Fréttablaðið - 28.06.2008, Page 17

dansar línudans
ndi, grasekkil í 101, Menningarhús Ísjaka, og leiðina frá vöggu til grafar.
samkomum og fermingum. Ég er
staddur nær leiðarlokum en upp-
hafi ferðarinnar og því tilheyrir að
kveðja þá samferðamenn sem ekki
ná að sitja í með mér þangað til ég
er kominn á minn áfangastað.
Kær vinkona mín, Brynja Bene-
diktsdóttir leikstjóri og leikkona,
lést á laugardag og nú er hugurinn
hjá Erlingi vini mínum og kærum
samstarfsmanni. Huggunarorð
kann ég engin, nema reyna að vera
þakklátur fyrir það sem manni
hefur verið gefið. Það er sárt þegar
fólk deyr. Fyrirsjáanlegt kannski,
því að það er leiðin okkar allra.
Samt sárt. Og ég vona að Erlingur
og Benedikt séu Guði faldir.
Hvaða Guði? Nú, til dæmis þeim
sem skapaði sólina. Hann gerir sér
títt um okkur núna. Leiðin frá
vöggu til grafar er ekki nærri eins
löng og ég hélt þegar ég var að
leggja stað í ferðalagið.
ÞRIÐJUDAGUR, 24. JÚNÍ.
Líkamlegt þunglyndi?
Í sundlauginni í morgun fann ég
hvernig gigtin kraumar ennþá í
líkamanum. Það er eins og hvítu
blóðkornin í ónæmiskerfinu séu
að skemmta sér við að halda grill-
veislur í öllum liðamótum og grill-
maturinn séu heilbrigð eggja-
hvítuefni sem sérsveitir og
greiningardeildir líkamans eiga
að kunna að þekkja frá innrásum
óvinaherja. Þessi sársauka-
fulla árás líkamans á sjálfan sig
stendur venjulega í einn eða fleiri
sólarhringa. Að bardaganum lok-
inum er vígvöllurinn, líkaminn
sjálfur dauðþreyttur og getur
ekki gert öllu meira en leggjast
fyrir til að jafna sin eftir stríðsá-
tökin.
Það er nú í rauninni ágætt, því
að gigtarlæknirinn minn segir að
því meira sem ég sofi því betra,
vegna þess að á meðan líkaminn
sefur séu viðgerðarsveitir að
störfum og reyni að koma öllu
aftur í samt lag og til góðrar
heilsu. Sjálfseyðingarhvöt er
yfirleitt sett í samband við and-
lega sjúkdóma en þessi gigtar-
plága er fyrst og fremst líkamleg-
ur sjúkdómur, kannski nokkurs
konar líkamlegt þunglyndi, þannig
að ég get sagt um mig að ég sé
þunglyndur á bæði sál og líkama. :
En þar sem ég er nægjusamur
maður finnst mér að það hálfa
væri meira en nóg.
MIÐVIKUDAGUR, 25. JÚNÍ.
Grasekkjumaður
Sólveig litla og Sólveig stóra fóru í
Bolholt í dag. Ég eftir í kotinu
með köttunum, Alíbaba og
Aladín. Horfði á Tyrki
og Þjóðverja á Evr-
ópu-
meist-
aramótinu
í fót-
bolta
með furðuleg-
asta þul sem ég
hef heyrt í.
Þegar ég
kveikti var
hann að rausa
um gífurlega
meðfædda „hæfileika-
leiðtoga“ Mikka Ball-
acks, fyrirliða þýska
liðsins. Loks kom
félagi hans þess-
um manni til
bjargar og upplýsti að í staðinn
fyrir dularfulla „hæfileikaleið-
toga“ var hann að reyna að segja
orðið „leiðtogahæfileikar“.
Togleiðaleikhæfi, hæfitogleiða-
leikur, leikleiðahæfitog, þetta er
til marks um hve löng orð geta
verið varasöm. Sömuleiðis hélt
hann að Þjóðverjar væru yfir í
leiknum lengst af þegar jafntefli
var, eitt eitt.
Ég held að það þurfi ekki eld-
flaugasérfræðinga til að lýsa
knattspyrnu frekar en pólitík sem
er líka tiltölulega einfaldur leikur
sem karlmenn hafa fundið upp.
Þorsteinn J. var svo í stúdíói með
tveimur ágætlega máli förnum
viðmælendum og bjargaði manni
undan hinum víðátturuglaða þul
sem hélt að fótbolti væri eitthvað
til að trylla fólk og gera það frá-
vita af æsingi, en það er hlut-
verk stjórnmála ekki
íþrótta.
FIMMTUDAGUR, 26. JÚNÍ.
Úr takti við þjóð-
ina
Í Viðskiptablaðinu í dag
segir Geir Haarde:
„Við gætum jafnvel
tekið upp Bandaríkja-
dal“. Fréttaveita Dow
Jones segir Geir
telja mögulega doll-
arann betri en
evru.
Hann er
frekar
sein-
hepp-
inn
þessi forsætisráð-
herra okkar og
þótt hann sé sagð-
ur músíkalskur
ætlar honum ekki
að takast að kom-
ast í takt við þjóð-
ina. Það er að
segja íslensku
þjóðina. Ég veit
ekki um þá banda-
rísku.
Fyrr frýs í Víti
en Íslendingar
taki upp Banda-
ríkjadollar sem
gjaldmiðil. Og
einhvern veginn
er ég sann-
færður um
að Geir
Haarde
verður orð- inn
að feimnis- legri
neðanmálsgrein í sög-
unni löngu áður en þær
glæður kulna. Þá er spurn-
ing hvort hægt verður að
halda á sér hita með því að
dansa bandarískan línu-
dans?
Af tillitssemi við lesendur
mína lýk ég dagbókarskrif-
um þessarar viku áður en
Spánverjar og Rússar taka til
við að leika um hvor þjóðin
fær að mæta þýsku grjótmuln-
ingsvélinni í úrslitum Evrópu-
mótsins. Ég get orðið nokkuð
vanstilltur í ræðu og riti ef
úrslit í þessu móti eru ekki mér
að skapi.
*Skv. vaxtatöflu Glitnis 21. júní 2008.
ÞÚ FÆRÐ 15 % VEXTI OG LEGGUR
NÁTTÚRUNNI LIÐ
&
HAGUR FYRIR ÞIG
Þú leggur inn á Save&Save
reikning og færð allt að
15% ársvexti*
HAGUR FYRIR HEIMINN
Glitnir leggur mótframlag í Glitnir
Globe – Sustainable Future Fund,
sjóð sem styrkir sjálfbæra þróun.
Save&Save er reikningur sem Glitnir mun bjóða á helstu markaðs-
svæðum sínum. Farðu inn á saveandsave.is eða talaðu við ráðgjafa
Glitnis og kynntu þér málið.
Glitnir er leiðandi í fjármögnun verkefna á sviði sjálfbærrar nýtingar
náttúruauðlinda.
H
V
ÍT
A
H
Ú
S
IÐ
/S
ÍA
–
0
8
-0
9
4
2
SAMSETT MYND