Fréttablaðið - 06.07.2008, Blaðsíða 44

24 sport
L andsliðsþjálfarinn Sigurður Ragnar Eyjólfsson er vakandi fyrir framtíðar-leikmönnum landsliðsins og hefur verið
duglegur að kalla ungar stelpur inn í hópinn.
Tveir leikmannanna, Sara Björk Gunnars-
dóttir og Rakel Hönnudóttir, eru orðnir fasta-
menn í hópnum og Sara Björk er orðin lykil-
maður þrátt fyrir ungan aldur. Sigurður
Ragnar valdi líka tvo nýliða, Berglindi Björgu
Þorvaldsdóttur og Gunnhildi Yrsu Jónsdótt-
ur, í síðasta verkefni og heldur því upptekn-
um hætti að gefa efnilegustu knattspyrnu-
konum landsliðsins nasaþefinn af því að það
sé stutt í A-landsliðið séu þær tilbúnar að
leggja mikið á sig á næstunni.
Vanda Sigurgeirsdóttir, þjálfari Breiða-
bliks, er að margra mati með efnilegasta liðið
í deildinni og hún hefur gefið mörgum þeirra
stór hlutverk í sumar. Þrjár þeirra komust á
lista Fréttablaðsins að þessu sinni, miðjumað-
urinn Hlín Gunnlaugsdóttir og framherjarnir
Berglind Björg Þorvaldsdóttir og Fanndís
Friðriksdóttir. Hinir leikmennirnir eru Mist
Edvardsdóttir, lykilmaður á miðjunni hjá
nýliðum og spútnikliði Aftureldingar, Arna
Sif Ásgrímsdóttir, hinn sterki miðjumaður
Þórs/KA, og svo Gunnhildur Yrsa Jónsdóttir,
sókndjarfur miðjumaður Stjörnunnar, en
Stjarnan hefur spilað vel í sumar og er mun
ofar en búist var við.
Það er ljóst að þetta val er langt frá því að
vera óumdeilanlegt en Fréttablaðið leitaði
aðstoðar nokkurra aðila sem hafa fylgst vel
með boltanum í sumar. Það komu upp mörg
nöfn í þessum viðtölum en aðeins sex þeirra
komust inn á endanlegan lista. Aðrar sem
voru nefndar og voru nálægt því að komast í
hóp þessara sex leikmanna eru Anna Birna
Þorvarðardóttir (19 ára bakvörður úr Breiða-
bliki), Dagný Brynjarsdóttir (16 ára sóknar-
djarfur miðjumaður úr Val), Guðrún Ólöf
Olsen (15 ára framherji úr Keflavík), Karen
Sturludóttir (18 ára framherji úr HK/Vík-
ingi), Ólöf Gerður Ísberg (19 ára bakvörður
úr KR), Sigríður Þóra Birgisdóttir (16 ára
framherji úr Aftureldingu) og Silvía Rán Sig-
urðardóttir (16 ára miðvörður úr Þór/KA).
VONARSTJÖRNURNAR
Fréttablaðið hefur valið sex leikmenn í Landsbankadeild kvenna sem hafa skapað sér nafn í deildinni í sumar. Landsbankadeildin
hefur sjaldan verið jafnari hjá stelpunum og ein af stóru ástæðunum er að ungir leikmenn eru að koma inn í liðin og auka um leið
breiddina í kvennaboltanum.
HLÍN GUNNLAUGSDÓTTIR
18 ára (Fædd: 14. september 1989)
Miðjumaður í Breiðabliki
Tölurnar í sumar: 8 leikir, 2 mörk
Hvað segir þjálfari hennar, Vanda Sigurgeirsdótt-
ir? „Hlín er hrikalega efnileg og er miðjumaður
framtíðarinnar. Hún er feikilega vinnusöm og
dugleg og getur hlaupið endalaust. Hún er í frá-
bæru formi, hefur mikla hlaupagetu og ofsalega
dugleg sem er mikill kostur. Fyrir utan það hefur
hún síðan leikskilning og mjög góða tækni. Mér
finnst hún líka vera ótrúlega grimm í tæklingum
miðað við aldur og þyngd. Ég vil að hún skori
meira og ég hef verið að ræða það við hana. Hún
er oft komin á rétta staði þannig að ég vil að hún
skori meira. Hún hefur allt til að bera og svo er
hún líka frábær karakter.“
GUNNHILDUR YRSA JÓNSDÓTTIR
20 ára (Fædd: 28. september 1988)
Miðjumaður í Stjörnunni
Tölurnar í sumar: 7 leikir, 3 mörk
Hvað segir þjálfari hennar, Þorkell Máni
Pétursson? „Gunnhildur er draumaleikmaður
allra þjálfara. Hún gefur sig 100 % í alla leiki og
myndi spila hauslaus ef hún væri beðin um það.
Hún er andlega sterk sem sést best á því að hún
er búin að rífa sig tvisvar upp eftir erfið meiðsli.
Hún er með góða tækni, mikla sendinga- og
skotgetu og er einhver öflugast skallamaður
í deildinni þrátt fyrir að hafa ekki mikla hæð.
Heldur bolta betur en flestallir leikmenn í deild-
inni. Hún er góður félagi í hóp með frábæran
húmor og góðan tónlistarsmekk. Gunnhildur
er ekki búin að spila mikið vegna meiðslavand-
ræða síðustu ára og á helling inni.“
BERGLIND
BJÖRG ÞOR-
VALDSDÓTTIR
16 ára (Fædd: 18.
janúar 1992)
Framherji í Breiðabliki
Tölurnar í sumar: 7
leikir, 5 mörk
Hvað segir þjálfari
hennar, Vanda Sigur-
geirsdóttir? „Hún er
markaskorari af guðs
náð og er markahæst
í liðinu þrátt fyrir að
vera að útskrifast
úr 10. bekk. Hún er
mjög fljót og örugg
upp við markið. Það
sem mun gera hana
enn þá hættulegri í
framtíðinni er það
sem við erum að
vinna með núna. Við
erum að fá hana til
að vera áræðnari og
reyna meira sjálf. Hún
hefur tæknina og
hraðann til þess. Hún
er hættuleg núna en
hún verður enn þá
hættulegri þegar hún
bætir þessu við. Hún
tekur mjög mikið af
flottum hlaupum og er
líka góð að taka á móti
bolta en þarf helst að
bæta skallatæknina.
Hún er ótrúleg í að
nýta færin sín og ég
held að í framtíðinni
muni hún halda hrað-
anum sínum og svo
verða bara sterkari.“
FANNDÍS FRIÐRIKSDÓTTIR
18 ára (Fædd: 9. maí 1990)
Framherji í Breiðabliki
Tölurnar í sumar: 8 leikir, 2 mörk
Hvað segir þjálfari hennar, Vanda Sigurgeirs-
dóttir? „Fanndís er með mikinn sprengikraft og
er rosalega fljót. Hún er áræðin og hún fer bara
þangað sem hún ætlar sér. Hún er líka mjög
sparkviss og er með mjög flottan fót. Hún er
búin að vera óheppin með meiðsli í vetur en
er alltaf ótrúlega fljót að jafna sig enda er hún
með íþróttagen í sér. Hún hefur verið að brenna
svolítið af í færum en núna held ég að það sé að
koma. Hún skoraði tvö mörk í síðasta leik og ég
hef líka verið að tala um það við hana að vera
ekkert að svekkja sig því núna fari hún bara að
skora.“
ARNA SIF ÁSGRÍMSDÓTTIR
15 ára (Fædd: 12. ágúst 1992)
Miðjumaður í Þór/KA
Tölurnar í sumar: 7 leikir, 2 mörk
Hvað segir þjálfari hennar, Dragan Stojanovic?
„Arna er mjög sterkur leikmaður, hún er mjög
góður skallamaður og hefur fínan skilning á
leiknum. Arna hefur líka fyrst og fremst mjög
góðar sendingar. Hún er í lykilhlutverki á miðj-
unni hjá okkur. Það sést líka á mikilvægi hennar
að þó að hún sé enn í 3. flokki þá þurftum við að
fresta leiknum á móti Stjörnunni þar sem hún
var að spila með 16 ára landsliðinu. Hún hefur
staðið sig mjög vel í sumar en auðvitað þarf hún
að bæta sinn leik meira. Ég sé hana samt fyrir
mér í A-landsliðinu í framtíðinni. Henni hefur
verið líkt við Eddu Garðarsdóttur og í dag getur
hún ekki unnið varnarvinnuna eins vel og Edda
en að mínu mati getur hún aftur á móti gefið
betri úrslitasendingu en Edda.“
MIST EDVARDS-
DÓTTIR
17 ára (Fædd: 17. október
1990)
Miðjumaður í Aftureldingu
Tölurnar í sumar: 7 leikir, 1
mark
Hvað segir þjálfari hennar,
Garreth O´Sullivan? „Mist
hefur bætt sig mikið á
síðustu tólf mánuðum, hefur
verið að þroskast mikið inni
á vellinum og er í dag orðin
gríðarlega mikilvægur leik-
maður fyrir okkur. Mist hefur
góða tækni og er mjög sterk í
loftinu miðað við hvað hún er
enn ung. Stundum lætur hún
mig gleyma að hún sé bara
17 ára enn þá. Menn mega
ekki láta það blekkja sig að
hún sé há og grönn því hún
lætur finna fyrir sér og hún
verður mjög góður leikmað-
ur í framtíðinni þó að það
hafi tekið hana lengri tíma
en hjá mörgum. Hún er búin
að leggja mikið á sig í vetur
og vor og það er að skila sér.
Hún hefur kannski ekki átt
eintóma stórleiki í sumar en
hefur þó sýnt stöðugleika og
er með öruggt sæti meðal
þeirra ellefu fyrstu sem er
flott hjá sautján ára stelpu.“
8