Fréttablaðið - 06.07.2008, Blaðsíða 46

26 sport
U ngir og upprennnandi dóm-arar á Íslandi eru með lærifeður sér við hlið þessa
dagana. Fjórir dómarar eru undir
handleiðslu einna reyndustu dóm-
ara sögunnar og njóta góðs af.
„Þetta hafði blundað lengi í okkur,“
segir Egill Már Markússon sem
lagði flautuna á hilluna á síðasta
ári. Hann er í dómaranefnd KSÍ
sem setti verkefnið á laggirnar.
Gylfi Þór Orrason og Eyjólfur
Ólafsson eru með tvo dómara
hvor. Gylfi þá Þórodd Hjaltalín Jr.
og Þorvald Árnason. Eyjólfur fylg-
ist með Örvari Sæ Gíslasyni og
Vilhjálmi Alvari Þórarinssyni. Þá
er hinn skeleggi aðstoðardómari
Pjetur Sigurðsson með tvo aðstoð-
ardómara undir sínum væng,
Jóhann Gunnar Guðmundsson og
Gylfa Má Sigurðsson.
DÓMARASKORTUR
„Það fór af stað ákveðin umræða
eftir að menn eins og Eyjólfur,
Gylfi og svo ég sjálfur hættum að
dæma. Það væri skortur á dómur-
um og vandræði væru framundan.
Þá var byrjað að líta í kringum sig
hverjir væru menn í að taka við
enda er af nægum verkefnum að
taka. Það var verið að stækka
Landsbankadeildina og við þurfum
að manna alþjóðastörf líka,“ segir
Egill.
„Við erum heppnir að hafa Gylfa
og Eyjólf í þessu. Þeir eru með
margra ára reynslu og ég held að
þetta skili góðum framförum. Það
þarf að endurnýja menn í þessu
eins og öðru og það er hollt fyrir
dómarana að fá samkeppni. Við
erum að breikka hópinn til þess,“
segir Egill.
Markmiðið með verkefninu er að
hlúa að ungum dómurum og hjálpa
þeim að takast á við fyrstu verk-
efnin. Miðað er við að hver dómari
verði í eitt til tvö ár undir hand-
leiðslunni. „Við vonumst til að
koma mönnum hratt upp og gefa
þeim reynslu til að þeir verði til-
búnir í slaginn. Ef við teljum að
menn séu nógu góðir, þá er bara að
henda þeim í djúpu laugina. Í þetta
fer ákveðin vinna, til dæmis leit að
mönnum og síðan er að sjá hvort
þeir eru tilbúnir í þetta, það er ekki
sjálfgefið. Við erum búnir að koma
auga á ákveðna menn sem við erum
byrjaðir að vinna í. Þeir hafa staðið
sig mjög vel og við erum ánægðir.
Ég tel að við eigum nokkra í viðbót
sem eru að koma upp sem eru til-
búnir í þetta,“ segir Egill.
DÓMARAR LOKS KOMNIR
MEÐ ÞJÁLFARA
Gylfi Þór segir að verkefnið gangi
afar vel, þeir strákar sem hann er
með hafi sýnt miklar framfarir.
„Dómararnir eru loksins komnir
með þjálfara,“ segir Gylfi. „Við
reynum að horfa á sem flesta leiki
sem þeir dæma og við tökum
niður það sem okkur finnst. Svo
ræðum við saman eftir leiki um
frammistöðuna og þeir geta hringt
í mig ef þeir vilja. Þetta gengur
líka mikið út á að peppa þá upp og
leiðbeina þeim hvernig þeir lúkka
á vellinum, það er mikilvægt í
þessu líka,“ sagði Gylfi glaðbeitt-
ur.
„Mér hefur þótt gaman að taka
þátt í þessu, sérstaklega þar sem
maður hefur séð framfarir. Strák-
arnir taka gagnrýninni á réttan
hátt og þeir eru að laga það sem ég
hef bent þeim á að laga,“ segir
Gylfi. Hann er sannfærður um að
þetta skili sér í betri dómurum.
„Það er klárt og þeir eru
þegar farnir að sanna það.
Við reynum að hafa verk-
efnið ekki of stórt eða flók-
ið í sniðum eins og er. Ef þetta
gengur vel má skoða að bæta við
en það verður bara skoðað í haust,“
segir dómarinn fyrrverandi.
VERÐUM ALDREI FULLKOMNIR
Egill sjálfur starfar sem eftirlits-
dómari hjá KSÍ, þó ekki í efstu
deild. „Ég reyni frekar að horfa á
yngri mennina í neðri deildun-
um,“ segir Egill sem fylgist þar
með næstu mönnum sem gætu
komist inn í verkefnið. Hann
segir að dómarar á Íslandi
séu á pari við knatt-
spyrnuna í
gæðum.
„Fótbolt-
inn hér líður
ekkert
fyrir
gæði
dómaranna, alls ekki. Auðvitað
verða mönnum á mistök, það ger-
ist hjá dómurum en auðvitað
erum við að reyna að fækka þeim
og útrýma. Það er eilíf barátta og
við verðum aldrei fullkomnir. Þá
væri heldur ekkert fyrir ykkur
íþróttafréttamenn að gera,“ segir
Egill kíminn og heldur áfram.
„Við eigum marga góða dómara
hér á landi og Kristinn Jakobs-
son hefur sýnt að það er hægt
að ná langt. Hann er meðal
30 bestu dómara
Evrópu og það eru
ansi margir sem
öfunda hann af
því. Ég held að
dómarar á Íslandi
séu alveg í
sama
klassa og fótboltinn hér á landi,“
segir Egill.
Eftirlitskerfi reyndari dómara
með þeim yngri þekkist víða, til
dæmis í Englandi og hefur raun-
ar gert lengi. „Það er engin spurn-
ing að þetta kerfi er eitthvað sem
hefur vantað á Íslandi. KSÍ er að
stíga stór skref með þessu. Annað
var að ráða Magnús Jónsson sem
sér nú alfarið um að vera dómara-
stjóri,“ segir hann.
KSÍ stefnir nú að því að komast
inn í sérstakt gæðavottunar-
kerfi frá UEFA hvað varðar
dómaramál. „Ísland er langt
komið og við erum að klára
að uppfylla það sem þarf,“
segir Egill. „Það er listi af
hlutum sem þurfa að vera í
lagi, til að mynda þarf að
vera sér starfsmaður í
kringum dómara-
málin. KSÍ er að
vinna að þessu til
að geta verið part-
ur af þessu, þá
fást peningar inn í
dómaramál. Þetta
tekur tíma en
þessi vinna er í
gangi og vonandi
klárast þetta á
þessu ári. Þetta
kostar allt en með
meiri peningum ættu
að fást meiri gæði á
dómurum,“ segir Egill.
VÖKUL AUGU
LÆRIFEÐRANNA
DÓMARAR Á ÍSLANDI eru komnir með þjálfara. Einna reynslumestu dómarar landsins fylgja yngri
kynslóðinni nú eftir með það fyrir augum að styrkja dómarastéttina. Eftir Hjalta Þór Hreinsson
10
FRÉTTA
BLA
Ð
IÐ
/A
N
TO
N
Aldur: 26
Dæmir fyrir: Fylki
Landsdómari síðan:
Júní, 2008
Hvenær byrjaðirðu að
dæma?
Tók dómaraprófið 16 ára
til að fá frítt á völlinn.
Varstu góður í fótbolta?
Ég var þokkalegur, ég var
fyrirliði hjá þriðja flokki
og Íslandmeistari í fjórða
flokki. Ég var allavega ekki
með tvo vinstri fætur.
Af hverju gerðistu
dómari?
Ég er bara miklu betri
dómari en leikmaður. Ég
hef bara svo hrikalega
gaman af leiknum. Þegar
ég sá fram á að spila
ekkert með meistaraflokki
þá var þetta góð leið til að
halda sér í leiknum. Svo er
þetta bara fjandi gaman.
Erfiðasta við starfið:
Pressan sem er komin á
dómara. Allt frá prent- og
ljósvakamiðlum upp
í reiða pabba í sjötta
flokki. Væntingarnar eru
gríðarlegar, það er erfitt að
standa undir þeim.
Draumaverkefni:
Ætli það sé ekki bara
Meistaradeildin eða loka-
keppni EM eða HM.
ÞORVALDUR ÁRNASON
Aldur: 34
Dæmir fyrir: Fram
Landsdómari síðan:
Síðan 2004
Fyrsti leikur í efstu
deild: 1. júní 2008, Þrótt-
ur-Keflavík.
Hvenær byrjaðirðu að
dæma? Ég tók dómara-
próf úti í Danmörku árið
2000.
Varstu góður í fótbolta?
Ég var stjarna, rísandi
stjarna. Neinei, ég var
svona miðlungs. Varð
Íslands- og bikarmeistari
með Fram í yngri flokk-
unum.
Af hverju gerðistu dóm-
ari? Það var einfaldlega
af því ég gat ekki spilað
lengur vegna meiðsla en
mig langaði til að vera
viðloðinn boltann áfram.
Erfiðasta við starfið:
Þetta er erfið spurning.
Afar erfið. Ég get eiginlega
ekki svarað þessu, mér
finnst ekkert erfitt við það.
Maður fer inn á völlinn
og stendur og fellur með
sínum ákvörðunum þar.
Draumaverkefni: Ég er
raunsær. Ég er ekki að fara
til útlanda á þessum aldri
þannig að það er bara
bikarúrslitaleikurinn hér
heima.
ÖRVAR SÆR GÍSLASON
Aldur: 31
Dæmir fyrir: Þór
Landsdómari síðan: 2002
Fyrsti leikur í efstu deild: 10. maí
2008, HK-FH
Hvenær byrjaðirðu að dæma? Á
fullu árið 2000. Pabbi ýtti mér út í að
taka dómaraprófið árið 1995 reyndar
en ég var ekki alveg að fíla þetta. Ég
hef nú samt grætt heilan helling á
því að hafa pabba mér við hlið.
Varstu góður í fótbolta? Knatt-
spyrnuleg geta var ekkert sérstök,
ég átti í það minnsta ekki séns í
meistaraflokkinn.
Af hverju gerðistu dómari: Þegar
ég var hættur að spila á fullu nennti
ég ekki í neitt þriðjudeildarlið. Þetta
gekk vel að dæma eftir að ég komst
upp á lagið með það.
Erfiðasta við starfið: Pressan úr
öllum áttum, liðunum fjölmiðlum og
öðrum. Maður finnur fyrir því mest í
Landsbankadeildinni.
Draumaverkefni: Að komast á FIFA-
listann, það er markmiðið.
ÞÓRODDUR HJALTALÍN JR.
Egill Már, Gylfi og
Pjetur hafa allir
mikla reynslu sem
nýtist „kjúklingun-
um“ vel.
Aldur: 23
Dæmir fyrir: KV
Landsdómari síðan: Lok árs 2006
Hvenær byrjaðirðu að dæma?
Það var þegar ég var sextán ára, um
leið og ég mátti það.
Varstu góður í fótbolta? Ég var nú
ekki nein hetja. Ég var ekki sá fljótasti
en bætti það upp með góðum
leikskilningi.
Af hverju gerðistu dómari? Það
var gulrót að fá frítt á völlinn en svo
var þetta bara svo gaman að ég
festist í þessu. Svo meiddist ég líka
þegar ég var að sprikla í 3. deildinni
og gat því ekki spilað lengur.
Erfiðasta við starfið: Það er líklega
mótlætið sem fylgir starfinu.
Draumaverkefni: Að dæma í Meist-
aradeildinni. Og úrslitaleikur HM.
Við sjáum til með það og tökum eitt
skref í einu.
VILHJÁLMUR ALVAR ÞÓRARINSSON