Fréttablaðið - 06.07.2008, Blaðsíða 53

SUNNUDAGUR 6. júlí 2008 21
menning@frettabladid.is
Framleiðslufyrirtækið WhiteRiver Product-
ions, í eigu Elfars Aðalsteinssonar og Önnu
Maríu Pitt, hefur keypt kvikmyndaréttinn
að skáldsögunni Afleggjaranum eftir Auði
A. Ólafsdóttur sem á dögunum fékk bæði
Menningarverðlaun DV í bókmenntum 2008
og Fjöruverðlaunin, bókmenntaverðlaun
kvenna, fyrir bókina.
Höfundurinn gerði einnig samning um að
koma að handritsgerð kvikmyndarinnar og er
sú vinna þegar hafin. Ráðgert er að handrits-
vinnu ljúki í haust.
Verkefnið er viðamikið og munu bæði
íslenskir og erlendir aðilar koma að gerð
myndarinnar. Leikarahópurinn mun einnig
verða alþjóðleg blanda, en höfuðpersóna
bókarinnar er kornungur faðir sem eignast
„guðdómlegt“ stúlkubarn með vinkonu vinar
síns. Þegar barnið er nokkurra mánaða legg-
ur hann upp í ævintýralega ferð til að rækta
rósir í fjarlægum klausturgarði. Á hinum
framandi stað stendur söguhetjan andspæn-
is áleitnum spurningum um tilvist mannsins,
líkama og dauða. Aðrar helstu persónur
bókarinnar eru kaþólskur prestur sem talar
34 tungumál, stúlkubarnið guðdómlega sem
á sér tvífara í gamalli altaristöflu í þorpinu og
móðir barnsins sem er að læra mannerfða-
fræði en langar að gera ýmislegt áður en
hún tekst á við móðurhlutverkið.
Áætlað er að tökur á Afleggjaranum muni
hefjast í lok næsta árs og fara fram bæði
á Íslandi og í Suður-Evrópu þar sem bókin
gerist að stórum hluta til í litlu þorpi á fjar-
lægum stað.
- vþ
Afleggjarinn kvikmyndaður
AUÐUR ÓLAFSDÓTTIR Hefur hlotið mikið lof
fyrir skáldsögu sína Afleggjarann.
Hin margfræga og tímalausa saga Á vegum úti (On the Road) eftir
frumkvöðulinn og bítskáldið Jack
Kerouac er komin út í kilju. Ólafur
Gunnarsson þýddi söguna árið 1988
og nú tíu árum
síðar gefur
Forlagið hana út
á ný. Á vegum
úti kom fyrst út í
Bandaríkjunum
árið 1957 og
hefur engin bók
þótt lýsa betur
rótleysi kynslóð-
arinnar sem ólst
upp eftir seinna
stríð. And-
rúmsloftið í sögunni er forboði þess
æsilega glundroða sem áratug síðar
setti mark sitt á öll Vesturlönd. Nú er
þessi einstaka saga talin meðal helstu
verka amerískra nútímabókmennta
og Jack Kerouac skipað á bekk með
fremstu rithöfundum þjóðar sinnar
enda er hún gefin út undir merkjum
raðarinnar Erlend klassík sem Forlagið
setti á stofn í vor.
Veröld hefur gefið út í kilju skáld-söguna Mýs og menn eftir nób-
elsskáldið John Steinbeck í þýðingu
Ólafs Jóhanns Sigurðssonar. Sögunni
fylgir formáli
eftir Einar
Kárason. Mýs
og menn er ein-
hver kunnasta
skáldsaga 20.
aldar og hefur
hún fengið
einróma lof um
víða veröld. Hún
hefur ekki áður
komið út í kilju
á íslensku. Mýs
og menn fjallar
um farandverkamennina Georg og
Lenna og draum þeirra um að eignast
jarðarskika með svolitlu húsi. Lenni
er risastór og einfaldur rumur; Georg
gætir Lenna eins og bróður síns og
bjargar þeim iðulega úr vandræð-
um. Þeir ráða sig á stóran búgarð
og draumurinn virðist loksins ætla
að rætast en þá breytist allt. Mýs og
menn kom upphaflega út árið 1937
og sex árum síðar hafði Ólafur Jóhann
Sigurðsson, þá aðeins 25 ára að aldri,
snúið henni á íslensku. Hann endur-
skoðaði þýðinguna fyrir aðra útgáfu
árið 1984 og er sú gerð sögunnar
gefin út nú. Mýs og menn hefur marg-
sinnis verið kvikmynduð og sett á svið
nokkrum sinnum hér á landi.
Út er komin hjá bókaforlaginu Bjarti ljóðabókin Í fjarveru trjáa
- vegaljóð eftir Ingunni Snædal. Bók
hennar Guðlausir menn, hugleiðingar
um jökulvatn og ást kom út hjá Bjarti
árið 2006, hlaut
bókmenntaverð-
laun Tómasar
Guðmundsson-
ar, var tilnefnd
til Íslensku
bókmennta-
verðlaunanna
og heillaði bæði
ljóðelska og þá
sem ókunnari
eru ljóðum.
Hún hefur verið
prentuð fimm
sinnum. Í ljóðabókinni Í fjarveru trjáa
ferðast skáldið um landið vítt og
breitt, segir frá nýjum Flóabardaga,
topptíu sólsetrum og bæjarnöfnum,
hamingjublettum og vestfirskum
ævintýrum. Ingunn Snædal er fædd
á Egilsstöðum, uppalin á Jökuldal og
hefur búið á Spáni, Írlandi, í Kostaríku,
Danmörku, veturlangt á Aran-eyjum
út af vesturströnd Írlands og til
skamms tíma í Mexíkó. Ingunn leggur
nú stund á meistaranám í íslensku
við Háskóla Íslands. Ingunn hefur
áður sent frá sér ljóðabækurnar Á
heitu malbiki árið 1995 og Guðlausir
menn - hugleiðingar um jökulvatn og
ást, 2006.
NÝJAR BÆKUR
Vilhelm Anton Jónsson opnaði sýninguna Samfélag í svörtu bleki á
Café Karólínu á Akureyri í gær. Á sýningunni má sjá teikningar sem
eru hlaðnar svörtum húmor og fjalla um atburði og aðstæður sem
snerta fólk misjafnlega. Lítil saga eða aðstöðulýsing er skrifuð inn á
hverja mynd, áhorfendum til glöggvunar. Í myndunum lýsir Vilhelm
gráum raunveruleikanum, en flestar myndanna sýna atburði sem
gerast í kringum aldamótin 1800 þó að efnið nái í sjálfu sér yfir tíma og
rúm og eigi ekki síður við í dag. Með því að tímasetja myndirnar í
fortíðinni færir Vilhelm áhorfendur þeirra frá samtímanum og veitir
þannig færi á að skoða hann úr fjarlægð, meta hann og gagnrýna
samferðamenn okkar, gildi þeirra og okkar sjálfra.
Vilhelm er starfandi tónlistar- og myndlistarmaður og þetta er
fimmta einkasýning hans. Vilhelm hefur gefið út fimm plötur í allt,
bæði með hljómsveit sinni 200.000 naglbítum og einnig undir eigin
nafni. Hann vinnur nú að stóru verkefni með 200.000 naglbítum og
Lúðrasveit verkalýðsins sem kemur út í haust. Hann er menntaður
heimspekingur og sjálfmenntaður listamaður. - vþ
Myndir úr fortíðinni
HVERSDAGSLEGAR AÐSTÆÐ-
UR Teikning eftir Vilhelm
Anton Jónsson.
Sumartónleikaröð Lista-
safns Sigurjóns er fyrir
lögnu orðinn fastur liður í
menningarlífi borgarinnar.
Fyrstu tónleikar sumarsins
fara fram á þriðjudagskvöld
kl. 20.30, en þar stíga á svið
þær Freyja Gunnlaugs-
dóttir klarinettuleikari og
Siiri Schütz píanóleikari og
flytja viðstöddum ung-
verska dansa og rómantíska
tónlist.
Auk spennandi tónlistarflutnings
verður boðið upp á myndbandsverk
eftir Þorbjörgu Jónsdóttur sem
fléttast listilega inn í flutning
þeirra Freyju og Siiri.
Á efnisskrá tónleikanna eru són-
ötur eftir Brahms og svo verk eftir
tónskáldin Leó Weiner og Reszo
Kökai. Freyja segir tónleikana
verða skemmtilega og fjöruga. „Við
Siiri höfum flutt þessa efnisskrá
áður og hefur henni verið afar vel
tekið. Við stefnum svo að því að
flytja hana í Sviss seinna í sumar
og í New York í haust, þannig að
það mætti segja að tónleikarnir á
þriðjudag séu upphafið á litlu tón-
leikaferðalagi.“
Þær Siiri og Freyja hafa leikið
saman tónlist í eitt ár og stefna að
því að fara í hljóðver og taka upp
efnisskrána. „Okkur langaði lengi
til þess að spila saman, en þurftum
að finna réttu tónlistina,“ útskýrir
Freyja. „Það hefur náttúrlega verið
samið heilmikið af fallegri tónlist
fyrir píanó og ýmis hljóðfæri, en
það er því miður ekki til mikið af
tónlist fyrir píanó og klarinett. En
við erum ánægðar með þessa efnis-
skrá og stefnum að því að taka hana
upp nú í vetur.“
Freyja hefur talsvert starfað
með myndlistarmönnum og skapað
þannig brú á milli þessara list-
greina. „Mér líst afar vel á það að
spila í safninu; þar er vinalegt and-
rúmsloft og gott að vera. Það verð-
ur gaman að spila meðfram mynd-
bandsverkum Þorbjargar. Þau hafa
á sér ævintýrabrag og tengjast
þannig tónlistinni sem við flytjum,
en hún er líka ævintýraleg á sinn
hátt,“ segir Freyja.
vigdis@frettabladid.is
Klarinett og píanó í
Listasafni Sigurjóns
FREYJA GUNNLAUGSDÓTTIR Kemur
fram í Listasafni Sigurjóns Ólafssonar á
þriðjudagskvöld ásamt píanóleikaranum
Siiri Schütz.
Kl. 20
Bine Katrine Bryndorf, prófessor í
orgelleik við Konunglega konservat-
oríið í Kaupmannahöfn og organisti
við Vatov-kirkju, kemur fram á
tónleikum í Hallgrímskirkju í kvöld
kl. 20. Þar mun hún leika verk eftir
tónskáldin Johann Sebastian Bach,
Oliver Messiaen og Carl Nielsen.
Tónleikarnir eru hluti af dagskrá
Norrænnar orgelhátíðar 2008.

Bæjarlistamaður Mosfellsbæjar 2008
Menningarmálanefnd Mosfellsbæjar auglýsir eftir ábendingu um bæjarlistamann Mosfellsbæjar
2008. Bæjarlistamanni er jafnframt veittur menningarstyrkur og verður útnefning tilkynnt í tengslum
við bæjarhátíðina ,,Í túninu heima” í ár.
Nefndin óskar hér með eftir tilnefningum eða ábendingum frá Mosfellingum um einstakling eða
samtök listamanna í Mosfellsbæ, sem til greina koma að bera sæmdarheitið ,,Bæjarlistamaður ársins
2008”.
Einungis einstaklingar, sem búsettir eru í Mosfellsbæ og hópar og samtök, sem starfa í bæjar-
félaginu koma til greina. Þá setur Menningarmálanefnd það einnig sem skilyrði að tilnefndir
einstaklingar eða hópar hafi verið virkir í listgrein sinni.
Eftirtaldir aðilar hafa hlotið sæmdarheitið Bæjarlistamenn Mosfellsbæjar: Skólahljómsveit
Mosfellsbæjar (1995), Leikfélag Mosfellssveitar (1996), Inga Elín, myndlistarmaður (1997),
Sigrún Hjálmtýsdóttir, söngkona (1998), Sigurður Þórólfsson, silfursmiður (1999), Karlakórinn
Stefnir (2000), hljómsveitin Sigur Rós (2001), Anna Guðný Guðmundsdóttir, píanóleikari
(2002), Steinunn Marteinsdóttir, myndlistarmaður (2003), Guðrún Tómasdóttir, söngkona og
Frank Ponzi, bóka- og myndlistarmaður (2004), Símon H. Ívarsson, gítarleikari (2005), Jóhann
Hjálmarsson, rithöfundur (2006). Núverandi bæjarlistamaður er Ólöf Oddgeirsdóttir, mynd-
listarmaður.
Ábendingar þurfa að hafa borist Menningarmálanefnd Mosfellsbæjar í síðasta lagi 24. júlí 2008 og
skulu sendast á:
Mennningarsvið
Bæjarskrifstofum Mosfellsbæjar, Kjarna
Þverholti 2
270 Mosfellsbær
eða með tölvupósti á bth@mos.is
Menningarmálanefnd Mofsellsbæjar