Fréttablaðið - 14.06.2008, Side 66

38 14. júní 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
Nýjasta Burberry-
ilminn, the beat eau
de parfum. Hann
er sætur, ferskur og
ilmar af sumri. Er það
ekki við hæfi núna?
Ég var að gramsa í skúffum um daginn og rakst á mynd af
sjálfri mér fyrir sirka fimmtán árum og furðaði mig á því
hversu lítið fötin höfðu breyst í reynd. Þarna var ég í beinum
501 gallabuxum, hvítum bol og svörtum jakka með sama síða
hárið. Ekki mjög frumlegt. En þegar myndin er skoðuð nánar er
augljóst að það er hægt að setja ártöl á gallabuxnasnið og skóna
sem fólk klæddist við gallabuxurnar hverju sinni. Ef maður er í
röngum buxum og röngum skóm á maður á hættu að verða
gífurlega „passé“ eins og þeir segja. Fyrir fimmtán árum voru
lágbotna og jafnvel uppreimuð stígvél í tísku og mestu gellurnar
voru í kúrekastígvélum. Eftir þetta tímabil tóku svo „boot-cut“
gallabuxurnar við af Levis 501 og flestar stúlkur klæddust þeim
við háhæluð stígvél og skó undir skálmunum. En viti menn, svo
komu níðþröngu „skinny“-buxurnar og þá tóku Kate Moss og
einhverjar fleiri upp á því að hafa hælastígvélin utan yfir
skálmunum á buxunum, tíska sem hefur verið næstum
ódrepandi undanfarin ár. Síðastliðinn vetur fannst mér þetta
farið að verða púkó og þreytt og reyndi að leysa málið með
því að fara í ökklastígvél við buxurnar, en háu stígvélin
voru þó alltaf freistandi lausn. Nýleg grein í breska
dagblaðinu The Guardian líkir þessari stígvélakrísu
kvenna um hvort stígvél yfir gallabuxum séu enn fýsilegur
kostur við alþjóðlegar krísur. Í stað Watergate erum við
kvenfólkið með stígvéla gate. En dómurinn hefur verið
kveðinn upp: stígvél yfir gallabuxur eru búin að vera. Þessa
niðurstöðu á þó að taka með ákveðnum fyrir-
vara, það er leyfilegt til dæmis að vera í
þröngum, snjáðum og rokkaralegum gallabux-
um við dálítið víð, sjúskuð og flatbotna stígvél.
En háhæluðu bling-bling stígvélin við þröngu
skvísugallabuxurnar þykir vera yfirmáta
hallærislegt lúkk sem aðeins fótboltaeiginkonur
og evrótrasjið láta sér lynda. Það er nefnilega
aldrei nein afsökun fyrir því að líta út eins og
fótboltaeiginkona, jafnvel þó það sé EM. Punkt-
urinn er: horfðu frekar til skótísku Kate Moss
heldur en hennar Coleen McLoughlan. En í hverju
eigum við þá allar að vera við gallabuxurnar? Nú
ökklastígvélin eru alltaf ágætis kostur ef maður
verður að vera í stígvélum á annað borð en það
lúkk er óneitanlega dálítið 2007. Ég held að
sterkasti leikurinn sé að vera í strákalegum
rokkstígvélum sem ná aðeins upp á ökkla undir
þröngu gallabuxunum. En nú er sólin komin
hátt á loft og því um að gera að nota sæta
ballerínuskó í öllum regnbogans litum eða
þá himinháa hæla. Svo eru þeir alltaf að
spá því að þröngar gallabuxur séu
algjörlega á leiðinni út þannig að þá
tekur önnur krísa við …
Stígvélakrísan mikla
Klæðin voru vægast sagt glæsileg hjá hönnuðum eins og Christopher Kane og Julien
McDonald fyrir haust og vetur 2008. Flíkur voru alsettar pallíettum í ríkulegum gylltum
tónum sem sumstaðar minntu á brynjur musterisriddara eða grískar fornhetjur. Einnig má
draga þá ályktun að hönnuðirnir hafi sótt innblástur til Barbarellu-myndar Rogers Vadims
þar sem Jane Fonda klæddist ekki óáþekkum búningum. - amb
KRISTALLAR OG ÚTSAUMUR HJÁ ENSKUM HÖNNUÐUM FYRIR NÆSTA HAUST
SKÍNANDI PALLÍETTUR
TÖFF Rokkaralegur pallíettu-
kjóll frá Christopher Kane.
DRAUGUR Á FERÐ? Skemmtilegur hvítur
kjóll frá Giles.
HERKLÆÐI?
Stuttur kjóll þak-
inn pallíettum
hjá Christopher
Kane.
GUÐDÓM-
LEGUR
Stórglæsileg-
ur síðkjóll frá
Christopher
Kane.
LOGAGYLLT
Flottur kjóll
hjá Julien
McDonald.
KÓNGABLÁTT
Fallegur fleginn
pallíettukjóll frá
Giles.
Megaháa hæla frá hinni dönsku
Malene Birger. Steinarnir gera þá
ómótstæðilega. Skórnir fást í Kultur.
Hippalegan sumarkjól sem er flott-
ur við opna skó eða yfir gallabuxur.
Hann fæst í Companys
í Kringlunni.
OKKUR
LANGAR Í
…
> TÍSKUFRÉTTIR VIKUNNAR
Feðgin saman í auglýsingu Leikstjórinn Francis
Ford Coppola og dóttir hans Sofia eru stjörn-
ur nýrrar auglýsingaherferðar fyrir lúxusmerkið
Louis Vuitton. Herferðin er mynd-
uð af Annie Leibovitz, sem er
þekkt meðal annars fyrir starf
sitt við tímaritið Vanity Fair,
og er öll tekin í Argentínu.
Feðginin eru stödd í Buenos
Aires við tökur á nýjustu
kvikmynd Francis Ford. Í
auglýsingunni situr hann
og spjallar við dóttur sína
um kvikmyndina og segir:
„Ferðalag hefst alltaf með
fallegri sögu.“