
Eirík Bergmann Einarsson, Unni Dís
Skaptadóttur og Önnu Wojtynska,
Ástríði Stefánsdóttur og Björgu Hjart-
ardóttur. Þá eru í heftinu myndverk,
þýðingar og greinar um bækur,
heimspeki og sögu, bréf frá Bríeti
Bjarnhéðinsdóttur og fleira. Hugvís-
indastofnun Háskóla Íslands gefur út.
Annað hefti Sjónaukans er komið út. Ritstjórar og útgefendur eru
þær Anna Júlía Friðbjörnsdóttir og
Karlotta Blöndal. Heftið er helgað
hinu ljóð-
ræna og birtir
Eva Heisler
þar ritgerð
um hið ljóð-
ræna í kons-
eptinu, Marita
Muukkonen
um listastofn-
anir og þjóð-
ernishyggju,
og Oddný
Eir Ævarsdóttir fer á flakk með Hreini
Friðfinnssyni. Í heftinu er viðtal við
Hans Ulrich Obrist og Sharon Hayes.
Birt eru óbirt verk auk fastra liða.
Tíamritið er ríkulega myndskreytt og í
stóru broti, 23 x 28 sm. 92 síður.
NÝ TÍMARIT
Listasafn Árnesinga í
Hveragerði hýsir um þessar
mundir sýningu á verkum
eftir Magnús Kjartansson
myndlistarmann sem lést árið
2006. Á sýningunni, sem er
liður í dagskrá Listahátíðar í
Reykjavík, eru 43 verk sem
Magnús vann á pappír milli
áranna 1982 og 1988 og hafa
aðeins fáein af þessum
verkum áður verið sýnd. Í
þeim má rekja tilraunir
Magnúsar með ýmsar
ljósprentsaðferðir sem gerðu
honum kleift að þrykkja hluti,
myndir og jafnvel eigin
líkama beint á pappírinn.
Næstkomandi laugardag á
milli kl. 12.30 og 15.30 verður
haldið stutt málþing um verk
Magnúsar og viðfangsefni
hans. Málþinginu stýrir Jón
Proppé, sýningarstjóri
sýningarinnar. Aðrir frum-
mælendur verða Aðalsteinn
Ingólfsson listfræðingur,
Halldór Björn Runólfsson,
forstöðumaður Listasafns
Íslands, Snorri Ásmundsson
myndlistarmaður og Þóra Þórisdóttir, myndlistar-
maður og gagnrýnandi.
Verkin á sýningunni marka mikið umbrotatíma-
bil í list Magnúsar þar sem hann reiddi sig minna á
fágun og formtækni en áður og gekk nær sjálfum
sér, bæði í myndefninu og aðferðunum við gerð
myndanna. Magnúsi lynti ekki
alltaf við samtíð sína en
margt í list hans kallast á við
verk yngri íslenskra lista-
manna, einkum hvað varðar
sjálfsskilning listamannsins
og líkamlega nálægð í
verkunum. Líkamleg tjáning í
þessum verkum er sterk og
þar birtast handa- og jafnvel
fótaför innan um ágengar
táknmyndir svo tjáning þeirra
er einna líkust dansi og
sterkir litir og kröftug
teikning draga áhorfandann
nær.
Á málþinginu verður tekið á
þessum viðfangsefnum
Magnúsar, leitast við að skoða
þau í ljósi samtímalistarinnar
og skýra listsögulegt sam-
hengi þeirra. Þar verður því
bæði fjallað um verk Magnús-
ar sjálfs og um ýmsar
hliðstæður í myndlistinni,
einkum eins og þær birtast í
verkum yngri íslenskra
listamanna. Einnig verður
rætt um listpólitík og
möguleika listamanna á
Íslandi til að þroskast í list sinni, en um það hafði
Magnús sterkar skoðanir. Frummælendur munu
halda stutt framsöguerindi en áhersla verður síðan
lögð á opnar og fjörugar umræður með gestum.
Málþingið er öllum opið og aðgangur er ókeypis.
- vþ
Málþing um verk Magnúsar
LJÓSPRENT MAGNÚSAR Eitt af verkunum sem sjá
má í Listasafni Árnesinga.
Í sýningarrýminu Skotinu í Ljósmyndasafni Reykjavíkur verður
opnuð í dag sýningin Leigjendurnir eftir ljósmyndarann og mynd-
listarmanninn Anne Kathrin Greiner. Viðfangsefni sýningarinnar er
yfirgefin herstöð á Íslandi, en myndirnar eru allar teknar á herstöð-
inni í Keflavík stuttu eftir að íbúar hennar yfirgáfu hana og fluttu
aftur til síns heima.
Í verkum
sínum fæst
Anne Kathrin
gjarnan við þau
veraldlegu og
hversdagslegu
svæði sem svo
oft er litið fram
hjá en sem þrátt
fyrir það hafa
bolmagn til að
vekja upp
umræður um
reynsluheim og
minningar bæði
einstaklingsins
og heildarinnar.
Um leið eru þau
hvatning til þess
að fólk velti
fyrir sér hinu
liðna og
tengingu þess
við samtímann.
Meðal annarra
hugðarefna
hennar eru
menningarleg staða í umhverfi samtímans sem og landamæri og
þröskuldar bæði í bókstaflegri merkingu og á myndhverfðan hátt.
Myndirnar fela í sér hugleiðingar sem tengjast missi, brotthvarfi,
ótta við nútímann, ofsóknaræði og arkitektúrnum í umhverfi okkar.
Hugmyndin um yfirgefna herstöð er notuð í sýningunni til að koma
á framfæri málefnum af þessu tagi sem eru bæði tímalaus og
alþjóðleg en sem um leið snúast að verulegu leyti um menningar-
lega og pólitíska spillingu í samtímanum.
Anne Kathrin Greiner býr og starfar í Berlín og London. Hún
hefur meistaragráðu í myndlist frá The Royal College of Art og
hefur verið með einkasýningar og tekið þátt í samsýningum víða um
heim. - vþ
Leigjendurnir fluttu út
TÓMLEGT Ein af ljósmyndum Anne Kathrin Greiner sem til
sýnis verður á Ljósmyndasafni Reykjavíkur.
GE kæliskáparnir eru öflugir, endingargóðir og glæsilega innréttaðir
Amerískir GE kæliskápar
TILBOÐ kr.: 219.900*