Fréttablaðið - 28.06.2008, Page 52

28 28. júní 2008 LAUGARDAGUR
Lausn krossgátunnar, ásamt eldri gátum og lausnum, er birt á vefnum, www.this.is/krossgatur
99
k
r.
sm
si
ð
Dæmi hvernig SMS gæti litið út ef svarið er Jón:
Þá sendir þú SMS-ið: JA LAUSN JON
Leystukrossgátuna!
ÞÚ GÆTIR UNNIÐ
ROKK Í REYKJAVÍK
Á DVD
Þú sendir SMS skeytið JA LAUSN
LAUSNARORÐ á númerið 1900!
GÓÐ VIKA / SLÆM VIKA
… stelpurnar okkar
Maður var farinn að vorkenna þeim grísku þegar
íslensku stelpurnar skoruðu
fjórða markið, hvað þá þegar
þrjú voru komin til viðbótar.
Þetta var algjört burst og
væntanlega ekki það sem
þær grísku ætluðu sér þegar
þær lögðu af stað frá flug-
höfninni í Aþenu. Íslenska
kvennalandsliðið í fótbolta er
komið í fremstu röð og skor-
aði í þessum eina leik álíka
mörg mörk og íslenska karla-
landsliðið hefur skorað á
þessari öld. Kannski spurn-
ing um að fjárframlög ríkis-
ins fari að endurspegla þessa
staðreynd?
… Dimmu
„Hún heitir Dimma, ekki
Urður,“ sagði eigandi
Doberman-hvolpsins
þegar hann sótti tíkina á
Dýraspítalann. Tíkin
fannst grafin lifandi við
Kúagerði og var á tíma-
bili útlit fyrir nýtt Lúkas-
ar-mál þegar bloggarar
hömruðu lyklaborðin með
kröfum um grimmilega
hefnd fyrir illvirkið. Ómennin eru reyndar enn
ófundin en tíkin hefur það gott og það er fyrir öllu.
… Sólvá Ford
Söngkonan Sólvá Ford komst heldur betur í feitt
þegar Ólafur F. Magnússon sá hana í Færeyjum,
heillaðist
algjörlega upp
úr skónum og
bauð henni
umsvifalaust að
troða upp á
Menningarnótt
í Reykjavík.
Þetta er
atburðarás sem
líklega er
hvergi nærri lokið og minnir helst á það þegar
ofurstinn Tom Parker tók Elvis upp á arma sína.
… náttúrulega Samfylkingu
Virkja? Tja..? Ha, dauðir ísbirnir? Uh hérna, alltaf í
bolan- um!? Glansmyndabæklingi Samfylkingar-
innar fyrir síðustu alþingiskosn-
ingar, Fagra Íslandi, hefur verið
veifað nokkuð framan í flokks-
menn að undanförnu, enda
hvorki myndir af blóðugum
ísbjörnum í útrýmingarhættu
né Össuri að undirrita viljayfir-
lýsingu um álver á Bakka í
honum. Það er því svo sem engin
furða að Össur og Þórunn vilji
banna myndatökur til að
skaða ekki ímynd Samf...,
ég meina, Íslands.
… flugfarþega
Flugumferðarstjórar
hafa fengið nóg af því
að lepja dauðann úr skel
og hófu „aðgerðir“ til að
minna á kröfur sínar.
Flugfarþegum seinkaði og
misstu jafnvel af tengiflugi.
Sem betur fer náðust fljótt
samningar, en flestir
hljóta að hafa
staðið með flug-
umferðarstjórunum
enda námu heildarlaun þeirra
ekki nema að meðaltali 809 þúsund
krónum á síðasta ári.
… flugfreyjur
Icelandair sagði
upp tæplega 240
manns í vik-
unni, þar af 138
flugfreyjum.
Þetta er versta
áfallið í flug-
bransanum
síðan afleiðing-
arnar af 11.
september urðu
ljósar.
Hetaira-hópurinn, nokkrar
ábyrgar vændiskonur í Madríd og
vinir þeirra, tók sig til í vikunni og
hélt litla hátíð til að „verja kyn-
frelsi og samlífi borgaranna“.
Þetta eru óvenjuleg hagsmuna-
samtök sem berjast fyrir réttind-
um portkvenna. Þau héldu til
dæmis einu sinni blaðamannafund
og skömmuðu þar löggurnar fyrir
að bögga sig og sína kúnna
óþarflega mikið.
Hetairas voru upp-
haflega forn-grísk-
ar gleðikonur. Þær
áttu greiðan
aðgang að auð-
mönnum og betri
borgurum og eru
sagðar hafa notið
nokkurrar virð-
ingar. Þessa vilja
púturnar í Madríd
líka njóta.
Og þeim gengur
ágætlega, að vissu leyti.
Frægur poppari, hann Manu
Chao, samdi til dæmis lag til heið-
urs hópnum og einnig er búið að
gera kvikmynd; Prinsessur.
Ljúfurnar segja að fyrsta skref-
ið til að öðlast sjálfsvirðingu í
þessu starfi sé að kalla sig kynlífs-
verkakonu. Þær berjast gegn „lög-
bannssinnum“ sem vilja lögleysa
vændi og auglýsingu þess.
„Við seljum öll líkama okkar.
Sumir heilann en aðrir selja neðri
hlutana. Þegar öllu er á botninn
hvolft er lítill munur þar á,“ segir
Pía kynlífsverkakona.
En Hetaira-fólkið komst í blöðin
vegna hátíðarinnar á dögunum. Þá
tóku skækjurnar sig til og gerðust
fyrirsætur eitt kvöld. Þær klædd-
ust dýrum tískufötum og gengu
kisugang við mikinn fögnuð áhorf-
enda.
Og stuðningssamtök hópsins
voru ekki af verri endanum. Kyn-
skiptingaklúbburinn mætti auð-
vitað í sínu fínasta pússi, sem og
eitthvað sem gæti verið þýtt sem
Félags-erótískt lífsrými kokkála.
Ekki mátti Þríhyrningsfélagið
heldur vanta, en lestina rak
hið gamla góða Samband
samkynhneigðra.
Þetta var kallað
hátíð umburðar-
lyndis og átti
meðal annars að
bræða hjörtu
íbúa og verslun-
ar eigenda í
hverfinu.
En fyrst og
fremst átti að
vekja athygli borg-
ar stjórnar. Fá hana til
að hlera þarfir þessa
almennings. Það þyrfti að
bæta úr ýmsu í hóruhverfinu, sem
á nokkrum mánuðum hefur breyst
mikið.
Það er endurnýjun í gangi. Fjár-
festar hafa keypt upp hóruhús og
breytt þeim í virðulegri stofnanir.
Fasteignaverð hefur rokið upp.
Talskonur Hetaira óttast að þær
fái bara alls ekki að vinna í fína
hverfinu, sem borgarstjórn vill fá
í staðinn.
Yfirlýst markmið endurskipu-
lagningarinnar er nefnilega að
„losna við það sem smánar
hverfið“. Nefnilega götudrósirnar
stoltu. Þeim sárnaði þetta orðalag.
Og mótmæltu auðvitað. Þetta heit-
ir stéttvísi.
Allragagn í Madríd
KLEMENS ÓLAFUR ÞRASTARSON
KÍKIR Í ERLEND BLÖÐ