Fréttablaðið - 14.06.2008, Síða 29

LAUGARDAGUR 14. júní 2008 3
Sögusvið Laxdælu breiðir úr
sér í Dalabyggð og þessa dag-
ana er verið að merkja sögu-
slóðir í máli og myndum víðs
vegar um sveitina.
„Við erum lítið en merkilegt sveit-
arfélag þar sem sögusvið Lax-
dælu breiðir úr sér. Nú erum við
einmitt að merkja þessar sögu-
legu slóðir Laxdælu víðs vegar
um sveitarfélagið,“ segir Helga
H. Ágústsdóttir, ferða-, menning-
ar-, og markaðsfulltrúi Dala-
byggðar, sem kallar Dalina vöggu
landafundanna.
„Eiríkur rauði bjó hér er hann
nam Grænland og Leifur sonur
hans sem fann Ameríku fyrstur
manna. Hér erum við með rústir
Eiríksstaða, frá árinu 970-980 og
hér rekum við lifandi safn í full-
gerðum víkingaskála sem er
nákvæm endurgerð rústanna.
Þannig getur fólk sett sig inn í
stemningu sögualdar með því að
setjast við langeldinn og hlusta á
sagnamennina okkar. Síðan ætlum
við að opna sýningu Vínlands og
landafunda í byrjun sumars í
Leifssafni, sem verður þá form-
lega vígt. Þar verður ferðum
þeirra feðga gerð skil í máli og
myndum,“ útskýrir Helga og
nefnir einnig aðra merka menn
nær okkar tíma. „Skáldunum
Steini Steinarri, Stefáni frá Hvíta-
dal og Sturlu Þórðarsyni verður
hér reistur minnisvarði í sumar.
Síðan er hér bæði æðarsetur og
golfvöllur á teikniborðinu svo
eitthvað sé nefnt. Einnig stefnum
við á að fara í Green Globe-vott-
unarferlið á næstunni, enda hrein
og óspillt náttúra, engar verk-
smiðjur og fjölbreytt fuglalíf,“
lýsir Helga og bætir við að alltaf
sé hægt að sjá erni á flugi.
Dalirnir hafa heillað fjölda
erlendra ferðamanna, en einnig
fjölmiðlafólk hvaðanæva.
„Erlendar sjónvarpssöðvar á borð
við BBC, Discovery, National
Geographic, japanska sjónvarp-
inu og fjölda kvikmyndagerðar-
manna hafi komið við í Dölunum.
Auk þess sem heilsíðugrein í New
York Times um heimsókn á Eiríks-
staði birtist fyrir nokkrum
árum.“
Framundan er síðan héraðs-
hátíð Dalamanna sem nefnist að
sjálfsögðu „Heim í Búðardal“ og
fer hún fram í júlí. Sjá nánari upp-
lýsingar á www.dalabyggd.is.
rh@frettabladid.is
Vagga landafunda
Börn og fullorðnir bregða á leik í Dölunum, þar sem saga víkinganna lifnar við.
Við eldinn geta ferðamenn hlustað á sagnamenn bjóða í ferðalag aftur í tímann.
Leifsbúð, safnahúsið í Búðardal tekur fagnandi á móti ferðamönnum í sumar.
Íslenski hesturinn ásamt víkingum. Búðardalurinn fagur, frá Skarðsströnd.
Farið verður í fuglaskoðun í
friðlandi Fuglaverndar í Flóa
í dag.
Einar Ó. Þorleifsson náttúrufræð-
ingur mun ganga með gestum um
friðland Fuglaverndar við ósa
Ölfusár, norðan við Eyrarbakka, í
dag, 14. júní. Gangan hefst klukk-
an 17 og tekur um tvær til þrjár
klukkustundir. Mæting er við
Stakkholt.
Fuglalífið í friðlandinu er nú í
hámarki og margt áhugavert mun
efalaust verða hægt að skoða í
gönguferðinni. Lómar á hverri
tjörn, syngjandi lóuþrælar, óðins-
hanar og endur svo eitthvað sé
nefnt. Einnig verður litið á gróð-
urinn.
Fuglaskoðunarhús Fuglavernd-
ar í friðlandinu í Flóa verður til
sýnis í gönguferðinni. Það verður
formlega tekið í notkun seinna í
sumar.
„Fólk á helst að taka með sér
kíki og vera í góðum skóm. Annað
hvort leðurskóm eða stígvélum
jafnvel. Nema það vilji verða vott
í lappirnar,“ segir Einar sem mun
kynna fólki friðlandið.
- mmf
Gengið um
friðlandið
Í friðlandi Flóans er fjölskrúðugt fuglalíf.
BÍLALEIGUBÍLAR
SUMARHÚS Í DANMÖRKU
Sumarhús
Útvegum sumarhús í
Danmörku af öllum stærðum
Fjölbreyttar upplýsingar á
www.fylkir.is
LALANDIA - Rødby
Lágmarksleiga 2 dagar.
LALANDIA - Billund
Nýtt frábært orlofshúsahverfi
rétt við Legoland.
Ódýrari bílaleigubílar
fyrir Íslendinga.
Bílar frá dkr. 1.975.- pr. viku.
Innifalið í verði;
ótakmarkaður akstur, allar
tryggingar, engin sjálfsábyrgð.
( Afgr.gjöld á flugvöllum).
Höfum allar stærðir bíla, 5 – 7
manna og minibus 9 manna og
rútur með eða án bílstjóra.
67% landsmanna undir fertugu hlusta á FM957Capacent
Þrjár góðar ástæður
til að vakna klukkan
sjö á morgnana...
www.fm957.is