Fréttablaðið - 14.06.2008, Page 27

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Að setjast inn í Dodge Viperinn hjá Selfyssingn-
um Hafsteini Þorvaldssyni er svipuð tilfinning
og að smeygja sér í rússíbana sem rennur mjúk-
lega af stað en er svo til alls vís.
Viperinn hans Hafsteins er 510 hestöfl og með 10
sílindra 8,3 vél. Hann er sagður 3,9 sekúndur upp í
100 kílómetra hraða og er með hámarkshraða upp á
317. Dekkin eru hátt í hálfur metri á breidd, heita 345
og kosta hundrað þúsund kall stykkið. „Ég fann þenn-
an bíl á netinu og IB á Selfossi flutti hann inn. Hann
er af árgerð 2006 og bara keyrður 5500 kílómetra.
Mig hefur alltaf langað mest í Porche en Viperinn er
eins mikill alvörusportbíll og hægt er að fá,“ segir
Hafsteinn og útskýrir það nánar. „Þetta er bíll með
svakalega eiginleika fyrir þá sem kunna með hann að
fara. Hann liggur svo vel. Svo er hann fisléttur. Menn
geta náð flottum brautatímum á Porche þó þeir kunni
ekkert að keyra en þessi er hvorki með spólvörn né
skriðvörn þannig að aksturinn krefst leikni.“ Spurð-
ur hvort hann hafi einhverja aðstöðu til að spretta úr
spori svarar Hafsteinn: „Nei, það vantar alveg svæði
til að keyra svona bíla á en ég er punktalaus og hef
ekki verið tekinn fyrir of hraðan akstur. Maður fær
samt ekkert út úr svona bíl nema brjóta lög.“
Hafsteinn kveðst hafa bíladelluna í genunum, bæði
faðir hans, bróðir og afi séu haldnir henni líka. Hann
keypti Viperinn í fyrravor. „Það var á svipuðum tíma
og ég eignaðist tvíbura þannig að tímasetningn var
ekki sú besta,“ segir hann pínu vandræðalegur og
kveðst lítinn tíma hafa til að keyra gæðinginn því
hann reki garðþökusölu og þar sé brjálað að gera á
sumrin. „En bíladellan snýst um svo margt annað en
keyra,“ segir hann. „Hluti af henni felst í að horfa á
bílana.“ gun@frettabladid.is
Snýst um fleira en að keyra
FR
ÉT
TA
B
LA
Ð
IÐ
/A
R
N
ÞÓ
R
Þótt Hafsteinn sé veikur fyrir hraðskreiðum bílum hefur hann aldrei
verið tekinn fyrir of hraðan akstur. Viperinn er af árgerð 2006.
FLOTT Í SÓLINNI
Gömlu gleraugun geta orðið
að flottum sólgleraugum ef
skipt er um gler í þeim.
Í Linsunni má líka kaupa
gleraugu úr gömlum lager
og láta breyta í sólgleraugu.
TÍSKA 4
LEIFSSAFN OPNAÐ
Leifssafn í Dölum verður
formlega vígt í sumar. Þar
verður ferðum þeirra feðga,
Eiríks rauða og Leifs Eiríks-
sonar, gerð skil í máli og
myndum.
FERÐIR 3
Allra síðustu sætin!
Heimsferðir bjóða frábært tilboð á síðustu sætunum til Montreal 6. og 13. júní. Þetta
er einstakt tækifæri til að njóta lífsins í þessari stórkostlega spennandi borg sem
er önnur stærsta borg Kanada. Í borginni mætast gamli og nýi timinn, rík sagan og
iðandi nýbreytnin á einstaklega skemmtilegan hátt. Það er frábært að skoða sig
um, versla og njóta lífsins í Montreal; fallegar byggingar, endalaust úrval verslana
og veitingastaða og mjög hagstætt verðlag. Gríptu tækifærið og smelltu þér til
Montreal og njóttu þess besta sem þessi spennandi heimsborg hefur að bjóða.